ونىڭ باستى ماقساتى - قازاقستاننىڭ بارلىق وڭىرلەرىنەن ەرەكشە ءبىلىم بەرۋ قاجەتتىلىكتەرى بار دارىندى بالالارعا قولداۋ كورسەتۋ, شىعارماشىلىق باعىتتا دامىتۋ. جوبا بالالار جىلى اياسىندا جۇزەگە اسىرىلىپ وتىر.
گالا-كونتسەرتكە قاتىسقان بالالاردى مادەنيەت جانە سپورت ءمينيسترى داۋرەن اباەۆ قۇتتىقتاپ, ينكليۋزيۆتى ءبىلىم بەرۋ مەن قوعامدى دامىتۋدا مۇنداي جوبانىڭ ماڭىزى زور ەكەنىن اتاپ ءوتتى. ەلىمىزدەگى ەرەكشە بالالاردىڭ ونەرىن ۇشتاۋعا باعىتتالعان فەستيۆال رەسپۋبليكامىزدىڭ ءار ايماعىنداعى دارىندى جاستاردىڭ باسىن قوسادى.
«ونەر – ادامنىڭ جانىن عانا ەمدەمەيدى, ونىڭ تانىنە دە تىرەك بولادى. بالالاردىڭ تالانتىن اشۋدا مۇنداي الاڭدار اركەز قاجەت. سوندىقتان وسى جوبانى جۇزەگە اسىرۋعا اتسالىسقان ازاماتتاردىڭ بارلىعىنا العىس ايتامىن. سىزدەر بالالاردى باقىتتى, ال قوعامدى مەيىرىمدى ەتۋگە ۇلەس قوسىپ وتىرسىزدار», دەدى داۋرەن اباەۆ.
گالا-كونتسەرتتە روزا رىمباەۆا, ايجان نۇرماعامبەتوۆا, قۇرماش ماحان, سالتانات مەڭدىعاليەۆا, الىبەك الماديەۆ, رۋحيا بايدۋكەنوۆا, ديدار ابدۋحالىق, گۇلدانا اكيموۆا (فلەيتا) سىندى تانىمال ونەرپازدار, «استانا سازى» مەملەكەتتىك فولكلورلىق ءانسامبلى, «مەلومەن» توبى, Turan فولكلورلىق-ەتنوگرافيالىق ءانسامبلى, Forte Trio جانە Saz&Soul شىعارماشىلىق ۇجىمدارى بالالارمەن بىرگە ونەر كورسەتتى. مۇنى فەستيۆالدىڭ ەرەكشەلىكتەرىنىڭ ءبىرى رەتىندە اتاپ وتسەك بولادى.
پيلوتتىق جوباعا بىرنەشە ۇيىم سەرىكتەس بولدى, ولاردىڭ قاتارىندا BI جۇلدىزاي كورپوراتيۆتىك قورى, BINOM SCHOOL جانە «نۇرلى جۇرەك» الەۋمەتتىك قامسىزداندىرۋ ورتالىعى بار.
