2022 جىلعى 15 قازاندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ شاقىرۋىمەن تۇرىكمەنستان پرەزيدەنتى سەردار بەردىمۇحامەدوۆتىڭ قازاقستان رەسپۋبليكاسىنا مەملەكەتتىك ساپارى بولدى.
دوستىق, ءوزارا قۇرمەت پەن سەنىم رۋحىندا وتكەن كەلىسسوزدەر بارىسىندا مەملەكەت باسشىلارى ستراتەگيالىق ارىپتەستىكتى ودان ءارى تەرەڭدەتۋ پەرسپەكتيۆالارىن ەگجەي-تەگجەيلى تالقىلادى, سونداي-اق ءوزارا قىزىعۋشىلىق تۋدىراتىن وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى بويىنشا پىكىر الماستى.
پرەزيدەنتتەر قازاقستان رەسپۋبليكاسى مەن تۇرىكمەنستان اراسىنداعى كوپ عاسىرلىق دوستىق بايلانىستار مەن تاتۋ كورشىلىككە, باۋىرلاس حالىقتاردىڭ تەرەڭ مادەني-رۋحاني بايلانىستارىنا نەگىزدەلگەن ديپلوماتيالىق قارىم-قاتىناستار ورناتىلعاننان كەيىنگى 30 جىلدىق كەزەڭىندە قول جەتكىزىلگەن ىنتىماقتاستىقتىڭ جوعارى دەڭگەيىن اتاي وتىرىپ, قازاقستان-تۇرىكمەنستان قارىم-قاتىناستارىن جان-جاقتى نىعايتۋ باعىتىنىڭ مىزعىماستىعىن جانە ەكىجاقتى ىنتىماقتاستىقتى ەكى باۋىرلاس مەملەكەتتەردىڭ تۇبەگەيلى مۇددەلەرىنە ساي كەلەتىن جانە ورتالىق ازيا وڭىرىندەگى بەيبىتشىلىك پەن تۇراقتىلىقتى قامتاماسىز ەتۋدىڭ ماڭىزدى فاكتورى رەتىندە قىزمەت ەتەتىن ءوزارا ءىس-قيمىلدىڭ جاڭا ساپالى دارەجەسىنە شىعارىلعانىن راستادى.
حالىقارالىق قۇقىقتىڭ جالپىعا بىردەي تانىلعان نورمالارىنا, بىرىككەن ۇلتتار ۇيىمى جارعىسىنىڭ ماقساتتارى مەن قاعيداتتارىنا, ونىڭ ىشىندە مەملەكەتتىك ەگەمەندىك پەن تاۋەلسىزدىكتى, وڭىرلىك تۇتاستىقتى, شەكارالاردىڭ مىزعىماستىعىن ءوزارا قۇرمەتتەۋ, ءبىر-ءبىرىنىڭ ىشكى ىستەرىنە ارالاسپاۋ, تەڭ قۇقىقتىلىق پەن ءوزارا تيىمدىلىك قاعيداتتارىنا بەرىك بەيىمدىلىگىن راستاي, ساياسي, ساۋدا-ەكونوميكالىق جانە مادەني-گۋمانيتارلىق سالالارداعى قازاقستان-تۇرىكمەنستان ىنتىماقتاستىعىنىڭ ۇدەمەلى دامۋىن قاناعاتتانۋشىلىقپەن اتاي كەلە, 2017 جىلعى 18 ساۋىردەگى قازاقستان رەسپۋبليكاسى مەن تۇرىكمەنستان اراسىنداعى ستراتەگيالىق ارىپتەستىك تۋرالى شارتتا كورسەتىلگەن قاعيداتتاردى باسشىلىققا الا وتىرىپ, تومەندەگىلەر تۋرالى مالىمدەدى:
پرەزيدەنتتەر ەكى مەملەكەت اراسىنداعى قارىم-قاتىناستاردىڭ ورنىقتى ءارى سەرپىندى دامۋىنىڭ نەگىزگى فاكتورى رەتىندە سەنىمدى جانە ءوزارا قۇرمەتكە نەگىزدەلگەن ساياسي ديالوگتى ودان ءارى دامىتۋدى جانە نىعايتۋدى جاقتايدى.
