اتاپ ايتقاندا, 50 جاستان اسقان جۇمىسسىز قازاقستاندىقتاردىڭ جالاقىسىن سۋبسيديالاي وتىرىپ, ولاردى جۇمىسقا ورنالاستىرۋ ءۇشىن جۇمىس ورىندارىن ۇيىمداستىرۋ كوزدەلەدى:
- مۇگەدەكتىگى بار ادامدارعا ارنالعان جەكە كومەكشىنىڭ;
- الەۋمەتتىك جۇمىس جونىندەگى كەڭەسشى, كۇتىم جونىندەگى الەۋمەتتىك قىزمەتكەر.
ەڭبەك مينيسترلىگىندە اتاپ وتىلگەندەي, سوڭعى جىلدارى 50-64 جاس ارالىعىنداعى جۇمىسسىزدار سانى ارتىپ كەلەدى. وسى جاستاعى جۇمىسسىزدىقتىڭ نەگىزگى سەبەپتەرىنىڭ ءبىرى - جۇمىس بەرۋشىلەردىڭ ەگدە جاستاعى جۇمىسشىلاردى جالداۋعا ق ۇلىقسىزدىعى.
«وسىعان بايلانىستى «50 جاستان اسقان» قاتىسۋ جاسىن بەلگىلەۋ, سونداي-اق جەكە كومەكشى جانە الەۋمەتتىك قىزمەتكەر ماماندىقتارى بويىنشا وسى جۇمىس ورىندارىن ۇيىمداستىرۋ ۇسىنىلادى», دەلىنگەن تۇسىندىرمەدە.
سونىمەن قاتار «كۇمىس جاس» جوباسىنا قاتىسۋ مەرزىمىن 12 ايدان 36 ايعا دەيىن ۇلعايتۋ ۇسىنىلادى.
«كۇمىس جاس» جوباسى شەڭبەرىندە جۇمىسقا ورنالاستىرىلعان ادامدار ءۇشىن سالىقتاردى, مىندەتتى الەۋمەتتىك اۋدارىمداردى, پايدالانىلماعان ەڭبەك دەمالىسى ءۇشىن وتەماقىلاردى جانە بانك قىزمەتتەرىن ەسكەرە وتىرىپ, ەكولوگيالىق ۇستەمەاقىلار بويىنشا تولەمدەردى ەسەپكە الماعاندا, سۋبسيديالاردىڭ اي سايىنعى مولشەرى:
- قاتىسۋدىڭ العاشقى 12 ايى - جالاقى مولشەرىنىڭ 70%, بىراق 30 اەك (91 890 تەڭگە) اسپايدى;
- قاتىسۋدىڭ 13-ءشى ايىنان 24-ءشى ايىنا دەيىن - جالاقى مولشەرىنىڭ 65%, بىراق 30 اەك-تەن اسپايدى;
- 25-ءشى ايدان 36-شى ايعا دەيىن - جالاقى مولشەرىنىڭ 60%, بىراق 30 اەك-تەن اسپايدى.
«كۇمىس جاس» جوباسىنا قاتىسۋ مەرزىمى اياقتالعاننان كەيىن زەينەتكەرلىك جاسقا تولماعان قازاقستاندىقتار كەمىندە ءبىر جىل مەرزىمگە تۇراقتى جۇمىس ورنىنا ورنالاستىرىلادى دەپ كوزدەلەدى.
بۇل رەتتە ايىنا جالاقى مولشەرى سالىقتاردى, مىندەتتى الەۋمەتتىك اۋدارىمداردى, پايدالانىلماعان ەڭبەك دەمالىسى ءۇشىن وتەماقىلاردى جانە ەكولوگيالىق ۇستەمەاقىلار بويىنشا تولەمدەردى ەسەپكە الماعاندا بانك قىزمەتتەرىن ەسكەرە وتىرىپ, ەڭ تومەنگى جالاقى مولشەرىنەن كەم بولماۋعا ءتيىس.
ەڭبەك مينيسترلىگىنىڭ مالىمەتىنشە, 2023 جىلى اەك-ءتى قولدانا وتىرىپ, جالاقىنى ەسەپتەۋ 20*3450 تەڭگەنى = 69 000 تەڭگەنى قۇرايدى, بۇل 70 000 تەڭگەمەن بەكىتىلگەن 1 ەتج-دەن تومەن.
قۇجات 17 قاراشاعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.
