كونفەرەنتسيانىڭ اۋقىمدى كۇن ءتارتىبى «نزم» دببۇ باسقارما توراعاسى كۇلاش ءشامشيدينوۆانىڭ «وزگەرمەلى الەم ءۇشىن بالالاردىڭ تۇتاس دامۋى» اتتى باس بايانداماسىندا ناقتى كورسەتىلدى.
عىلىمي كونفەرەنتسياعا 1500-دەن استام الەمدىك ءبىلىم بەرۋ سالاسىنىڭ ەڭ تانىمال وكىلدەرى جانە قازاقستاندىق مۇعالىمدەر مەن عالىمدار قاتىسۋدا.
كونفەرەنتسيا اياسىندا «اۋىلدىق مەكتەپتەر powered by NIS» سەرىكتەستىك باعدارلاماسى اياسىندا «اۋىلدىق جەرلەردەگى 17 تىرەك مەكتەپتىڭ الەۋەتىن دامىتۋ» اۋقىمدى جوباسىنىڭ ارالىق ناتيجەلەرى تانىستىرىلدى. باعدارلاما ساپالى ءبىلىم بەرۋدى قامتاماسىز ەتۋگە جانە قالا مەن اۋىلدىق ەلدى مەكەندەردەگى ءبىلىم بەرۋ جۇيەسىنىڭ الشاقتىعىن ازايتۋعا باعىتتالعان.
ءبىلىم بەرۋدى تۇراقتى دامىتۋ قورى جۇرگىزەتىن جانە AITAS حولدينگى مەن «قازاقستان حالقىنا» قورى قولداۋ بىلدىرگەن «اۋىلدىق مەكتەپتەر powered by NIS» جوباسى قازاقستاننىڭ 17 وبلىسى بويىنشا 22 مەكتەپتى قامتيدى. وندا 17 000-داي وقۋشى ءبىلىم الىپ, 2000 شاماسىندا مۇعالىم ەڭبەك ەتەدى. العاشقى بەس مەكتەپكە AITAS حولدينگىنىڭ نەگىزىن قالاۋشى, ءبىلىم بەرۋدى تۇراقتى دامىتۋ قورىنىڭ قۇرىلتايشىسى سەرىك تولىقپاەۆ 1 ملرد تەڭگە ءبولدى.
ء«بىزدىڭ ماقساتىمىز – ادامي كاپيتالدى دامىتۋ. سوندىقتان ءبىلىم بەرۋ, دەنساۋلىق ساقتاۋ, مادەنيەت جانە ءومىر ساپاسىن جاقسارتۋ سالاسىنداعى جوبالاردى بىرىكتىرۋ جانە ىنتىماقتاسۋ الاڭى رەتىندە قور جۇمىسىن ۇيىمداستىردىق», دەيدى سەرىك تولىقپاەۆ.
فينليانديانىڭ يۋۆياسكيۋل ۋنيۆەرسيتەتىنىڭ EduCluster Finland يننوۆاتسيالار جانە سىرتقى بايلانىستار جونىندەگى ديرەكتورى, PhD دوكتور دەۆيد مارش: «بۇرىن ءبىز, ياعني, مۇعالىمدەر «الدىمەن ساعان ءبىلىم بەرەمىن, ۋاقىت قالسا داعدى قالىپتاستىرۋعا كومەكتەسەمىن, سودان كەيىن بارىپ مىنەز-قۇلقىڭا, ءىس-ارەكەتىڭە ءمان بەرەمىن» دەۋشى ەدىك. بۇل – تەك ءتۇسىندىرىپ, ايتىپ بەرۋگە باعىتتالعان ەسكى ءتاسىل. قازىر جاعداي وزگەردى. الدىمەن وقۋشىنىڭ نە ىستەيتىنىنە نازار اۋدارىپ, ارتىنشا قانداي دا ءبىر داعدى قالىپتاستىرۋعا ۇلەس قوسامىز, تەك وسىدان سوڭ عانا ءبىلىم بەرەمىز. مۇعالىم تەك اقپاراتقا عانا ەمەس, قۇندىلىقتارعا جانە بالانىڭ ساباققا دەگەن قارىم-قاتىناسىنا دا بەي-جاي قاراماۋعا ءتيىس», دەگەندى ايتتى.
استانا فورۋمىنىڭ كۇن تارتىبىندە اقپاراتتىق قوعامداعى فۋنكتسيونالدىق ساۋاتتىلىق, جاس مۇعالىمنىڭ كاسىبي دامۋى, ءفورماتيۆتى باعالاۋداعى يننوۆاتسيالار, تاتۋ مەكتەپ ورتاسىن قۇرۋ, ينكليۋزيۆتى جانە دەربەستەندىرىلگەن وقىتۋ, تسيفرلىق وقىتۋشىنىڭ ميسسياسى مەن ءبىلىم بەرۋ پروتسەسىنە جاساندى ينتەللەكتتى ەنگىزۋ سياقتى جاھاندىق پەداگوگيكاداعى سۇرانىسقا يە تاقىرىپتار قامتىلۋدا.
«وسى «اۋىلدىق مەكتەپتەر powered by NIS» جوباسى اياسىندا وزىق پەداگوگيكالىق تەحنولوگيالاردى قابىلداپ, سول ارقىلى ءبىلىم ساپاسىن ارتتىرۋعا ءمان بەرىپ وتىرمىز. 2000-نان اسا مۇعالىم تۇراقتى تۇردە ءبىلىمىن جەتىلدىرىپ, بىلىكتىلىگىن ءارى قاراي وقۋ پروتسەسى بارىسىندا ءتيىمدى پايدالانىپ ءجۇر. ءتىپتى وقۋشىلارىمىزدىڭ ساباققا دەگەن ىنتاسىنىڭ الدەقايدا وسكەنىن سەنىممەن ايتا الامىز», دەدى ءبىلىم بەرۋدى تۇراقتى دامىتۋ قورى ديرەكتورى دانيار توقتارباەۆ.
«بالالاردى وقۋ پروتسەسىنە تارتۋعا, ولاردى قىزىقتىرۋعا, باۋراپ الۋعا مۇمكىندىك بەرەتىن تەوريادان پراكتيكاعا, ەمپيريكالىق تاجىريبەگە باسا نازار اۋداراتىن ساباقتار مەن جاڭا فورماتتى ءبىز ۇنەمى قولدايمىز. ءبىلىم بەرۋ بارىسىن شىنىمەن ءتيىمدى ەتۋ – بۇل AITAS حولدينگىمەن جانە ءبىلىم بەرۋدى تۇراقتى دامىتۋ قورىمەن بىرلەسكەن جۇمىسىمىزدىڭ تاماشا ناتيجەسى», دەدى «نازارباەۆ زياتكەرلىك مەكتەپتەرى» دببۇ باسقارما ءتورايىمى كۇلاش ءشامشيدينوۆا.
فورۋمدا ماڭىزدى وقيعالاردىڭ ءبىرى سۇرانىسقا يە قالالاردىڭ, اۋىلداردىڭ جانە مەكتەپتەردىڭ قاۋىپسىز جانە جايلى ورتاسىن قۇرۋعا باعىتتالعان ارنايى سەكتسيالار بولدى.
نزم ۇيىمداستىراتىن مۇنداي كونفەرەنتسيالار ون جىل ىشىندە الەمدىك ءبىلىم بەرۋدىڭ جاھاندىق ترەندتەرى بويىنشا ستراتەگيالىق شەشىمدەردى تالدايتىن جانە قابىلدايتىن ەڭ بەدەلدى حالىقارالىق الاڭداردىڭ بىرىنە اينالدى.
