سۋرەتتى تۇسىرگەن نۇربولات نۇرجاۋباي
بۇل كىتاپشالار وسى سالادا شيرەك عاسىردان اسا قىزمەت كورسەتىپ كەلە جاتقان «ASU» باسپا ءۇيى» جشس مەن «بالاپان» تەلەارناسىنىڭ اراسىندا جاسالعان كەلىسىم شارت نەگىزىندە جارىق كورىپ وتىر.
«قىزىلوردا قالامگەرلەر قاۋىمداستىعى» ۇيىمداستىرعان تۇساۋكەسەردە وبلىس اكىمىنىڭ ورىنباسارى نۇرىمبەت ساقتاعانوۆ وتاندىق انيماتسيالىق فيلمدەردىڭ بوياۋ كىتاپشالارىن شىعارۋ باسپا تاراپىنان بالالار جىلى اياسىندا بۇلدىرشىندەرگە جاسالعان ۇلكەن سىي بولعانىن اتاپ ءوتتى. وبلىستىق ءماسليحات دەپۋتاتى, «سىر مەديا» جشس باس ديرەكتورى امانجول وڭعارباەۆ بالالاردىڭ وي كوكجيەگىن كەڭەيتىپ, قيالىن ۇشتايتىن سۋرەتتى كىتاپشالاردىڭ وسكەلەڭ ۇرپاق تاربيەسىندەگى ورنىنىڭ ەرەكشە ەتكەندىگىن جەتكىزدى.
«ASU» باسپا ءۇيى» جشس ديرەكتورى قاسىمحان قادىرباەۆتىڭ ايتۋىنشا «بالاپان» تەلەارناسى 10 شاقتى مۋلتيسەريال ۇسىنعان ەكەن. ونىڭ ىشىندە قازاق تىلىنە اۋدارىلعان دۇنيەلەر دە بولىپتى. قازاق انيماتسياسىنا قولداۋ ءبىلدىرۋدى كوزدەگەن باسپا «بالاپان» ستۋدياسىنىڭ تاپسىرىسىمەن تۇسىرىلگەن وسى ەكەۋىن تاڭداپ العان.
اۋەلگىدە 3D فورماتىندا «دالا ويىندارى» دەگەن اتاۋمەن ەفيرگە شىققان مۋلتيسەريال كەيىنگى ماۋسىمدا «سيقىرلى تاس» بولىپ وزگەردى. بىراق كەيىپكەرلەرى, جەلىسى ساقتالىپ قالعان تۋىندىداعى بەينەلەر بالالارعا ابدەن تانىس. ال ونىڭ بوياۋ كىتاپشاسى التى جاسقا دەيىنگى بالالارعا ارنالىپ شىعارىلدى.
ودان ۇلكەن بالالار ءۇشىن 2D فورماتىندا تۇسىرىلگەن تاريحي تانىمدىق ء«ال-فارابي» مۋلتيسەريالى تاڭدالدى. مۇندا الەمدەگى ەكىنشى ويشىل سانالعان عۇلامانىڭ قاناتتى سوزدەرىنىڭ ىشىنەن وقۋ-بىلىمگە, عىلىمدى سۇيۋگە شاقىرعان ويلارى ىقشامداپ ەنگىزىلىپ وتىر. كىتاپشالاردىڭ ءار بەتىندەگى QR كود ارقىلى كەز كەلگەن مۋلتيسەريالدى كورۋگە بولادى.
قازاقستان سۋرەتشىلەر وداعىنىڭ مۇشەسى, م.مامەتوۆا اتىنداعى جوعارى پەداگوگيكالىق كوللەدج وقىتۋشىسى اينۇر قارامۇرزاەۆا بالالارعا بازارلىق جاساعان باسپا ۇجىمىنا العىسىن جەتكىزدى.
جوبانىڭ كوركەمدىك جەتەكشىسى جەرگىلىكتى سۋرەتشى, ديزاينەر قۋانىش ورازباەۆ سۋرەتتەردى گرافيكالىق پلانشەت ارقىلى سالىپتى. ال تەحنيكالىق رەداكتورى كاسىبي مامان باقىتجان سالمىرزا.
قىزىلوردا
