پرەزيدەنتتەر قىرعىزستاننىڭ ۇلتتىق تاريحي مۇراجايىنىڭ كوللەكتسياسى قويىلعان «ىقىلىم مۇراسى» كورمەسىمەن تانىستى. سودان سوڭ قىرعىزستاندىق ونەر شەبەرلەرىنىڭ كونتسەرتىن تاماشالادى.
كونتسەرت باعدارلاماسى اياسىندا «ماناس» ەپوسىنان ءۇزىندى وقىلىپ, حالىق اقىنى توقتوعۇل ساتىلعانوۆتىڭ ساناتتارى (ديداكتيكالىق ولەڭدەرى) ورىندالدى. سونداي-اق حالىق جازۋشىسى شىڭعىس ايتماتوۆتىڭ شىعارمالارىنان ۇزىندىلەر قويىلدى.
سونىمەن قاتار قازاق جانە قىرعىز حالىقتارىنىڭ باۋىرلاستىعىن دارىپتەۋ ماقساتىندا قىرعىز ونەرپازدارى شوقان ءۋاليحانوۆ, اباي قۇنانباەۆ, جامبىل جاباەۆ, مۇحتار اۋەزوۆ سياقتى تۇلعالارىمىزدىڭ بەينەسىن سومداپ, ەكى حالىققا كەڭ تاراعان ءان-كۇيلەردى ورىندادى.
