قىزىلوردا وبلىسىندا جەر استىنان جادىگەر تەڭگەلەر تابىلدى

استانا. 21 مامىر. قىزىلوردا وبلىسى شيەلى اۋدانى بيدايكول اۋىلىنىڭ تۇرعىنى جاسۇلان وماروۆ دەگەن ازامات ىبىراي جاقاەۆ اتىنداعى كۇرىش ءوسىرۋ تاريحى مۇراجايىنا 1905-1916 جىلدارى شىعارىلعان زاەمدار مەن رۋبلدەردى تاپسىردى. بۇل تۋرالى zakon.kz حابارلادى. جاسۇلان وماروۆ 2006 جىلى ءوز اۋلاسىنا جەمىس اعاشتارى مەن ءتۇرلى داقىلدار ەكپەكشى بولادى. سودان ول ارىق قازۋعا كىرىسەدى. ءبىر كەزدە ول قازىلعان جەردەن ءبىر قاڭىلتىر قوراپشا تاۋىپ الادى. ونى اشىپ كورسە, ىشىنەن تسەللوفانعا ورالعان كوپ اقشا شىعادى. بۇعان سونشالىقتى ءمان بەرە قويماعان ول الگى قوراپشاعا جادىگەر تەڭگەلەردى قايتا سالىپ, ۇيىنە اپارىپ قويا سالادى. وسىلايشا ارادا بىرنەشە جىلدار وتەدى. كەنەت ج.وماروۆتىڭ ەسىنە وسىدان 8 جىل بۇرىن تاۋىپ العان قوراپشا تۇسەدى دە, ونى مۇراجايعا تابىستايدى. وسىعان بايلانىستى ىبىراي جاقاەۆ اتىنداعى كۇرىش ءوسىرۋ تاريحى مۇراجايىنىڭ ديرەكتورى قۇتتىقىز ىحانوۆا: «بۇل وتكەننەن قالعان ءبىر ەستەلىك, كوپ كەزدەسە قويمايتىن جادىگەر. الداعى ۋاقىتتا مۇراجايىمىزدا اقشالار جايلى ۇلكەن كورمە ۇيىمداستىرىلماق جانە مەكتەپتەردە كوشپەلى كورمەلەر وتكىزىلمەك. اتالعان شارالاردا اۋدان تۇرعىندارى اتالارىمىزدىڭ كوزى كورىپ, قولمەن ۇستاعان اقشالارىن تاماشالاي الادى», – دەدى. جولدىباي بازار. دەرەككوز: zakon.kz. فوتو: zakon.kz.