بىراق قازاقستاندىق جانكۇيەرلەردىڭ بۇل قۋانىشى ۇزاققا سوزىلمادى. ەكىنشى كەزەڭدە جەرلەسىمىز دجەسسيكا پەگۋلامەن كەزدەستى. 28 جاستاعى اقش تەننيسشىسى ءار جىلدارى اۋستراليانىڭ اشىق بىرىنشىلىگى, US Open جانە رولان گارروستىڭ شيرەك فينالىندا ويناعان. قازىرگى كەزدە ول WTA رەيتينگىندە بەسىنشى ورىندا تۇر. بۇل كەزدەسۋ 6:2, 3:6, 6:7 ەسەبىمەن امەريكالىق ويىنشىنىڭ پايداسىنا شەشىلدى. ەڭ وكىنىشتىسى, وسى ساتسىزدىكتەن كەيىن رىباكينا WTA-نىڭ قورىتىندى تۋرنيرىندە كۇش سىناسۋ مۇمكىندىگىنەن ايىرىلدى. اتالعان جارىس 31 قازان مەن 7 قاراشا ارالىعىندا اقش-تىڭ فورت-ۋەرت قالاسىندا وتەدى دەپ جوسپارلانۋدا. ال ءچيليدىڭ كوكيمبو قالاسىنداعى تۋرنيردە تيموفەي سكاتوۆ ارگەنتينالىق نيكولاس كيكەردى 6:4, 1:6, 6:4 ەسەبىمەن قاپى قالدىرىپ, ءۇشىنشى اينالىمعا ءوتتى.