قول جەتكىزىلگەن, ونىڭ ىشىندە قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ 2021 جىلعى 25 قازانداعى اشعابات قالاسىنا مەملەكەتتىك ساپارىنىڭ جانە تۇرىكمەنستان پرەزيدەنتى سەردار بەردىمۇحامەدوۆتىڭ 2022 جىلعى 15 قازانداعى استانا قالاسىنا مەملەكەتتىك ساپارىنىڭ قورىتىندىسى بويىنشا ۋاعدالاستىقتاردى بىرلەسىپ ىسكە اسىرۋدىڭ ماڭىزدىلىعىن اتاپ وتەدى.
قازاقستان رەسپۋبليكاسىنىڭ جانە تۇرىكمەنستاننىڭ پرەزيدەنتتەرى وڭىرلىك جانە حالىقارالىق ۇيىمدار شەڭبەرىندەگى ءوزارا تىعىز ءىس-قيمىلدى قاناعاتتانۋشىلىقپەن اتاپ ءوتتى, سونداي-اق الەم ساحناسىندا ءوزارا ىس-قيمىلىن جانداندىرۋعا نيەتىن راستادى.
مەملەكەت باسشىلارى ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى فورماتى شەڭبەرىندەگى وڭىرلىك كووپەراتسيانى دامىتىپ, تەرەڭدەتۋدەگى قول جەتكىزىلگەن پروگرەستى جوعارى باعالادى. ورتالىق ازيا وڭىرىندەگى تۇراقتىلىق پەن قاۋىپسىزدىكتى نىعايتۋ ىسىنە بىرلەسە كۇش سالىپ ودان ءارى جاردەم كورسەتۋگە دايىن ەكەندىكتەرىن ءبىلدىردى. پرەزيدەنتتەر ورتالىق ازيا مەملەكەت باسشىلارىنىڭ كونسۋلتاتيۆتىك كەزدەسۋلەرى بارىسىندا قول جەتكىزىلگەن ۋاعدالاستىقتاردىڭ تولىق ىسكە اسىرىلۋىن قۇپتادى.
پرەزيدەنتتەر كاسپي ماڭى وڭىرىندەگى وڭىرلىك قاۋىپسىزدىك پەن تۇراقتىلىقتى قولداۋ باعىتى مەن بىرلەسكەن كۇش-جىگەردىڭ وزگەرمەيتىنىن راستادى. سىندارلى ديالوگتى دامىتۋ جانە جان-جاقتى ىنتىماقتاستىقتىڭ الەۋەتىن اشۋ ماقساتىندا كاسپي ماڭى مەملەكەتتەرى باسشىلارىنىڭ سامميتتەرىن تۇراقتى تۇردە وتكىزۋدىڭ ماڭىزدىلىعى باسا ايتىلدى. وسىعان وراي مەملەكەت باسشىلارى تۇرىكمەنستاندا وتكەن التىنشى كاسپي ءسامميتىنىڭ ماڭىزدىلىعىن جانە كاسپي ەكونوميكالىق فورۋمىن ودان ءارى وتكىزۋ قاجەتتىلىگىن اتاپ ءوتتى.
