ارىپتەستىك ەكى جاققا دا ءتيىمدى

قازاقستان مەن رەسەي اراسىنداعى ينتەگراتسيالىق بايلانىستار  ورتا جانە جوعارى ءبىلىم بەرۋ ىسىنەن دە كەڭ كورىنىس تاۋىپ وتىر. م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى رەسەيلىك جوعارى وقۋ ورىندارىمەن بىرلەسكەن جوبالاردى ىسكە اسىرۋعا مۇددەلى. وسى ماقساتتا ورال قالاسىندا رەسەيدىڭ ۋليانوۆ قالاسىنان كەلگەن عالىمدار وزدەرى جاساقتاعان وزىق جوبالاردى ورتاعا سالدى. ۋليا­نوۆ مەملەكەتتىك پەداگوگيكا­لىق ۋنيۆەرسيتەتىن جىلىنا مىڭ­داعان تۇلەك ءتامامدايتىن بولسا, سونىڭ 75 پايىزى  – پەداگوگ-ماماندار. كەزدەسۋ بارىسىندا ەكى وقۋ ورنى بىرلەسكەن وقۋ باعدارلاماسىن جاساۋ, قازاقستاندىق ماگيسترانتتاردىڭ رەسەيدە عىلىمي ءىس-تاجىريبەدەن ءوتۋىن قامتاماسىز ەتۋ, ستۋدەنتتەر­دىڭ الەۋمەتتىك جاعدايىن جاقسار­تۋ سەكىلدى بىرنەشە يننوۆاتسيالىق جو­بالاردى تالقىلادى. كەزدەسۋ بارىسىندا حالىقارالىق ىنتى­ماقتاستىق اياسىندا ەكى جاقتى بايلانىستى نىعايتۋ ءۇشىن مەمو­ران­دۋمعا قول قويىلدى. – رەسەيلىك جوعارى وقۋ ورنى ماماندارى شاعىن مەكتەپتەردەگى جۇمىس ءتا­جى­ريبەسىمەن ءبولىستى. بۇل – ەلىمىزدەگى ءبىلىم بەرۋ سالاسىنداعى كۇردەلى ماسەلەلەردىڭ ءبىرى. وسىعان وراي شاعىن مەكتەپتەرگە مۇعالىمدەر دايىنداۋدا ۋليانوۆ مەملەكەتتىك پەداگوگيكالىق ۋنيۆەرسيتەتىنىڭ مول تاجىريبەسى بار جانە بۇل جاعىنان دا بو­لا­شاقتا ءجيى ءتا­جى­ريبە الماساتىن بولامىز,  – دەيدى م.وتەمىسوۆ اتىن­داعى باتىس قازاقستان مەملەكەتتىك ۋنيۆەرسيتەتىنىڭ ءبىرىنشى پرورەكتورى اسەت تاسماعامبەتوۆ. ال ۋليانوۆ مەملەكەتتىك پەدا­گو­گيكالىق ۋنيۆەر­سيتەتىنىڭ عىلى­مي جۇمىستار جونىندەگى پرورەكتورى ناتاليا يلينانىڭ ايتۋىنشا, ەكى جاققا دا وتە ءتيىمدى ارىپتەس­تىك بايلانىس تەك پەداگوگ مامانداردى عانا ەمەس, جالپى الەۋمەت­تىك-گۋمانيتارلىق سالادا­عى كادر­لاردى دايارلاۋ بويىنشا دا اي­قىن كورىنىس تاۋىپ وتىر. ءبىلىم بە­رۋ باعدارلاماسى اياسىندا دايار­لىقتان وتكەن ماماندار بىردەن رەسەيدىڭ جانە قازاقستاننىڭ ديپ­­­لومىن يەلەنەدى. تاعى ءبىر باسىم­دىعى,  اكادەميالىق ۇتقى­رلىق نەگىزىندە ءبىلىم الاتىن جاس ىزدەنۋشى عالىمدارمەن بىرگە ماگيسترانتتار مەن پروفەسسورلىق-وقىتۋشىلار قۇرامىنىڭ قاتارى دا ارتا تۇسەدى. ريتا سۇلتانعاليەۆا, م.وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ  ءباسپاسوز حاتشىسى. ورال.