تەاتر • 05 قازان، 2022

«استانا وپەرا» ترۋپپاسى – كرەمل تورىندە

41 رەت كورسەتىلدى

«استانا وپەرا» بالەت ترۋپپاسىنىڭ قازان ايىنا جوسپارلاعان شىعارماشىلىق جوبالارى مول. سونىڭ ءبىرى 29 قازاندا رەسەيدىڭ ەڭ تانىمال ءارى بەدەلدى تەاترلىق-كونتسەرتتىك الاڭى كرەمل سارايى­نىڭ ساحناسىندا وتەدى. ماسكەۋلىك كورەرمەندەر نازا­رىنا بوريس اسافەۆتىڭ «باقشاساراي بۇرقاعى» بالەتى ۇسىنىلادى.

گاسترولدىك باعدارلاما ءۇشىن ءدال وسى سپەكتاكلدىڭ تاڭداپ الىنۋى كەزدەيسوق ەمەس. سەبەبى 2022 جىلى مۋزىكا الەمى كورنەكتى حورەوگراف روستيسلاۆ زاحاروۆتىڭ تۋعانىنا 115 جىل تولۋىن كەڭىنەن مەرەكەلەۋدە. ا.پۋشكيننىڭ «باق­شاساراي بۇرقا­عى» پوەماسىنىڭ نەگىزىندە حورەوگراف زاحاروۆ قول­تاڭباسىمەن ساحنا كور­گەن ايگىلى تۋىندى – درامالىق بالەتتىڭ ۇزدىك نۇسقالارىنىڭ ءبىرى ءارى ايتۋلى شىعارمانىڭ بەكزات ونەر تاريحىنان الار ورنى ايرىقشا.

الەم كورەرمەنى تامسانا تاما­شالاعان بالەت اۆتورىنىڭ بي ونە­رىنە، ونىڭ ىشىندە بۇرىنعى وداق­تىق رەسپۋبليكالاردىڭ ۇلت­تىق حورەو­گرافيالىق ونەرىن قا­لىپ­تاس­تىرۋعا جانە دامىتۋعا قوس­قان ۇلەسى زور. ەڭبەگى جوعارى باعا­لانعان ونەر مايتالمانى كەزىندە قازاق كسر حالىق ءارتىسى جوعارى اتاعىمەن ماراپاتتالدى. ايتۋلى اتاق روستيسلاۆ زاحاروۆقا شاكىرتى داۋرەن ابىروۆپەن بىرگە اباي اتىنداعى ماوبت ساحناسىندا قويعان «باقشاساراي بۇرقاعى»،  ن.تىلەنديەۆتىڭ «دوستىق جولىمەن» بالەتتەرىنىڭ قويىلىمى، سون­داي-اق ماسكەۋدەگى قازاق ونەرى ون كۇندىگىنىڭ قورىتىندى كونتسەرتىنە دايىندىق پەن «التىن ماساق» حورەوگرافيالىق كومپوزيتسياسى جانە تاعى دا باسقا ۇلتتىق ونەرگە سىڭىرگەن ەرەن ەڭبەگى ءۇشىن بەرىلگەن بولاتىن. 

– كرەمل سارايىنىڭ تاماشا ساحناسىندا ونەر كورسەتەتىنىمىزگە قۋانىشتىمىز. 2019 جىلى ترۋپپا مۇندا اندريس ليەپانىڭ قويى­لىمىندا ميحايل فوكيننىڭ «شەحە­رازادا» بالەتىن ورىنداعان بو­لاتىن. وسى جولعى ساپاردا ار­تىس­تەر ساحناعا دايىندىقسىز شىق­قالى وتىر، سوندىقتان ءبىزدىڭ قو­بالجىپ وتىرعانىمىز ءسوزسىز. ماس­كەۋلىك تالعامپاز جۇرتشىلىق درا­مالىق بالەت جاۋھارى – «باقشا­ساراي بۇرقاعىمەن» جاقسى تانىس، الايدا ءبىز ونى مۇلدە باسقا دا­يىندىقتا ۇسىنامىز، دەدى رە­سەي­­دىڭ حالىق ءارتىسى،«استانا وپە­­را» بالەت ترۋپپاسىنىڭ كور­­كەم­دىك جەتەكشىسى التىناي اسىل­مۇراتوۆا.