كۇردەلى حالىقارالىق احۋال, مەملەكەتارالىق قاقتىعىستاردىڭ ءوسىپ كەلە جاتقان تاۋەكەلدەرى مەن كۇشەيىپ كەلە جاتقان اسكەري-ساياسي جانە ەكونوميكالىق تەكەتىرەس اياسىندا تاراپتار بىرىككەن ۇلتتار ۇيىمى مەن ونىڭ ينستيتۋتتارىنىڭ جاھاندىق ماسەلەلەردى شەشۋدەگى, ورنىقتى دامۋدى قامتاماسىز ەتۋدەگى, الەمدەگى قاۋىپسىزدىك پەن تۇراقتىلىقتى نىعايتۋداعى ءرولىن ارتتىرۋ, سونداي-اق حالىقارالىق قوعامداستىقتىڭ حالىقارالىق الەمگە قاۋىپ توندىرەتىن اگرەسسيا اكتىلەرىنە قارسى كۇش-جىگەرىن بىرىكتىرۋ قاجەتتىگى تۋرالى ورتاق پىكىر ءبىلدىردى.
مەملەكەت باسشىلارى بارلىق داۋلى ماسەلەلەردى بەيبىت تۇردە ساياسي-ديپلوماتيالىق جولمەن شەشۋدىڭ ماڭىزدىعىن باسا ايتتى.
وسىعان وراي قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ تۇرىكمەنستان پرەزيدەنتى سەردار بەردىمۇحامەدوۆتىڭ وڭىرلىك جانە جاھاندىق دەڭگەيلەردە ديالوگتى دامىتۋداعى كۇش-جىگەرىن, ونىڭ ىشىندە بۇۇ باس اسسامبلەياسىنىڭ «حالىقارالىق بەيبىتشىلىكتى, قاۋىپسىزدىك پەن ورنىقتى دامۋدى قولداۋ مەن نىعايتۋداعى بەيتاراپتىق ساياساتتىڭ ءرولى مەن ماڭىزى», «حالىقارالىق بەيبىتشىلىك جانە سەنىم جىلى, 2021جىل», «ورتالىق ازيا وڭىرىندە بەيبىتشىلىكتى, تۇراقتىلىقتى جانە ورنىقتى دامۋدى قامتاماسىز ەتۋ ءۇشىن وڭىرلىك جانە حالىقارالىق ىنتىماقتاستىقتى نىعايتۋ», «ورتالىق ازيانىڭ بەيبىتشىلىك, سەنىمدىلىك جانە ىنتىماقتاستىق ايماعى» قارارلارىن قابىلداۋ جونىندەگى باستاماسىن جوعارى باعالادى. ءوز كەزەگىندە تۇرىكمەنستان پرەزيدەنتى سەردار بەردىمۇحامەدوۆ قازاقستاندا جان-جاقتى ديالوگتى نىعايتۋعا باعىتتالعان الەمدىك جانە ءداستۇرلى دىندەر كوشباسشىلارىنىڭ سەزىن, سونداي-اق ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ, «ورتالىق ازيا – رەسەي», «ورتالىق ازيا – ەۋروپالىق وداق» سامميتتەرىن وتكىزۋدىڭ ماڭىزدىلىعىن اتاپ ءوتتى.
پرەزيدەنتتەر COVID-19 پاندەمياسى تۇرعىسىنان كورىنىس تاپقان قازىرگى زامانعى سىن-قاتەرلەردىڭ جاھاندىق سيپاتىن راستادى, ول كۇللى ادامزات قاۋىپسىزدىگىن قامتاماسىز ەتۋ ءۇشىن مەملەكەتتەردىڭ كۇش-جىگەرىن ۇلتتىق, وڭىرلىك جانە حالىقارالىق دەڭگەيلەردە ءتيىمدى ۇيلەستىرۋدى تالاپ ەتەتىنىن كورسەتتى.
وسىعان وراي تۇرىكمەنستان پرەزيدەنتى سەردار بەردىمۇحامەدوۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بۇۇ باس اسسامبلەياسىنىڭ جەتپىس بەسىنشى سەسسياسىندا ءوز قىزمەتىندە بيولوگيالىق جانە ۋىتتىق قارۋعا تىيىم سالۋ تۋرالى كونۆەنتسياسىنا نەگىزدەلەتىن حالىقارالىق بيولوگيالىق قاۋىپسىزدىك اگەنتتىگىن قۇرۋ, سونداي-اق بۇۇ اياسىندا اۋرۋلار مەن بيوقاۋىپسىزدىكتى باقىلاۋ جونىندەگى وڭىرلىك ورتالىقتار جۇيەسىن قۇرۋ تۋرالى باستامالارىنىڭ وزەكتىلىگىن اتاپ ءوتتى.
