«ەگەمەندىك دەكلاراتسياسىن حالىقتىڭ جان-جاقتى جانە ۇزاق جىلعى كۇرەسىنىڭ ناتيجەسى دەۋگە بولادى. ارينە, مۇنداي قادامعا بارۋ وڭاي بولعان جوق. ەلىمىزدىڭ سول كەزدەگى ساياسي-الەۋمەتتىك جانە دەموگرافيالىق احۋالى تۇرعىسىنان قاراساق, بۇل وتە باتىل ارەكەت بولاتىن.
ەگەمەندىك دەكلاراتسياسى – تاۋەكەل مەن ديپلوماتيانىڭ, اقىل مەن سابىردىڭ جەمىسى. وسى تاريحي قۇجاتتىڭ اسەرى كوپ ۇزاماي بايقالا باستادى. ءبىز قوعامنىڭ ىرگەتاسىن جاڭارتىپ, جاڭا بەلەستەرگە ۇمتىلدىق. قازاقستان قيىن وتكەلدەن ءوتىپ, ىرگەلى ەل بولۋعا باعىت ۇستادى», دەدى ق.توقاەۆ.
