قازاقستان رەسپۋبليكاسىنىڭ مەملەكەتتىك كۇزەت قىزمەتى ءوز قاتارىنا جاس ساربازداردى قابىلداۋ شاراسىن جالعاستىرىپ وتىر. مەرزىمدى اسكەري قىزمەتتى وتكەرۋ جانە وتان الدىنداعى ازاماتتىق بورىشىن اتقارۋ ءۇشىن شاقىرىلعان ساربازدار اسكەري انت قابىلدادى.
بۇل ازاماتتىق شارا ەلىمىزدىڭ جاس ۇلاندارىنىڭ بويىندا پاتريوتيزم سەزىمىن, وتانعا جانە قازاقستان پرەزيدەنتىنە دەگەن ادالدىققا, ەليتالىق اسكەري ءبولىمنىڭ قاتارىندا قىزمەت اتقارۋدى ماقتان تۇتۋعا تاربيەلەيتىن ايرىقشا اسكەري ءراسىم بولىپ تابىلادى.
انت – مەملەكەتكە, ءوز ەلىنىڭ حالقىنا دەگەن ادالدىق سەرتى. اسكەري انت قابىلداۋ «اسكەري مىندەتتىلىك جانە اسكەري قىزمەت تۋرالى» قازاقستان رەسپۋبليكاسىنىڭ زاڭىمەن جانە ىشكى قىزمەت جارعىسىمەن رەسمي بەكەمدەلگەن. بۇل اسكەري قىزمەتتىڭ ماڭىزدى اكتىلەرىنىڭ ءبىرى بولىپ تابىلادى. وتانعا قىزمەت ەتەمىن دەپ انت بەرىپ, جاس جاۋىنگەر كۋرسىنان وتكەن كەشەگى شاقىرىلۋشى اسكەري قىزمەتشى بولادى.
اسكەري انتتىڭ قازىرگى ءماتىنى قازاقستان رەسپۋبليكاسى پرەزيدەنتىنىڭ 1992 جىلعى 25 تامىزداعى جارلىعىمەن بەكىتىلدى. بۇل – وتانعا, ەلىمىزدىڭ حالقى مەن سايلانعان پرەزيدەنتىنە ادال بولۋدى بىلدىرەتىن قاسيەتتى انت.
مەملەكەتتىك قۇجات بولا وتىرىپ, اسكەري انت اسكەري قىزمەتشىلەردەن اسكەري قىزمەت مىندەتتەرىن بۇلجىتپاي ورىنداۋدى, ءاسكەري ءىستى ادال زەردەلەۋدى, سەنىپ تاپسىرىلعان قارۋ مەن جاۋىنگەرلىك تەحنيكانى شەبەر قولدانۋدى جانە ۇقىپتى ۇستاۋدى تالاپ ەتەدى.
مەملەكەتتىك كۇزەت قىزمەتىنىڭ اسكەري قىزمەتشىلەرى وزدەرىنە تاپسىرىلعان مەملەكەتتىڭ حالقى مەن جەكەلەگەن تۇلعالارىنىڭ قاۋىپسىزدىگىن قامتاماسىز ەتۋ, راسىمدىك ءىس-شارالاردى قالتقىسىز ورىنداۋعا قاتىسۋ سەكىلدى ءمىندەتتەردى بۇلجىتپاي ورىندايدى. قازاقستان رەسپۋبليكاسى مەملەكەتتىك رامىزدەرىنىڭ ەتالوندارىن جانە اسا ماڭىزدى مەملەكەتتىك نىسانداردى كۇزەتەدى. ولار جوعارى جاۋىنگەرلىك دايارلىعىمەن, ەلىمىزدىڭ مادەني جانە سپورتتىق ومىرىنە بەلسەنە قاتىسۋىمەن ەرەكشەلەنەدى. ەليتالىق اسكەردە اسكەري قىزمەتتى قازاقستاننىڭ ءار اۋماعىنان شاقىرىلعان, پسيحولوگيالىق مىنەز-قۇلقى جانە دەنە كۇشى جاعىنان تالاپقا ساي ۇلاندار عانا اتقارادى.
انت قابىلداعاننان كەيىن جاس ساربازدار الماتى جانە استانا قالالارىنداعى اسكەري بولىمدەر بويىنشا تاراتىلادى. بىرنەشە كۇن وتكەننەن كەيىن ەلىمىزدىڭ پرەزيدەنتى بەرگەن ماڭىزدى جاۋىنگەرلىك مىندەتتەردى اتقارۋعا كىرىسەدى.
سالتاناتتى انت قابىلداۋ ءراسىمى كەزىندە ارنايى شۇعىل ماقساتتاعى باتالوننىڭ اسكەري قىزمەتكەرلەرى قويان-قولتىق ۇرىس ونەرىن كورسەتىپ, قۇرمەت قاراۋىل روتاسى ساپ تۇزەگەن شەرۋمەن اسكەري پلاتس-كونتسەرت كورسەتتى.
قانات ەسكەندىر,
«ەگەمەن قازاقستان».
الماتى.
بۇل ازاماتتىق شارا ەلىمىزدىڭ جاس ۇلاندارىنىڭ بويىندا پاتريوتيزم سەزىمىن, وتانعا جانە قازاقستان پرەزيدەنتىنە دەگەن ادالدىققا, ەليتالىق اسكەري ءبولىمنىڭ قاتارىندا قىزمەت اتقارۋدى ماقتان تۇتۋعا تاربيەلەيتىن ايرىقشا اسكەري ءراسىم بولىپ تابىلادى.
انت – مەملەكەتكە, ءوز ەلىنىڭ حالقىنا دەگەن ادالدىق سەرتى. اسكەري انت قابىلداۋ «اسكەري مىندەتتىلىك جانە اسكەري قىزمەت تۋرالى» قازاقستان رەسپۋبليكاسىنىڭ زاڭىمەن جانە ىشكى قىزمەت جارعىسىمەن رەسمي بەكەمدەلگەن. بۇل اسكەري قىزمەتتىڭ ماڭىزدى اكتىلەرىنىڭ ءبىرى بولىپ تابىلادى. وتانعا قىزمەت ەتەمىن دەپ انت بەرىپ, جاس جاۋىنگەر كۋرسىنان وتكەن كەشەگى شاقىرىلۋشى اسكەري قىزمەتشى بولادى.
اسكەري انتتىڭ قازىرگى ءماتىنى قازاقستان رەسپۋبليكاسى پرەزيدەنتىنىڭ 1992 جىلعى 25 تامىزداعى جارلىعىمەن بەكىتىلدى. بۇل – وتانعا, ەلىمىزدىڭ حالقى مەن سايلانعان پرەزيدەنتىنە ادال بولۋدى بىلدىرەتىن قاسيەتتى انت.
مەملەكەتتىك قۇجات بولا وتىرىپ, اسكەري انت اسكەري قىزمەتشىلەردەن اسكەري قىزمەت مىندەتتەرىن بۇلجىتپاي ورىنداۋدى, ءاسكەري ءىستى ادال زەردەلەۋدى, سەنىپ تاپسىرىلعان قارۋ مەن جاۋىنگەرلىك تەحنيكانى شەبەر قولدانۋدى جانە ۇقىپتى ۇستاۋدى تالاپ ەتەدى.
مەملەكەتتىك كۇزەت قىزمەتىنىڭ اسكەري قىزمەتشىلەرى وزدەرىنە تاپسىرىلعان مەملەكەتتىڭ حالقى مەن جەكەلەگەن تۇلعالارىنىڭ قاۋىپسىزدىگىن قامتاماسىز ەتۋ, راسىمدىك ءىس-شارالاردى قالتقىسىز ورىنداۋعا قاتىسۋ سەكىلدى ءمىندەتتەردى بۇلجىتپاي ورىندايدى. قازاقستان رەسپۋبليكاسى مەملەكەتتىك رامىزدەرىنىڭ ەتالوندارىن جانە اسا ماڭىزدى مەملەكەتتىك نىسانداردى كۇزەتەدى. ولار جوعارى جاۋىنگەرلىك دايارلىعىمەن, ەلىمىزدىڭ مادەني جانە سپورتتىق ومىرىنە بەلسەنە قاتىسۋىمەن ەرەكشەلەنەدى. ەليتالىق اسكەردە اسكەري قىزمەتتى قازاقستاننىڭ ءار اۋماعىنان شاقىرىلعان, پسيحولوگيالىق مىنەز-قۇلقى جانە دەنە كۇشى جاعىنان تالاپقا ساي ۇلاندار عانا اتقارادى.
انت قابىلداعاننان كەيىن جاس ساربازدار الماتى جانە استانا قالالارىنداعى اسكەري بولىمدەر بويىنشا تاراتىلادى. بىرنەشە كۇن وتكەننەن كەيىن ەلىمىزدىڭ پرەزيدەنتى بەرگەن ماڭىزدى جاۋىنگەرلىك مىندەتتەردى اتقارۋعا كىرىسەدى.
سالتاناتتى انت قابىلداۋ ءراسىمى كەزىندە ارنايى شۇعىل ماقساتتاعى باتالوننىڭ اسكەري قىزمەتكەرلەرى قويان-قولتىق ۇرىس ونەرىن كورسەتىپ, قۇرمەت قاراۋىل روتاسى ساپ تۇزەگەن شەرۋمەن اسكەري پلاتس-كونتسەرت كورسەتتى.
قانات ەسكەندىر,
«ەگەمەن قازاقستان».
الماتى.
