قىرعىز مادەنيەتى كۇندەرى باستالدى

اتاپ ايتساق, كورمەلەر مەن كونتسەرتتەر, دوڭگەلەك ۇستەل, فيلمدەر مەن سپەكتاكلدەر. كي­نو­كور­سەتىلىمنىڭ العاشقى كۇنىندە «اكىركى كوچ» (رەجيسسەرى ب.مۇ­قۇل), «داراك ىرى» (رەجيسسەرى ا.دا­يىربەكوۆ), «شامبالا» (رەجيس­سەرى ا.سۋيۋندۋكوۆ), «كول» (رەجيس­سەرى ا.سۋيۋندۋكوۆ) كارتينا­لارى ۇسىنىلدى. قىرعىز كينوسى كۇن­دەرىنىڭ رەسمي اشىلۋىنا قىرعىز رەس­پۋبليكاسىنىڭ مادەنيەت, اق­پارات, سپورت جانە جاستار ساياساتى ءمي­نيسترى التىنبەك ماقسۇتوۆ, قا­زاق­ستاننىڭ مادەنيەت جانە سپورت ۆيتسە-ءمينيسترى نۇرعيسا داۋە­شوۆ قاتىستى.

ەسكە سالا كەتەيىك, 2021 جىلعى 2-3 ناۋرىزدا ەل پرەزيدەنتى قاسىم-جومارت توقاەۆتىڭ شاقىرۋىمەن قىر­عىز رەسپۋبليكاسىنىڭ پرە­زي­­دەنتى سادىر جاپاروۆ مەملە­كەت­­تىك ساپارمەن كەلگەن بولاتىن. كەلىسسوزدەر بارىسىندا ەكى ەلدىڭ ەكىجاقتى جانە كوپجاقتى ىن­تى­ماق­تاستىعىنىڭ وزەكتى ماسەلە­لەرى تالقىلانىپ, مادەنيەت كۇن­دەرىن تەپە-تەڭ نەگىزدە وتكىزۋگە ۋاع­دالاسقان ەدى. كەيىن قازاقستان رەسپۋب­ليكاسىنىڭ مادەنيەت كۇندە­رى قىرعىزستاندا 2021 جىلعى 7-9 قازاندا بىشكەك قالاسىندا وتكەنى ەسىمىزدە. القيسسا.

ەلىمىزدەگى قىرعىز رەسپۋبلي­كاسىنىڭ مادەنيەت كۇندەرى اياسىندا مادەنيەت جانە سپورت ءمينيسترى داۋرەن اباەۆ قىرعىز رەسپۋب­ليكاسىنىڭ مادەنيەت, اقپارات, سپورت جانە جاستار ساياساتى ءمي­نيسترى التىنبەك ماقسۇتوۆپەن كەز­دەستى. كەزدەسۋ بارىسىندا ەكى ەل اراسىنداعى مادەني-گۋماني­تار­لىق ىنتىماقتاستىق ماسەلە­لەرى, اتاپ ايتقاندا, استانادا ما­ناس ەس­كەرت­كىشىن ورناتۋ, «ەۋرا­زيا» كينو­فەستيۆالىن جانە كوشپەن­دى­لەردىڭ دۇنيەجۇزىلىك ويىندارىن وتكىزۋ ماسەلەلەرى تالقىلاندى.

سونداي-اق ۇلتتىق اكادە­ميا­لىق كىتاپحانادا ەكى ەلدىڭ زيالى قاۋىم وكىلدەرىنىڭ قاتىسۋىمەن «تۇر­كى الەمىنىڭ قوس الىبى: اۋەزوۆ جانە ايتماتوۆ» فورۋمى ءوتتى. ءىس-شارا, ەڭ الدىمەن ەكى ەل ارا­سىن­داعى گۋمانيتارلىق بايلانىستاردى نىعايتۋدى ماقسات ەتتى. اتاپ ايتقاندا, تاراپتار ەكى زاڭعار جازۋشى مۇحتار اۋەزوۆ پەن شىڭعىس ايتماتوۆ شىعارماشىلىعىنىڭ مادەنيەتارالىق ىنتى­ماق­تاس­تىق­تاعى ءرولىن تالقىلادى. فورۋم جۇ­مىسىنا مەملەكەتتىك ورگان­داردىڭ وكىلدەرى, قوعام قايرات­كەرلەرى, قازاقستان مەن قىرعىز رەس­پۋب­ليكاسىنىڭ شىعارماشىلىق جانە عىلىمي زيالى قاۋىمى قاتىس­تى.

