اتباسار اۋدانىندا جاڭا ۇيلەر سالىنۋدا

اقمولا وبلىسى اكىمدىگى تاراپىنان اتباسارداعى سۋ تاسقىنىنان زارداپ شەككەندەر جايى مەن قاي­تا قۇرۋ جۇمىستارى كۇندەلىكتى با­قىلاۋدا ۇستالۋدا. بۇگىنگى كۇنگە دە­يىن 379 تۇرعىنعا ماتەريالدىق, 107 ادامعا قارجىلاي كومەك كورسەتىلدى. قۇرامىندا 141 مۇشەسى بار 41 وتباسى جالعا الىنعان پاتەرلەرگە قو­نىس­تاندىرىلعان. سونداي-اق, گۋمانيتارلىق كومەك ەسەبىنەن 529 تۇرعىنعا ازىق-ت ۇلىك پەن كيىم-كەشەك ۇلەستىرىلدى. بۇل جونىندە وبلىس باسشىسى قوسمان ايتمۇحامەتوۆتىڭ كەزەكتى ساپارى بارىسىندا تولىق ماعلۇمات الدىق. وبلىس اكىمى قالاداعى №1 جانە 5 مەكتەپتەردە تۇرعىندارمەن كەزدەسۋ وتكىزىپ, ءاربىر كىسىنىڭ سۇراعىنا ناقتى جاۋاپ قايتاردى. مۇندا زارداپ شەككەندەردى ۋاقىتشا قونىستاردان جالدامالى پاتەرلەرگە اۋىس­تىرۋ جايى وزەكتى بولىپ وتىر. بۇل باعىتتا, قارجى كوزدەرىن توپتاستىرۋ ارقىلى, قولدا بار مۇمكىندىكتىڭ بارلىعى جۇ­مىلدىرىلاتىنى, كوپ ۇزاماي جاڭا ۇيلەر دە بوي كوتەرەتىندىگى ايتىلدى. جۋرناليستەر سۋ تاسقىنىنان زارداپ شەككەن اۋماقتى ارالاپ كورىپ, وبلىس اكىمى وتكىزگەن ماجىلىسكە قاتىستى. وندا وبلىستىق باسقارمالار باسشىلارى مەن اتباسار اۋدانىنىڭ اكىمى ج.نۇركەنوۆتىڭ ەسەپتەرى تىڭدالدى. اۋدان اكىمىنىڭ ايتۋىنشا, بۇگىنگى كۇنى جولدار مەن عيماراتتاردى قال­پىنا كەلتىرۋ جانە قۇرىلىس جۇمىس­تارىن جۇرگىزۋگە قاجەتتى بارلىق ساراپ­تامالىق-تەحنيكالىق قۇجاتتار ازىرلەنىپ قويىلعان. بۇگىنگى كۇنى سۋ شايىپ كەتكەن 18,3 شاقى­رىمدىق جولعا اعىمداعى, 3,1 شاقىرىم­دىق جولعا كۇردەلى جوندەۋ جۇمىستارى قولعا الىنىپتى. قالپىنا كەلتىرۋ بارىسىندا 3 سۋ وتكەلىن ءجون­دەۋ جۇمىسى دا جوسپارلانىپتى. ەڭ قۋانىشتىسى, زارداپ شەككەن تۇر­عىندارعا ارنالىپ 45 پاتەرلىك ەكى ءۇيدىڭ قۇرىلىسى باستالعانىن ايتۋىمىز كەرەك. وبلىس باسشىسى مەردىگەر كومپانيالاردىڭ ساپا كورسەتكىشتەرىن جاقسارتىپ, ۋاقىتتى ءتيىمدى پايدالۋ قاجەتتىگىن تاپسىردى. جالپى, زارداپ شەككەندەرگە ارنالىپ اتباساردا 45 پاتەرلىك ءتورت ءۇي سالىنادى جانە بۇرىنعى مەديتسينالىق كوللەدج­­دىڭ جاتاقحاناسىنا قايتا قۇرۋ جۇمىستارى ءجۇر­گىزى­لىپ, وندا 29 وتباسى ورنالاستىرىلادى دەپ جوسپارلانۋدا. باقبەرگەن امالبەك, «ەگەمەن قازاقستان». اقمولا وبلىسى, اتباسار قالاسى.