جارىستا ازيانىڭ 22 مەملەكەتىنەن كەلگەن 500-گە جۋىق سپورتشى ءوزارا باق سىناسادى. ونىڭ ىشىندە, تاجىكستان, وزبەكستان, ازەربايجان, باحرەين سياقتى ەلدەردىڭ مىقتىلارى دا بار. ال قازاقستاننىڭ نامىسىن قورعاۋعا ۇزدىك 37 سپورتشى اتتاندى.
ءارتۇرلى سالماقتا سايىسقا تۇسكەن سپورتشىلاردىڭ اراسىندا شىمكەنت قالاسى پد جىلدام قيمىلدايتىن ارنايى جاساقتىڭ ينسپەكتورى پوليتسيا لەيتەنانتى قىمبات احمەتتىڭ باعى جاندى. ول 47 كيلو سالماقتا 3 سپورتشىمەن ايقاسىپ, اقتىق سىندا ءوزىنىڭ وتانداسىنان باسىم ءتۇسىپ, ناتيجەسىندە ارالاس جەكپە-جەك سپورتىنان ازيا چەمپيونى اتاندى.
پوليتسەي ارۋ بۇعان دەيىن دە بىرنەشە رەت الەم چەمپيوناتى جۇلدەسىن جەڭىپ العان. سونداي-اق ول سامبو كۇرەسىنەن قازاقستان رەسپۋبليكاسىنىڭ سپورت شەبەرى, قويان-قولتىق ۇرىستان حالىقارالىق دارەجەدەگى سپورت شەبەرى جانە دجيۋ-دجيتسۋدان الەم چەمپيونى.
شىمكەنت
