قالا تۇرعىندارى مەن وڭىردەگى شاعىن جانە ورتا بيزنەستى دامىتىپ جۇرگەن كاسىپكەرلەر قاراقات ابدەننىڭ سايلاۋالدى باعدارلاماسىمەن تانىسىپ, كوكەيدە جۇرگەن ساۋالدارىن قويدى. بيزنەسمەندەر مەملەكەت تاراپىنان جاسالعان قولداۋدى سەزىنىپ جاتقاندارىن ايتتى.
جيىن بارىسىندا ۇمىتكەر شاعىن جانە ورتا كاسىپكەرلىكتىڭ ماڭىزدىلىعىن اتاپ ءوتىپ, بۇل سالانىڭ ەل ەكونوميكاسىنىڭ دامۋىنا زور ۇلەس قوساتىنىن جەتكىزدى. سونداي-اق كەزدەسۋدە بيزنەس پەن وتباسىلىق قۇندىلىقتاردى ۇشتاستىرۋ, ۇلتتىق قۇندىلىقتاردى دارىپتەۋ, حالىقتىڭ الەۋمەتتىك جاعدايىن جاقسارتۋ ماسەلەلەرى تالقىلاندى.
تالعار قالاسىنان باستاۋ العان وتباسىلىق بيزنەستى دامىتۋ سۇراقتارى وبلىستاعى تۇزدىباستاۋ اۋىلىندا ءوربىدى. ق.ابدەن وسى اۋىلداعى وتباسىلىق كاسىپتى دوڭگەلەتىپ وتىرعان سايىپجامال وتەپتىڭ اۋلەتىنە ارنايى اتباسىن بۇردى. «مەن زەينەتكە شىققالى بەرى «اقىرىس» اتتى وتباسىلىق بيزنەستى قولعا الدىم. سۇتتەن كىلەگەي, قاتىق, قۇرت, ىرىمشىك, سىر, ايران, كوجە, جەنت جاسايمىز. ەلدىڭ بولاشاعى وسىنداي شىنايى, قولدان جاسالعان ەڭبەكتەن باستالادى. ءوزىمىز قاراقات ابدەننىڭ سايلاۋالدى باعدارلاماسىن تىڭداپ, رازى بولىپ جۇرگەنبىز. ەلدى ارالاپ, ءبىز سەكىلدى قاراپايىم ادامداردى قولداپ جۇرگەنى ءۇشىن العىسىمىزدى بىلدىرەمىز», دەدى كاسىپكەر.
