ساياسات • 05 قازان، 2022

ۇيىمداردىڭ ۇسىنىسى ورتاق

89 رەت كورسەتىلدى

قاراشا ايىنا جوسپارلانعان كەزەكتەن تىس پرەزيدەنت ساي­لاۋى جاقىنداعان سايىن ءتۇرلى قوعامدىق ۇيىمنىڭ بەلسەندىلىگى ارتقانى بايقالادى. ساياسي ناۋقانعا قاتىستى ەلىمىزدىڭ ءتۇرلى قوعامدىق ۇيىمى ءوز ويلارىن ايتىپ، ۇسىنىستارىن بىلدىرۋدە.

  • ماسەلەن، قازاقستان ازامات­تىق اليانسى كەزەكتەن تىس پرەزيدەنتتىك سايلاۋعا قاسىم-جومارت توقاەۆتىڭ كانديداتۋراسىن ۇسى­ناتىنىن مالىمدەدى. ازاماتتىق اليانس پرەزيدەنتى، كونفە­رەنتسيا توراعاسى بانۋ نۇرعا­زيەۆا: «ەل پرەزيدەنتى ق.توقاەۆ «جاڭا قازاقستان: جاڭارۋ جانە جاڭعىرتۋ جولى» جول­داۋىندا قوعامدىق ۇيىمدار­دىڭ قىزمەتىن ەلدىڭ ور­نىقتى جانە جان-جاقتى ىلگەرى­لەۋىنىڭ ماڭىزدى فاكتورى دەپ اتادى جانە قوعامدىق ۇيىمدار مەن بەلسەندىلەردى رەفورمالاردى دا­يىنداۋ مەن ىسكە اسىرۋعا كەڭىنەن جانە تەرەڭىرەك تارتۋعا شاقىردى. الەم­دەگى كۇردەلى گەو­ساياسي جاع­داي­عا قاراماستان، قازاقستاندا ساياسي جاڭعىرۋ، ەكونوميكانى قايتا قۇرىلىمداۋ، الەۋمەتتىك سالانى دامىتۋ جوعارى قارقىنمەن ءجۇرىپ جاتىر. ەلدىڭ الەۋمەتتىك-ەكونوميكالىق جانە قوعامدىق-ساياسي ءومىرىنىڭ بارلىق سالاسىندا ەلەۋلى وزگەرىستەر بار. پرە­زيدەنت العاشقى كۇندەردەن باس­تاپ سىندارلى ديالوگكە، بيلىك پەن حالىق اراسىندا ءتيىمدى كەرى باي­لانىس ورناتۋعا باعىتتالعان «حالىق ۇنىنە قۇلاق اساتىن مەملەكەت» تۇجىرىمداماسىن ۇسىنا وتىرىپ، مەملەكەت پەن قوعامنىڭ ءوزارا ءىس-قيمىلىنىڭ جاڭا فورماتىن بەلگىلەدى. حالىق وزگەرىستەرگە جانە ەل پرەزيدەنتىنە سەنىمىن بىلدىرەدى»، دەدى.

وڭىرلىك اليانستاردىڭ كوش­باس­شىلارى ءوز سوزدەرىندە ەل پرە­­زي­دەنتى ۇسىنعان بارلىق باس­تاما مەن رەفورما حالىقتىڭ، قارا­پايىم ادامداردىڭ مۇددە­لەرىنەن تۋىنداعانىن ايتىپ، سايا­سي دودادا مەملەكەت باسشىسىن قولدايتىنىن جەتكىزدى.