مەملەكەت باسشىلارى بىرىككەن ۇلتتار ۇيىمى, تاۋەلسىز مەملەكەتتەر دوستاستىعى, يسلام ىنتىماقتاستىعى ۇيىمى, ەكونوميكالىق ىنتىماقتاستىق ۇيىمى, ازياداعى ءوزارا ءىس-قيمىل جانە سەنىم شارالارى جونىندەگى كەڭەس, تۇركى مەملەكەتتەرى ۇيىمى جانە باسقا دا حالىقارالىق جانە وڭىرلىك ۇيىمدار مەن فورۋمدار اياسىنداعى ءوزارا ءىس-قيمىلدى ودان ءارى نىعايتۋعا جانە ءوزارا قولداۋعا مۇددەلىلىگىن اتاپ كورسەتتى.
تاراپتار حالىقارالىق تەرروريزمگە, ەكسترەميزمگە, زاڭسىز كوشى-قونعا, ەسىرتكى قۇرالدارىنىڭ نەمەسە پسيحوتروپتىق زاتتاردىڭ زاڭسىز اينالىمىنا, ترانسۇلتتىق ۇيىمداسقان قىلمىسقا جانە حالىقارالىق قاۋىپسىزدىكتىڭ باسقا دا سىن-تەگەۋرىندەرى مەن قاتەرلەرىنە قارسى كۇرەستەگى ەكىجاقتى دەڭگەيدە دە, حالىقارالىق قۇرىلىمدار, ونىڭ ىشىندە 2022 جىلدان باستاپ تۇرىكمەنستان وكىلى ديرەكتور قىزمەتىن اتقاراتىن الماتى قالاسىنداعى ەسىرتكى قۇرالدارىنىڭ, پسيحوتروپتىق زاتتار مەن ولاردىڭ پرەكۋرسورلارىنىڭ زاڭسىز اينالىمىنا قارسى كۇرەس جونىندەگى ورتالىق ازيا وڭىرلىك اقپاراتتىق ۇيلەستىرۋ ورتالىعى ء(واواۇو) شەڭبەرىندە دە ىنتىماقتاستىقتى ودان ءارى دامىتۋدى قولدادى.
ەكى مەملەكەتتىڭ باسشىلارى يادرولىق قارۋسىزدانۋ جانە يادرولىق قارۋدى تاراتپاۋ ىسىندە كۇش بىرىكتىرۋ قاجەتتىگىن اتاپ ءوتتى, ورتالىق ازياداعى يادرولىق قارۋدان ازات ايماق تۋرالى شارتتى جانە 2015 جىلعى 5 جەلتوقساندا قازاقستاننىڭ باستاماسى بويىنشا بۇۇ باس اسسامبلەياسىنىڭ 70/57 قارارىمەن قابىلدانعان يادرولىق قارۋدان ازات الەم قۇرۋ تۋرالى جالپىعا بىردەي دەكلاراتسيانى ىسكە اسىرۋ شەڭبەرىندە ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى.
پرەزيدەنتتەر ساۋدا, ەنەرگەتيكا, اۋىل شارۋاشىلىعى, لوگيستيكا جانە كولىك سالالارىنداعى بىرلەسكەن جوبالاردى پراكتيكالىق تۇردە ىسكە اسىرۋدىڭ ماڭىزدىلىعىن مويىندايدى.
