اتالعان جارىستا ابزال اجىعاليەۆ تابىستى ونەر كورسەتتى. 500 مەترلىك قاشىقتىقتا ول كۇمىس مەدالدى موينىنا ءىلدى. ابزالدىڭ كورسەتكىشى – 41,054. قازاق سپورتشىسى تەك ەستافەتالىق سايىستا بەيجىڭ وليمپياداسىنىڭ جەڭىمپازى اتانعان كانادالىق ماكسيم لاۋاننان عانا قالىپ قويدى. جەڭىمپازدىڭ ناتيجەسى – 40, 946 سەكۋند. ۇزدىك ۇشتىكتى وڭتۇستىك كورەيانىڭ تاعى ءبىر اتاقتى سپورتشىسى لي چجۋن سو (41,350) تۇيىندەدى. ال 1 500 مەترلىك باسەكەدە قازاقستاندىق نۇرتىلەك قاجىعالي بەسىنشى ساتىعا تابان تىرەدى.
ەستەرىڭىزگە سالا كەتەيىك, قاراشا ايىنىڭ سوڭىنا دەيىن شورت-ترەك شەبەرلەرىن تاعى التى بىردەي اسا ءىرى بايراقتى باسەكەلەر كۇتىپ تۇر. بۇل جارىستاردى سولت-لەيك-سيتي, بورميو, زاگرەب, بيالوستوك, سوفيا جانە تۋرين قالالارى قابىلدايدى. ال جەلتوقساندا وتەدى دەپ جوسپارلانعان الەم كۋبوگىنىڭ ەكى بىردەي كەزەڭدىك سايىسى الماتىدا ۇيىمداستىرىلادى.
