قازاقستان رەسپۋبليكاسى مەن كۋۆەيت مەملەكەتىنىڭ اۆياتسيالىق بيلىگى اراسىنداعى قول جەتكىزىلگەن ۋاعدالاستىقتار نەگىزىندە «Jazeera Airways» كۋۆەيت لوۋكوستەرى وسى جىلدىڭ 3 جەلتوقسانىنان باستاپ كۋۆەيت – تۇركىستان باعىتى بويىنشا اۋە قاتىناسىن باستاۋدى جوسپارلاپ وتىر.
«كۋۆەيت استاناسى مەن تۇركى الەمىنىڭ رۋحاني ورتالىعى اراسىنداعى تۇراقتى جولاۋشىلار رەيستەرى سەيسەنبى جانە جەكسەنبى كۇندەرى Airbus A-320 ءتيپتى اۋە كەمەسىندە اپتاسىنا 2 رەيس جيىلىگىمەن ورىندالادى», دەلىنگەن ۆەدومستۆو اقپاراتىندا.
مينيسترلىكتىڭ حابارلاۋىنشا, رەيستەر سانىنىڭ ۇلعايۋى جانە ۇشۋ گەوگرافياسىنىڭ كەڭەيۋى قازاقستان مەن كۋۆەيت اراسىنداعى ساۋدا-ەكونوميكالىق, ىسكەرلىك, ينۆەستيتسيالىق, مادەني جانە تۋريستىك ءوزارا قارىم-قاتىناستاردىڭ ودان ءارى دامۋىنا ىقپال ەتەدى.
