قارا شاڭىراقتان قانات قاققان

2002 جىلدىڭ 4 شىلدەسىندەگى ءال-فارابي اتىنداعى قازۇۋ عىلىمي كەڭەسىنىڭ قاۋلىسى بويىنشا ۋنيۆەرسيتەت جانىنان كوللەدج اشىلدى. كوللەدجدىڭ دامۋ تاريحىندا ز.يساەۆا, ك.جادانوۆا, ب.كاريموۆا, ت.مولداحانوۆ سياقتى ەلىمىزدىڭ كورنەكتى پەداگوگتارى تۇردى. ءبىلىم مە­كەمەسىنىڭ نەگىزگى مىندەتى ەڭبەك نا­رىعىندا سۇرانىسقا يە تەحني­­كالىق جانە كاسىبي ءبىلىمنىڭ بىلىكتى ما­ماندارىن دايىنداۋ بولىپ تابىلادى. قازۇۋ-ءدىڭ كوپ دەڭگەيلى ءبىلىم جۇيەسىندە كوللەدج ۇلكەن ماڭىزعا يە. ۋنيۆەرسيتەتتىڭ قۇرى­لىم­دىق بولىمشەسى بولا وتىرىپ, كول­لەدج وسى وقۋ ورنىنىڭ ءبىلىم جانە عىلىمي-زەرتتەۋ ۇردىستە­رىنىڭ بەل­سەندى بولىگى بولىپ تابىلادى, سونى­مەن قاتار, ءبىلىم بەرۋ ءۇشىن جوعا­رى مامانداندىرىلعان وقىتۋ­شى-پرو­فەسسورلار قۇرامىن تارتۋ مۇمكىندىگىنە يە. ءبىلىم مەكەمەسى قۇقىقتانۋ, قارجى, ەلەكتروندى ەسەپتەۋ تەح­نيكاسى جانە باعدارلامالىق قامتاماسىزداندىرۋ, اقپاراتتىق جۇيەلەر, ەسەپ جانە اۋديت, اۋدارما ءىسى ماماندىقتارى بويىنشا 9-شى جانە 11-ءشى سىنىپتاردان سوڭ ماماندار دايىنداۋدى جۇزەگە اسىرادى. كوللەدجدى  بىتىرگەن سوڭ مەملە­كەت­تىك ۇلگىدەگى ديپلوم بەرىلەدى, وسى ديپلوم نەگىزىندە بىتىرۋشىلەر قازۇۋ-دە ۇقساس ماماندىقتار بويىنشا قىسقارتىلعان وقۋ مەرزىمىمەن ءبىلىمىن جالعاستىرا الادى. كوپتەگەن ستۋدەنت-بىتىرۋشىلەر بانكتەرگە, زاڭ قىزمەتتەرىنىڭ فيرمالارىنا, نوتاريالدىق كەڭسەلەرگە, IT-كوم­پانيالارعا قىزمەتكە ورنالاسادى. بۇگىنگى كۇندە وقۋ ورداسى زامان تالابىنا ساي ءبىر ۋاقىتتا تەو­ريا­لىق جانە تاجىريبەلىك ءبىلىم الۋدى نەگىزدەيتىن قوس جۇيەلى ءبىلىم بەرۋدى ەنگىزۋ ءۇشىن بارلىق كۇشىن سالۋدا. ەڭبەك نارىعىندا سۇرانىسقا يە بىلىكتى مامانداردى دايىنداۋمەن قام­تاماسىز ەتە الادى جانە قىز­مەت­كە تۇرۋعا كەپىلدىك ەتە وتىرىپ, ءار­­بىر ءبىتىرۋشىنى ناقتى وندىرىسكە با­عىت­تاۋ ءۇشىن جاعداي جاسايدى. بۇگىنگى تاربيەلىك ءۇردىستىڭ نەگىزگى مىندەتى – ءبىلىم الۋشىلاردى بەلسەندى ستۋدەنتتىك ومىرگە تارتۋ. سول ءۇشىن ولاردىڭ زياتكەرلىك قابىلەتىن, وي-ءورىسىن دامىتۋدا, دەنە تاربيەسىمەن شۇعىلدانۋلارى ءۇشىن بارلىق مۇمكىندىكتەردى پايدالانىپ, جاعدايلارىن جاساۋ ءلازىم. كوللەدجدەگى تاربيەنىڭ ءتىنى ءبىلىم مەن تاجىريبەنى ۇلكەن بۋىننان كىشىگە بەرۋ عانا ەمەس, سونىمەن قاتار وقىتۋشىلار مەن ءبىلىم الۋشىلاردىڭ ءبىلىم سالاسىندا جانە ساباقتان تىس قىزمەتىندە ولاردىڭ بىرىگىپ قىزمەت ەتۋى رەتىندە تۇسىندىرىلەدى. تاربيە ءۇردىسىن ناتيجەلى جۇزەگە اسىرۋ مەن جەتىلدىرۋ ءۇشىن كوللەدج­دە كۋراتورلار كەڭەسى, ستۋدەنتتىك ءماسليحات, اتا-انالار كوميتەتى جۇ­مىس ىستەيدى, 10-نان اسا ءتۇرلى ۇيىرمەلەر مەن سپورتتىق سەكتسيالار بار. بىرىڭعاي ءبىلىم جانە تاربيەلىك