ودان بولەك 27 قازاندا ۇلتتىق مۋزەيدە قىرعىز سۋرەتشىلەرىنىڭ شىعارماشىلىعىنا قۇرىلعان «باس­تاۋ» كورمەسى اشىلادى. سونداي-اق بۇل كۇنى ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى ساحناسىندا قىرعىز ونەر شەبەرلەرىنىڭ گالا-كونتسەرتى وتەدى, سازدى كەشتىڭ اياسىندا قىرعىزستاننىڭ تاريحي-مادەني مۇراسى مەن قولونەرىنىڭ كورمەسى دە ۇسىنىلماق.

ال 28 قازاندا «ماناس» ەپوسىنا ارنالعان كونتسەرت جانە نۇر­دين تۇگەلوۆ اتىنداعى «اق ما­رال» مەملەكەتتىك بي ءانسامبلى مەن چالاگىز يساباەۆ اتىنداعى «قامبارقان» فولكلورلىق-ەتنو­گرا­فيالىق ءانسامبلىنىڭ كونتسەرتى جوسپارلانىپ وتىر.

سونداي-اق 29 قازاندا وتەتىن مادەنيەت كۇندەرىنىڭ سالتاناتتى جابىلۋىندا توكتوبولوت ءابدى­مومىنوۆ اتىنداعى قىرعىز ۇلتتىق اكا­دە­ميالىق دراما تەاترىنىڭ «سامان­چىنىڭ جولۋ» سپەكتاكلى كورسەتىلەدى.

ايتا كەتەيىك, قىرعىزستاننىڭ مادەنيەت كۇندەرى دەلەگاتسياسىن قىرعىز رەسپۋبليكاسىنىڭ مادە­نيەت, اقپارات, سپورت جانە جاستار ساياساتىنىڭ ءمينيسترى التىنبەك ماقسۇتوۆ باسقارادى. مادەني ءىس-شاراعا قىرعىزستاننان 300-دەن استام ادام قاتىسىپ وتىر. ما­سە­لەن, حالىق ارتىستەرى, حالىق اقىن-جا­زۋشىلارى, كينو مايتالمان­دارى, عىلىم دوكتورلارى جانە كسرو حالىق ءارتىسى سامارا توق­تاقۇنوۆا باستاعان قوعام قايرات­كەرلەرى, توقتوبولوت ءابدىمومىنوۆ اتىن­داعى قىرعىز ۇلتتىق اكادە­ميا­لىق دراما تەاترى, ءابدىلاس مال­دىباەۆ اتىنداعى قىرعىز ۇلتتىق اكادەميالىق وپەرا جانە بالەت تەاترى, كامەرالىق حور جانە كامەرالىق وركەستر توقتوعۇل ساتىل­عانوۆ اتىنداعى قىرعىز ۇلتتىق فيلارمونياسى, نۇردين تۇگە­لوۆ اتىنداعى «اق مارال» مەملە­كەتتىك بي ءانسامبلى, شالاعىز يساباەۆ اتىنداعى «قامبارقان» فولك­لورلىق-ەتنوگرافيالىق ءانسامبلى, قارا­مولدو وروزوۆ اتىنداعى حالىق اسپاپتار اكادەميالىق وركەسترى, اسانقان جۇماحماتوۆ اتىنداعى مەملەكەتتىك اكادەميالىق سيم­فونيالىق وركەسترى, «ماناس» ۇلت­تىق تەاترى, قىرعىزستان جازۋشىلارى, سۋرەتشىلەرى مەن كينەماتوگرافيستەر وداعى, قىرعىزستان ۇلتتىق تاريحي مۋزەيى, «اقاق» كومۋزيستەرى, ديزاينەرلەر مەن رەجيسسەرلەر – قويىلىم توبى بار.