  • اۋعان سوعىسى ارداگەرلەرى ۇيىمدارى دا قاسىم-جومارت توقاەۆ­تىڭ كانديداتۋراسىن پرەزي­دەنت سايلاۋىنا ۇسىنۋ جونىندە شەشىم قابىلداعاندارىن مالىم­دەدى. اۋعان سوعىسى ارداگەرلەرى ۇيىم­­­دارىنىڭ Qazaqstan ardager­leri قاۋىمداستىعى باس­قار­­ماسى­نىڭ وتىرىسىندا قاۋىم­داس­تىق توراعاسى باقىتبەك سماعۇل: «پرەزيدەنت ارداگەرلەر مەن ءتۇر­لى الەۋمەتتىك توپتىڭ وكىل­دەرىن ءاردايىم قولداپ كەلەدى. ءبىز اردا­گەرلەر سوعىستىڭ نە ەكەنىن ءبىر كىسىدەي بىلەمىز ءارى بەيبىت ءومىر­دىڭ قادىرىن وتە جاقسى تۇسىنەمىز. تۇراقتىلىق – كەز كەلگەن مەملەكەت ءۇشىن دامۋدىڭ ەڭ باستى كەپىلى. سوندىقتان ءبىز قاسىم-جومارت توقاەۆتى پرەزيدەنت سايلاۋىنا كانديدات رەتىندە ۇسىنۋ تۋرالى شەشىم قابىلدادىق»، دەدى.

سونداي-اق قازاقستان ءماسلي­حات­تارى دەپۋتاتتارى بىرلەس­تىگى­نىڭ ورتالىق كەڭەسىنىڭ كەزەكتەن تىس كونفەرەنتسياسىندا ۇيىم اتىنان قازاقستان پرەزي­دەنتتىگىنە ۇمىتكەر ۇسىنۋ ماسەلەسى تالقىلاندى. «تۇراقسىز گەوسايا­سي ءارى ەكونوميكالىق جاعداي كەزىن­دە قوعامنىڭ بىرلىگى مەن ىنتى­ماعى ءبىرىنشى ورىنعا شىعادى. سوندىقتان قاسىم-جومارت توقاەۆ­تىڭ تۇراقتىلىق پەن كەلى­سىم­­دى قامتاماسىز ەتۋدەگى، مەملە­كەت دامۋىنداعى ەرەكشە ءرولىن ەس­كەرە وتىرىپ، ءبىز ونى الداعى پرە­زي­دەنت سايلاۋىنا كانديدات رەتىن­دە ۇسىنامىز»، دەپ اتاپ ءوتتى بىر­لەستىك توراعاسى تولەۋبەك مۇقاشەۆ.

بىرلەستىك مۇشەلەرى بارلىق دەڭگەيدەگى ءماسليحات دەپۋتات­ى ەكەنىن اتاپ وتكەن ءجون. ولار­دىڭ جالپى سانى – 3276 ادام.

  • گەنەرالدار كەڭەسىنىڭ تورال­قاسى دا ق.توقاەۆتى پرەزيدەنت سايلاۋىنا كانديدات رەتىندە ۇسىنۋ تۋرالى شەشىم قابىلدادى. ۇزاق جىلدار بويى مەملەكەت مۇددەسىنە ابىرويمەن قىزمەت ەتكەن قازاقستان­نىڭ قارۋلى كۇشتەرى مەن قۇقىق قورعاۋ ورگاندارىنىڭ گەنەرالدارى، ارداگەرلەرى ءالى دە وتان مۇد­دەسىن قورعاۋعا اتسالى­سىپ كەلە­دى. مەملەكەت باسشى­سى­نىڭ قىر­كۇيەك ايىنداعى جول­داۋىن تالقىلا­عاننان كەيىن «گەنەرالدار كەڭەسى» رقب تورال­قاسى باع­دارلامالىق قۇجاتتا باياندالعان ەرەجەلەر مەن ۇسى­نىس­تاردى ىسكە اسىرۋعا بەل­سەندى قاتىسۋ تۋرالى شەشىم قابىلدادى.