مەملەكەت باسشىلارى ءوزارا قىزىعۋشىلىق تۋعىزاتىن سالالارداعى ىنتىماقتاستىقتى تەرەڭدەتۋ جانە كەڭەيتۋ ىسىندە ۇيلەستىرۋ ورگانى رەتىندە ەكونوميكالىق, عىلىمي-تەحنيكالىق جانە مادەني ىنتىماقتاستىق جونىندەگى قازاقستان-تۇرىكمەنستان ۇكىمەتارالىق كوميسسياسى قىزمەتىنىڭ تيىمدىلىگىن ارتتىرۋدىڭ ماڭىزىن اتاپ كورسەتەدى.
پرەزيدەنتتەر ساۋدا-ەكونوميكالىق, ەنەرگەتيكالىق, كولىك-كوممۋنيكاتسيالىق, مادەني-گۋمانيتارلىق جانە باسقا دا سالالارداعى ەكىجاقتى ىنتىماقتاستىقتى ودان ءارى ورىستەتۋ ءۇشىن قولدا بار الەۋەتتى ءتيىمدى ءارى كەشەندى تۇردە ىسكە قوسۋدىڭ قاجەتتىلىگىن اتاپ وتەدى.
تاراپتار تاۋار اينالىمىن ءوزارا ساۋدانىڭ نومەنكلاتۋراسىن كەڭەيتۋ, قولايلى جاعدايلار جاساۋ جانە قوسىلعان قۇنى جوعارى ونىمدەردى تارتۋ ارقىلى ودان ءارى ارتتىرۋدىڭ ماڭىزىن راستايدى. مەملەكەت باسشىلارى قازاقستان رەسپۋبليكاسىنىڭ ۇكىمەتى مەن تۇرىكمەنستاننىڭ ۇكىمەتى اراسىنداعى ساۋدا وكىلەتتىكتەرىن ءوزارا قۇرۋ تۋرالى كەلىسىمدى كەلىسۋدى جانە وعان قول قويۋدى جەدەلدەتۋدى تاپسىردى.
مەملەكەت باسشىلارى شاعىن جانە ورتا بيزنەس سالاسىنداعى بىرلەسكەن كاسىپورىنداردىڭ سانىن كوبەيتۋگە باعىتتالعان ىسكەرلىك بايلانىستاردى كەڭەيتۋدىڭ قاجەتتىگىن باسا ايتادى جانە بيزنەس-فورۋمدار مەن ونەركاسىپ ونىمدەرىنىڭ ۇلتتىق كورمەلەرىن تۇراقتى تۇردە وتكىزۋگە كۇش سالۋدى جانداندىرۋعا دايىن ەكەندىكتەرىن بىلدىرەدى. وسىعان وراي قازاقستان-تۇرىكمەنستان ىسكەرلىك كەڭەسىنىڭ ەكى ەلدىڭ كاسىپكەرلەرى اراسىندا تىعىز بايلانىستار مەن پراكتيكالىق ءوزارا ءىس-قيمىل ورناتۋ بولىگىندەگى قىزمەتىن جانداندىرۋ قاجەتتىگى اتاپ كورسەتىلدى.
پرەزيدەنتتەر ينۆەستيتسيالىق ءوزارا ءىس-قيمىلدى ودان ءارى دامىتۋدىڭ, ينۆەستيتسيالار تارتۋ مەن ولاردى مەملەكەتتىك دارەجەدە قورعاۋ ءۇشىن قولايلى جاعدايلار جاساۋدىڭ ماڭىزدىلىعىن اتاپ كورسەتەدى. ءوزارا ينۆەستيتسيالاردى جان-جاقتى قولداۋدىڭ تەتىكتەرىن جەتىلدىرۋ ماقساتىندا مەملەكەت باسشىلارى قازاقستان رەسپۋبليكاسىنىڭ ۇكىمەتى مەن تۇرىكمەنستاننىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى كەلىسۋدى جانە وعان قول قويۋدى جەدەلدەتۋدى تاپسىردى.
