وقىس وقيعا بارتين پروۆينتسياسىندا اماسرا قالاسىندا بولعان.
«حابار 24» ارناسى حابارلاعانداي, شاحتادا 110 ادام جۇمىس ىستەگەن دەگەن بولجام بار. ۇيىندىلەر استىندا 15-كە جۋىق ادام قالعان. زارداپ شەككەندەردى جاقىن ماڭداعى اۋرۋحاناعا, كەيبىرىن ۇشاقپەن انكارا جانە ىستانبۇلداعى كلينيكالارعا جەتكىزدى. وقيعا ورنىندا 150-دەن استام قۇتقارۋشى جانە 30-عا جۋىق جەدەل جاردەم قىزمەتى جۇمىس ىستەپ جاتىر. تۇركيا ۇكىمەتىنىڭ توتەنشە جاعدايلار باسقارماسى جارىلىس ترانسفورماتورداعى اقاۋدان شىعۋى مۇمكىن دەگەن بولجام جاساپ وتىر.