ء«بىز بيىل كۇزدە كەزەكتەن تىس پرەزيدەنت سايلاۋىن وتكىزۋ تۋرالى ۇسىنىستى تولىق قول­داي­مىز. ادىلەتتى قازاقستان قۇرۋعا باعىت­تالعان رەفورمالاردى تا­بىس­تى ىسكە اسىرۋ ءۇشىن حالىق سەنى­­مىنىڭ جاڭا مانداتى قاجەت. پرە­­زي­­دەنتتىك مانداتتىڭ ءبىر رەت­­تىك 7 جىلدىق مەرزىمىن ەنگىزۋدى اشىق دەموكراتيالىق مەملەكەت­تىڭ دامۋىنداعى تۇبەگەيلى شارا دەپ سانايمىز. بۇل قادام ەلىمىز­دىڭ جاڭا ساياسي ءداۋىرىنىڭ التىن قازى­عىنا اينا­لادى. الەمدەگى كۇر­دەلى گەوسايا­سي جاعداي كەزىندە بەي­بىت­شىلىك پەن كەلى­سىمدى باعالاي ءبىلۋ قاجەت. ءبىز، ەل ەگە­مەن­دىگىنىڭ قور­عا­نى بول­عان وفيتسەر­لەر، تاجى­ري­بەلى، قوعامعا قىزمەت ەتۋگە دايىن ساياساتكەر قاسىم-جومارت توقاەۆ­تىڭ كان­ديداتۋ­را­سىن ساي­لاۋعا ۇسىنا­مىز»، دەدى وتس­تاۆ­­كا­داعى گەنەرال-مايور، گەنەر­ال­­دار كە­ڭەسىنىڭ توراعاسى ماحمۇت تولەعۇسوۆ.

ينفوگرافيكانى جاساعان امانگەلدى قياس، «ەQ»

ينفوگرافيكانى جاساعان امانگەلدى قياس، «ەQ»

 

  • «قازاقستان سپورتشىلارى وداعى» رەسپۋبليكالىق قوعام­دىق بىرلەستىگى بولسا «بارىس ارەنا» كەشە­نىندە سپورت قاۋىمداس­تىعى­نىڭ وكىلدەرىمەن كەزدەسىپ، جيىن بارىسىندا قاسىم-جومارت توقاەۆتى كەزەكتەن تىس پرەزي­دەنت سايلاۋىنا كانديدات رەتىندە ۇسىنۋ تۋرالى شەشىم قابىلدا­عانىن مالىمدەدى.

جيىنعا قاتىسقان لوندون وليمپياداسىنىڭ چەمپيونى سەرىك ساپيەۆتىڭ ايتۋىنشا، مەملەكەت باسشىسى بۇقارالىق جانە كاسىبي سپورتتىڭ دامۋىنا جۇيەلى تۇردە قولداۋ كورسەتىپ كەلەدى.

«ەلىمىزدى پرەزيدەنت قاسىم-جومارت توقاەۆ باستاعان جاڭا رەفور­مالار كۇتىپ تۇر. ول الەۋ­مەت­تىك ادىلدىك پەن بارشاعا تەڭ مۇمكىن­دىكتەردى باستى باعىت رەتىن­دە ۇسىنادى. بۇگىندە سپورتشى­لارى­مىز قازاقستاننىڭ اتىنان ءتۇرلى حالىقارالىق ارەنادا ونەر كورسەتىپ ءجۇر. مىقتى ەكونوميكا مەن بىرلىكتىڭ ارقاسىندا ءبىز ۇلكەن جەتىستىكتەرگە جەتتىك. ونىڭ ىشىن­دە سپورت سالاسىنىڭ جەتىس­تىك­تەرى دە بار»، دەدى وداق مۇشەسى س.ساپيەۆ.

ەلدەگى سپورتشىلار وداعى وت­كىز­گەن ءىس-شارانىڭ قورىتىن­دىسىن­­دا جيىنعا قاتىسۋشىلار ءبىر­اۋىزدان قاسىم-جومارت توقاەۆتىڭ كانديداتۋراسىن قولدادى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار