• 27 مامىر, 2014

كولۋمبيا – ماڭىزدى سەرىكتەسىمىز

336 رەت

كورسەتىلدى

1 مين

وقۋ ءۇشىن

Egemen Qazaqstan

جاقىندا بەينە كونفەرەنتسيا پىشىمىندە قازاقستان – كولۋمبيا ءسىم-ارالىق ساياسي كەڭەسىنىڭ ەكىنشى وتىرىسى وتكىزىلدى. وتىرىسقا قازاقستان سىرتقى ىستەر ءمينيسترىنىڭ ورىنباسارى ەرجان اشىقباەۆ پەن كولۋمبيا سىرتقى ىستەر ءمينيسترىنىڭ ورىنباسارى پاتتي لوندونو تەڭ توراعالىق ەتتى. كەڭەستىڭ كۇن ءتارتىبى بويىنشا ەكىجاقتى جانە كوپجاقتى ماڭىزدى ماسەلەلەر قاراستىرىلدى. تاراپتار ءوزارا ءتيىمدى سىرتقى ساياسات, قۇقىق قورعاۋ جانە مادەني-گۋمانيتارلىق سالالارداعى ىنتىماقتاستىقتى دامىتۋدى جالعاستىرۋ نيەتىن راستادى, سونداي-اق, وڭىرلىك جانە حالىقارالىق ۇيىمداردىڭ اياسىنداعى ءوزارا ىقپالداستىقتى جوعارى باعالادى. كولۋمبيا قازاقستاننىڭ لاتىن امەريكاسىنداعى ماڭىزدى سەرىكتەسى بولىپ تابىلادى. سوڭعى ءۇش جىلدا جوعارى دەڭگەيدەگى وكىلدەردىڭ قاتىسۋىمەن وننان اسا ەكىجاقتى ءىس-شارالار وتكىزىلدى. بوگوتا استانانى ءبىزدىڭ ايماقتاعى باستى سەرىكتەس رەتىندە قاراستىرادى, مۇنىڭ دالەلى كولۋمبيا ۇكىمەتىنىڭ 2013 جىلى قازاقستان ازاماتتارى ءۇشىن بىرجاقتى تارتىپتە ۆيزاسىز رەجىمدى ەنگىزۋ تۋرالى شەشىمى بولىپ تابىلادى, دەپ حابارلادى قر ءسىم-ءىنىڭ ءباسپاسوز قىزمەتى.