كەڭىستىكتە ءبىلىم الۋشىلاردىڭ ءتۇرلى قابىلەتتەرىن ۇشتاي ءتۇسۋ ءۇشىن قو­لايلى جاعدايلار جاسالعان. اشىلعان ۋاقىتتان باستاپ ءبىلىم مەكەمەسى كوپتەگەن ايتارلىقتاي جەتىستىكتەرگە جەتتى. ءبىلىم الۋشىلارىمىز جىل سايىن «ستۋدەنتتىك كوكتەم» سايىسىنىڭ, الماتى قالاسى كوللەدجدەرى وتكىزەتىن ستۋدەنتتىك عىلىمي جوبالاردىڭ, حالىقارالىق جانە رەسپۋبليكالىق عىلىمي-تاجىريبەلىك كونفەرەنتسيالار مەن وليمپيادالاردىڭ جۇلدەگەرلەرى قاتارىنان كورىنۋدە. «اۋدارما ءىسى» ماماندىعى بويىنشا ءبىلىم الۋشىلارىمىز تىلدىك تاجىريبەدەن ءوتۋ ءۇشىن مالايزيا مەملەكەتىنە جىبەرىلەدى. بۇل اعىلشىن ءتىلىن مەڭگەرتۋدىڭ ءبىر ءادىسى. سونداي-اق, ستۋدەنتتەرىمىز ءارتۇرلى قۇقىق قورعاۋ ورگاندارىندا, قارجى مەكەمەلەرى مەن IT-كاسىپورىندارىندا, مەملەكەتتىك جانە جەكە مەنشىك قۇرىلىمداردا وندىرىستىك تاجىريبەدەن وتەدى. مامانداردى دايىنداۋ ساپاسى تۋرالى سوڭعى جىلدارداعى كوللەدج بىتىرۋشىلەرىنىڭ كاسىبي دايىندىق دەڭگەيى جانە بىلىكتىلىك ەمتيحانىن تاپسىرۋ قورىتىندىلارى بويىنشا ساراپتاۋعا بولادى. ءال-فارابي اتىنداعى قازۇۋ كوللەدجىنىڭ ءبىلىم الۋشىلارىنىڭ تەست بويىنشا ءوتۋ بالدارى جوعارى بولىپ كەلەدى. (كوللەدج بويىنشا ورتاشا بالل­100-دەن 87,5). ءال-فارابي اتىنداعى قازۇۋ كوللەدجى بىلىكتىلىك ەمتيحانى­­نىڭ قورىتىندىسى بويىنشا الما­تى قالاسى كوللەدجدەرى اراسىندا ءبىرىنشى ورىندا تۇر. كوللەدج الماتى قالاسى كول­لەدجدەرى اسسوتسياتسياسىنىڭ تۇ­راق­تى مۇشەسى بولىپ تابىلادى. عى­لىمي-ادىستەمەلىك سيپاتتاعى كون­­فەرەنتسيالار, سەمينارلار, باي­قاۋ­­لار مەن باسقا دا ءبىلىم بەرۋدىڭ يننو­ۆاتسيالىق-كوممۋنيكاتسيالىق تەحنولوگيالارىن ەنگىزۋ بويىنشا ءىس-شارالاردى ۇيىمداستىرۋعا قاتىسادى. الماتى قالاسى كوللەدج­دەرىنىڭ وقىتۋشىلارى جانە ستۋ­دەنتتەرى اراسىنداعى ءتۇرلى سيپات­تاعى  سپارتاكيادالارعا, پاندىك وليم­پيادالارعا, تەحنيكالىق شىعار­ماشىلىقتاعى كورمەلەرگە, كوركەم-ونەرپازدىق بايقاۋلارعا  قاتىسادى. ءال-فارابي اتىنداعى قازۇۋ كوللەدجى جۇمىس ىستەگەن ۋاقىتى بارى­سىندا ءوزىن كاسىپتىك ءبىلىم بەرۋ­دىڭ باسەكەلەسۋگە قابىلەتتى ورتا­لى­عى رەتىندە ۇسىندى. 2013 جىلى جەل­توقسان ايىندا كوللەدج مەم­لەكەتتىك اتتەستاتتاۋدان ويداعىداي ءوتتى. كوللەدج ۋنيۆەرسيتەتتىڭ دامۋى ءۇشىن بارلىق كۇشىن سالادى جانە ءوزىنىڭ ۇلەسىن قوسادى. ءال-فا­­­را­بي اتىنداعى قازاق ۇلتتىق ۋني­ۆەر­سيتەتىنىڭ بىرىڭعاي ءبىلىم قۇرى­لىمىندا, اسىرەسە, 80 جىلدىق مەرەيتويدا كوللەدجدىڭ ماڭىزى مەن ءرولىنىڭ مويىندالۋى ءبىلىم بولىمشەسىنىڭ ءارى قاراي دامۋى مەن وقىتۋشىلارىنىڭ, ستۋدەنتتەرى­نىڭ شىعارماشىلىق ويلارىن جۇزە­گە اسىرۋ ءۇشىن بەرىك تىرەك بولىپ ­تابىلادى. رايحان نۇرقانوۆا, ءال-فارابي اتىنداعى قازۇۋ كوللەدجىنىڭ ديرەكتورى.