ەكى مەملەكەتتىڭ وڭىرارالىق جانە شەكارا ماڭى ىنتىماقتاستىعىنىڭ جوعارى الەۋەتىن قاناعاتتانۋشىلىقپەن اتاي وتىرىپ, پرەزيدەنتتەر قازاقستان رەسپۋبليكاسى مەن تۇرىكمەنستاننىڭ وڭىرلەرى اراسىنداعى كوپ قىرلى قارىم-قاتىناستى كەڭەيتۋدى جاقتادى.
تاراپتار قولدا بار الەۋەتىن ىسكە قوسۋ ماقساتىندا سىرتقى نارىققا تەز ارادا جانە ءتيىمدى شىعۋدى قامتاماسىز ەتەتىن كولىك-كوممۋنيكاتسيا سالاسىنداعى ىنتىماقتاستىقتى جانداندىرۋعا دايىن ەكەندىكتەرىن بىلدىرەدى.
تاراپتار «قىتاي – قازاقستان – تۇرىكمەنستان – يران» كولىك ءدالىزىن ونىڭ تارتىمدىلىعىن جوعارىلاتۋ ارقىلى دامىتۋدى, سونداي-اق كولىك كوممۋنيكاتسيالارىن ءارتاراپتاندىرۋ ماقساتىندا جاڭا باعدارلاردى پىسىقتاۋدى جالعاستىرادى. قازاقستان رەسپۋبليكاسى مەن تۇرىكمەنستان اۋماعى بويىنشا كولىك ءترانزيتىن قامتاماسىز ەتەتىن «وزەن (قازاقستان) – گىزىلگايا – بەرەكەت – ەترەك (تۇرىكمەنستان) – گورگان (يران)» ماگيسترالىن بىرلەسكەن جوبالاردى ىسكە اسىرۋ كەزىندە باسىم باعدار بولادى دەپ ەسەپتەي وتىرىپ, بۇل ارقىلى تەمىرجول تاسىمالدارىن جۇزەگە اسىرۋداعى ىنتىماقتاستىقتى ودان ءارى دامىتۋ قاجەتتىگىن اتاپ وتەدى.
پرەزيدەنتتەر مەملەكەتارالىق قارىم-قاتىناستىڭ ىرگەتاسى بولىپ سانالاتىن مادەني-گۋمانيتارلىق سالاداعى ىنتىماقتاستىقتى كەڭەيتۋدىڭ ماڭىزدىلىعىن اتاپ كورسەتەدى. ءبىلىم, عىلىم, تۋريزم جانە دەنساۋلىق ساقتاۋ سالالارىندا ءوزارا ءىس-قيمىلدى جانداندىرۋ تۋرالى ۋاعدالاستىققا قول جەتكىزىلدى. تاراپتار جوعارى وقۋ ورىندارى اراسىندا بايلانىستار ورناتىلعانىن قۇپتادى.
مەملەكەت باسشىلارى ءوزارا نەگىزدە 2023-2024 جىلدارى قازاقستان رەسپۋبليكاسى مەن تۇرىكمەنستان مادەنيەت كۇندەرىن ۇيىمداستىرۋدى تاپسىردى. تاراپتار بىرلەسكەن تەلەۆيزيالىق جوبالار, كورمەلەر, فەستيۆالدەر مەن وزگە دە مادەني ءىس-شارالار وتكىزۋگە, ورتاق تاريحي جانە مادەني مۇرانى ساقتاۋ مەن ىلگەرىلەتۋ ماقساتىندا كۇش بىرىكتىرۋگە دايىن ەكەندىكتەرىن بىلدىرەدى.
پرەزيدەنتتەر ەكولوگيالىق پروبلەمالاردى شەشۋگە, ونىڭ ىشىندە سۋدىڭ, اتموسفەرالىق اۋانىڭ لاستانۋىن, توپىراق ەروزياسىن ازايتۋعا, سونداي-اق تابيعي اپاتتار قاتەرىن تومەندەتۋگە باعىتتالعان كەلىسىلگەن شارالاردى قابىلداۋ قاجەتتىگىمەن كەلىستى.
