جاستارعا ارتىلار جۇك اۋىر

تۇركىستان وبلىسى ماقتاارال اۋدا­نىندا وتكەن ءىس-شاراعا قازاقستان حالقى اسسامبلەياسى تورا­عاسىنىڭ ورىنباسارى – قازاقستان رەسپۋب­لي­كاسى پرەزيدەنتى اكىمشىلىگى قازاقستان حالقى اسسامبلەياسى حاتشىلىعىنىڭ مەڭگەرۋشىسى مارات ءازىلحانوۆ, تاجىك­تەر­دىڭ رەسپۋبليكالىق ەتنو­ما­­دەني ور­تالىعىنىڭ توراعاسى اكبارجان يسمايلوۆ, ەتنومادەني ور­تا­لىقتىڭ بار­لىق ايماقتاعى فيليال توراعالارى مەن مۇشەلەرى قاتىستى.

ءىس-شارانىڭ ماقساتى – ەتنوس­تار تىعىز قونىستانعان جەرلەردە جاس­تار­دىڭ الەۋمەتتىك ماسەلەسىن شەشۋ, مەم­لە­كەت­تىك باعدارلامالاردى جۇ­زە­گ­ە اسىرۋ. فورۋمعا قاتىسۋشىلار ەت­نوس­تىق تەگىنە قاراماستان قازاق ج­ە­رىن­دە تۋعاندارىن ماقتان تۇتاتىن­دا­رىن, قا­زاق­ستاننان باسقا وتانى جوق ەكەنىن اتاپ ءوتتى.

جاستارعا ارتىلار جۇك, ولاردان كۇتەر ناتيجە كوپ. باسقوسۋدا دوستىق, سىيلاستىق, تاتۋلىقتى نى­عاي­تۋ باعى­تىن­دا تۇششىمدى ويلار ايتىلدى. پرە­زي­دەنتتىڭ جولداۋدا باسىمدىق بەرگەن باعىت­تا­رىن تالقىلادى.

«ەلدىڭ ەرتەڭى – جاستار. مەملەكەت باس­شىسى ستۋدەنتتەردىڭ بارلىق ما­سە­لەسىن جولداۋدا نازاردان تىس قال­­دىر­مادى. جاتاقحانا, وقۋ اقىسى, وقۋ ورىندارىنا تالاپتىڭ كۇشەيەتىنىن اتاپ ءوتتى. مۇنىڭ بارلىعى جاستاردىڭ بو­لا­شاعى ءۇشىن جاسالىپ جاتقان قا­دامدار. بىرلىگىمىز بەكەم بولىپ, ەلدىڭ دامۋىنا جۇدىرىقتاي جۇمىلىپ اتسالىسايىق», دەدى م.ءازىلحانوۆ.

فورۋمدا «اسسامبلەيا جاستارى» رەسپۋبليكالىق قوعامدىق بىرلەستىگىنىڭ توراعاسى ت.جۇمىرباەۆ, م.اۋەزوۆ اتىنداعى وڭتۇستىك قازاقستان مەم­لەكەت­تىك ۋنيۆەرسيتەتىنىڭ پرورەكتورى ر.ابىشەۆا, «تاجىكتەردىڭ رەس­پۋب­ليكالىق ەتنومادەني ورتالى­عى» رەسپۋبليكالىق قوعامدىق بىر­لەس­تى­گى جاستار قا­ناتىنىڭ توراعاسى ب.حيديروۆ ءسوز سويلەپ, جاس­تار­عا موتي­ۆا­تسيالىق كەڭەستەرىن ايتتى. وزىق ويلى, باسەكەگە قابىلەتتى بولۋى ءۇشىن جاستاردىڭ ساپالى ءبىلىم الۋى ماڭىز­دى­لىعىنا توقتالدى. ارقايسىسى ءوز تاجىريبەسىمەن ءبولىستى, جەتىستىككە جەتۋدىڭ جولدارىن كور­سەتتى.

ء«بىز – كوك تۋدىڭ استىندا بەرەكەلى بىرلىك پەن تاتۋ تىرلىكتى قالىپ­تاس­تىر­عان, بولاشاعى جارقىن حا­لىق­پىز. وسى ءسوزدى ءجيى ايتامىز. مەنىڭشە, «قازاق ەلىنە قارىزدارمىز, قينال­عان­دا ءبىر ءۇزىم نانىن ءبولىستى», دەگەن جاتتاندى ۇران ىسپەتتەس. ال­عى­سىمىزدى وسىنداي كەلەلى ىسپەن دالەل­دەپ, بار­لىعىمىز اتسالىسىپ, بىر­لىكتىڭ بەكەمدىگىن كور­سەتەيىك», دەدى تاجىكتەردىڭ رەسپۋبليكالىق ەت­نو­مادەني ورتالىعىنىڭ توراعاسى اكبارجان يسمايلوۆ.

العاش رەت ۇيىمداستىرىلعان فورۋمنان جاستار ايتارلىقتاي جىگەر الدى, الداعى مىندەتتى جۇدىرىقتاي جۇمىلىپ اتقارۋعا ۋاعدالاستى.

تۇركىستان وبلىسى