«قاراسورا 2022» پروفيلاكتيكالىق ءىس-شاراسى بارىسىندا قوستاناي اۋدانى, توبىل كەنتىندەگى ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى 37 جاستاعى ازاماتتى ۇستادى. جەكە ءتىنتۋ كەزىندە ونىڭ كۇرتەشەسىنىڭ ءتوس قالتاسىنان جالپى سالماعى 17,5 گرامم بولاتىن جاسىل ۇنتاقتى زاتى بار ءۇش پلاستيكالىق بايلامدار تاركىلەدى. تۇرعىلىقتى جەرىن ءتىنتۋ كەزىندە گاراجدان سالماعى 189,2 گرامم بولاتىن ەسىرتكىگە ۇقساس زات تابىلدى», دەپ حابارلادى وبلىستىق پوليتسيانىڭ ءباسپاسوز قىزمەتىنەن.
ساراپتاما قورىتىندىسىنا سايكەس, زات گاشيش بولىپ شىقتى. اتالعان فاكتى بويىنشا سوتقا دەيىنگى تەرگەۋ باستالدى.
ۆەدومستۆونىڭ مالىمەتىنشە, جىل باسىنان بەرى زاڭسىز اينالىمنان 176 كەلى 870 گرامم ءتۇرلى ەسىرتكى, ونىڭ ىشىندە 555 گراممنان استام گەروين, 18 كەلى 486 گرامم گاشيش, 851 گراممنان استام سينتەتيكالىق ەسىرتكى تاركىلەندى.
