ويىننىڭ اشىلۋ سالتاناتىنداعى كوماندالار شەرۋىنە كورەرمەندەر قوشەمەت تانىتتى. قىزىلوردالىق زياتكەرلەر سالاماتتى ءومىر سالتىن ناسيحاتتايتىن مۋزىكالى قويىلىم قويدى.
نازارباەۆ زياتكەرلىك مەكتەپتەرىن دامىتۋ دەپارتامەنتى ديرەكتورىنىڭ ورىنباسارى ايدا اعادىلدىڭ ايتۋىنشا, ۆولەيبولدان ايماقتىق كەزەڭدەر قىزىلوردامەن قاتار وسكەمەن, استانا, اتىراۋ قالالارىندا وتكىزىلىپ وتىر.
ءۇش كۇنگە سوزىلعان سپارتاكيادادا سىر ەلىنىڭ قىزدارى جەڭىسكە جەتسە, ۇلدار اراسىندا تارازدىق كوماندا ءبىرىنشى ورىندى يەلەندى. الماتىداعى حيميا-بيولوگيالىق باعىتتاعى زياتكەرلىك مەكتەپ قىزدارى مەن قىزىلوردالىق ۇلدار كومانداسى ەكىنشى ورىنعا ورنىقتى. ءۇشىنشى ورىن جۇلدەسى تارازداعى نزم قىزدارى مەن الماتىلىق ۇلدار كومانداسىنا بۇيىردى.
– سپارتاكياداعا العاش رەت قاتىسىپ وتىرمىن. شىمكەنتتىڭ كومانداسىمەن تارتىستى وينادىق. ءبىر-بىرىمىزگە ەسە جىبەرمەۋگە تىرىسقانىمىزبەن, قارسىلاستارىمىز العا شىقتى. كەلەسى جارىسقا دايىندىقپەن كەلەمىز, – دەيدى تۇركىستاندىق ارنۇر باقىتجان.
جارىستا كوزگە تۇسكەندەر ءتۇرلى اتالىمدار بويىنشا ماراپاتتالدى. ايماقتىق كەزەڭدە العاشقى ەكى ورىندى يەلەنگەن كوماندالار جەلتوقسان ايىندا وتەتىن فينالدىق ويندارعا جولداما الدى.
قىزىلوردا