ارال جانە كاسپي تەڭىزدەرىنىڭ باسسەينىندە, اسىرەسە ەكولوگيالىق داعدارىسقا ۇشىراعان ايماقتاردا الەۋمەتتىك-ەكونوميكالىق جانە ەكولوگيالىق جاعدايدى وڭالتۋمەن بايلانىستى پروبلەمالاردى كەشەندى شەشۋ ءۇشىن كۇش بىرىكتىرۋ قاجەتتىگىن راستادى. ورتالىق ازياداعى بارلىق مەملەكەتتەردىڭ مۇددەلەرى مەن قاتىسۋىن ەسكەرە وتىرىپ, حالىقارالىق ارالدى قۇتقارۋ قورىنىڭ ۇيىمدىق قۇرىلىمى مەن شارتتىق-قۇقىقتىق بازاسىن جەتىلدىرۋ بويىنشا بىرلەسىپ كۇش سالۋعا جاردەمدەسۋگە دايىن ەكەندىگى ايتىلدى. جاھاندىق كليماتتىڭ وزگەرۋى مەن تەڭىزدى قورەكتەندىرەتىن وزەندەر اعىنىنىڭ ازايۋىنا بايلانىستى كاسپي تەڭىزىنىڭ تارتىلىپ بار جاتقانىنا الاڭداۋشىلىق ءبىلدىرىلدى.
مەملەكەت باسشىلارى ورتالىق ازيا ترانسشەكارالىق وزەندەرىنىڭ سۋ رەسۋرستارى ءوڭىر حالىقتارىنىڭ ورتاق يگىلىگى بولىپ تابىلادى جانە قازىر ءومىر ءسۇرىپ جاتقان ونداعان ميلليون ادامدار مەن بولاشاق ۇرپاقتاردىڭ تاعدىرى, بۇكىل ءوڭىردىڭ تۇراقتىلىعى مەن ءال-اۋقاتى وسى رەسۋرستاردىڭ ءادىل دە ۇتىمدى پايدالانىلۋىنا تاۋەلدى دەپ مالىمدەدى. وسىعان وراي ولار ءوزارا تۇسىنىستىكتى نىعايتۋدى جانە سىندارلى ىنتىماقتاستىقتى دامىتۋدى, سونداي-اق ءوزارا قولايلى دا ءادىل شەشىمدەر ىزدەستىرۋدى قولدايدى.
مەملەكەت باسشىلارى كەلىسسوزدەر مەن ساپار شەڭبەرىندە قول قويىلعان قۇجاتتار ءارتۇرلى سالالارداعى ەكىجاقتى ىنتىماقتاستىقتى ودان ءارى دامىتۋعا جاڭا سەرپىن بەرەتىنىنە جانە قازاقستان رەسپۋبليكاسى مەن تۇرىكمەنستاننىڭ باۋىرلاس حالىقتارىنىڭ مۇددەلەرىنە قىزمەت ەتەتىنىنە سەنىم ءبىلدىردى.
تۇرىكمەنستان پرەزيدەنتى سەردار بەردىمۇحامەدوۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا جانە كۇللى قازاقستان حالقىنا وزىنە كورسەتىلگەن قوناقجايلىق, قۇشاق جايا جىلى شىرايمەن قابىلداعانى ءۇشىن شىن جۇرەكتەن العىسىن ءبىلدىرىپ, قازاقستان پرەزيدەنتىن وزىنە ىڭعايلى ۋاقىتتا تۇرىكمەنستانعا قارىمتا ساپارمەن كەلۋگە شاقىردى.
قازاقستان پرەزيدەنتى شاقىرۋدى ريزاشىلىقپەن قابىل الدى. ساپار مەرزىمدەرى ديپلوماتيالىق ارنالار ارقىلى كەلىسىلەتىن بولادى.
