بايقاۋعا قاتىسۋشىلار جۇمەكەن ناجىمەدەنوۆتىڭ پوەزيالىق جانە پروزالىق شىعارمالارىنان ءۇزىندى وقىدى. ءماتىندى جاتقا وقۋعا 5 مينۋت ۋاقىت بەرىلدى. دايىن فونوگراممانى پايدالانۋعا تىيىم سالىندى.
– قازاق پوەزياسىندا وزىندىك ورنەگىن قالدىرعان اقىن وسى وڭىردەگى قوشالاق توپىراعىندا دۇنيەگە كەلگەن. جاستىق شاعىن الاتاۋدىڭ باۋرايىندا وتكىزگەنىمەن, تۋعان جەرگە ساعىنىشىن جىرىنا ارقاۋ ەتتى. ونىڭ ولەڭدەرىنەن تاعىلىم مەن تاربيەنىڭ, ادالدىق پەن وتانسۇيگىشتىكتىڭ تەرەڭ ءمانىن اڭعارۋعا بولادى. سول سەبەپتەن ونىڭ شىعارمالارىن تەرەڭ زەرتتەپ, كەيىنگى ۇرپاققا ناسيحاتتاۋ – ءبىزدىڭ بورىشىمىز, – دەيدى وبلىس اكىمىنىڭ ورىنباسارى جاسۇلان بيسەمبيەۆ.
قازاقستان جازۋشىلار وداعى باسقارما توراعاسىنىڭ ورىنباسارى مەرەكە قۇلكەنوۆ جەتەكشىلىك ەتكەن قازىلار القاسى قاتىسۋشىلاردىڭ وقۋ شەبەرلىگى, داۋىس مانەرى, ءتىل تازالىعى, كوركەم ءماتىندى تاڭداۋ جانە ساحنادا ءوزىن-ءوزى ۇستاۋى تالعامىن سارالادى. بايقاۋ قورىتىندىسىمەن باس جۇلدەگە الماتىلىق ارشىن نۇرباقىت لايىق دەپ تانىلدى. جەتىسۋ وبلىسىنىڭ وكىلى ارشىن ايدىنبەك ۇلى ءبىرىنشى ورىندى يەلەندى. ال تۇركىستاندىق ەرجان جولداسوۆ ەكىنشى, باتىس قازاقستان وبلىسىنان قاتىسقان بەكزات ۆاسيحان ءۇشىنشى جۇلدەگە يە بولدى.
اتىراۋ وبلىسى
