ءدارى-دارمەك وزىمىزدە دە شىعارىلادى

ستەپنوگور قالاسىندا بيولوگيا عىلىمدارىنىڭ كانديداتى و.تەننىڭ جەتەكشىلىگىمەن اعزا بەلسەندىلىگىن ارتتىرۋ جانە ۆيرۋسقا قارسى بەلوك­تار جيىنتىعىن قامتاماسىز ەتەتىن جاڭا بيوتەحنولوگيالىق جوبا جۇزەگە اسىرىلۋدا. اتالعان عىلىمي ىزدەنىستى  قارجىلاندىرۋ ءبىلىم جانە عىلىم مينيسترلىگىنىڭ تەحنولوگيالاردى كوممەرتسيالاندىرۋ جوباسى اياسىندا جەڭىپ الىنعان گرانت ەسەبىنەن قامتاماسىز ەتىلەدى. سوڭعى ونجىلدىقتا, بۇكىل الەمدە دەنساۋلىق ساقتاۋ سالاسىنا شىعىن­نىڭ وسۋىنە, جاھان تۇرعىن­­دارىنىڭ, اسىرەسە ءدارى-دارمەككە ءزارۋ ادامدار سانىنىڭ ارتۋىنا بايلانىستى بيواركەلكىلىك يندۋسترياسى كۇرت دامۋدا. مامانداردىڭ ايتۋىنشا, قازاقستاندا جىل سايىن ونكولوگيالىق كەسەلدىڭ ءارتۇرلى ساتىداعى 1500 فاكتىسى تىركەلۋدە. ونى ەمدەۋ بارى­سىن­دا سىرقاتتىڭ اعزاسى زارداپ شەگە­تىندىكتەن, وعان قارسى ءدارى-دارمەكتەر شەتەلدەردەن قىمبات باعاعا ساتىپ الىنادى. قازىرگى تاڭدا وتاندىق عىلىم وسى ءبىر وسال تۇستىڭ ورنىن تولتىرۋدا ەلەۋلى قادامدار جاساپ وتىر. ۇلتتىق بيوتەحنولوگيا ورتا­لى­عى­نىڭ فيليالى رەتىندە قۇرىلعان ستەپنوگورداعى تاجىريبەلىك ءوندىرىس ور­­نىندا ميكروبيولوگيالىق سينتەز جولىمەن بەلوك الۋعا قاتىستى ۇيىم­دىق شارالار جۇرگىزىلۋدە. ال, 2015-2016 جىلدارى يمپورت الماستىرۋشى ءدا­رى-دارمەكتەر وندىرىستىك باعىتتا شى­­عارىلا باستايدى دەپ جوسپارلانۋ­دا.­ باقبەرگەن امالبەك, «ەگەمەن قازاقستان». اقمولا وبلىسى.