كرەمل سارايى ساحناسىندا وتەتىن بۇل تاڭعاجايىپ ونەر وقي­­­­­عا­­سىندا تالعامپاز كورەرمەن الەم­­­­­دىك بالەت جۇلدىزى التىناي اسىل­­­مۇراتوۆانىڭ  «استانا وپە­را» ارتىس­تەرىنىڭ جاڭا بۋىنىنا وتە ۇقىپ­­تاپ بەرە بىلگەن ايگىلى بالەت­تىڭ تۇپنۇسقاسىن كورۋگە تاماشا مۇم­كىندىك الىپ وتىر. كەزىندە ءوزى دە زارەما پارتياسىندا جارقى­راي كورىنىپ، سىنشىلار باعالاۋى بويىنشا سوڭعى 30 جىلداعى ۇزدىك زارەما اتانعان بالەرينانىڭ ۇمى­­تىلماس ونەر كورسەتۋى شىن مانىن­دە ەتالوندىق سانالادى جانە زاما­نىمىزدىڭ جاس بالەرينا­لارىنا ۇلگى.

التىناي اسىلمۇراتوۆا شەبەر­لىگىنەن ءتالىم الىپ، شىڭدالعان بۇل جولعى «باقشاساراي بۇرقاعىن­دا» مىڭ بۇرالا بيلەيتىن تالانت­تار انسامبلىندە دە وسالى جوق. اتاپ ايتساق، گيرەي حاننىڭ رو­لىن­دە تۇرلىحان تويعان ساحناعا شىق­­سا، نازىك ماريانىڭ پارتياسىن ءمادينا باسباەۆا ورىندايدى، قۇشتار زارەمانى اناستاسيا زاكلينسكايا تانىستىرادى. ۆاتسلاۆ – دانيار جۇماتاەۆ، نۇرالي – سەرىك ناقىسپەكوۆتىڭ ساراپتاۋىندا كورەر­مەنىمەن قاۋىشادى.

رەسەيلىك تەاترسۇيەر قاۋىم ار­تىس­­­تەردىڭ ورىنداۋشىلىق شە­بەر­­­لىگىنە عانا ەمەس، سونداي-اق كور­نەك­تى يتاليالىق ستسەنوگراف ەتسيو فريد­جەريونىڭ قۇدىرەتتى دارى­نىنا، «وسكار» سىيلىعى­نىڭ يەگەرى، كوس­تيۋمدەر بويىنشا سۋرەتشى فرانكا سكۋارچاپينونىڭ نازىك تالعامىنا، جارىق جانە پروەكتسيالار بويىنشا سۋرەتشىلەر ۆينيچو كەلي مەن سەردجيو مە­تاللي ەپتى قولدانا بىل­گەن جاڭا تەحنو­لوگيالارعا باعا بەرە الادى. پولياك كنيازى پوتوتسكي قامالى مەن حان گيرەيدىڭ باقشاسارايى­نىڭ سالتاناتى ەشكىمدى بەيجاي قال­­دىرماسى انىق. ايتۋلى كورىنىس جاي كەنەپتە سالىنعان سۋرەت نەمەسە «جۇمساق دەكوراتسيا» ەمەس، بۇل ويىپ جاسالعان تاقتايمەن اسەم­دەلگەن كادىمگى باعانالار، قا­بىر­عا­لار مەن كۇمبەزدەر. سون­دىقتان دا «باقشاساراي بۇرقا­عىنداعى» اتموس­فەرا وسى ءبىر شى­نايىلىق ءھام اسەم­دىگىمەن كورەر­مەنىن باۋرارى ءسوزسىز.

ايتا كەتۋ كەرەك، بيىل قازاق­ستان مەن رەسەي اراسىنداعى ديپلو­ما­­­تيالىق قارىم-قاتىناستار­دىڭ 30 جىل­دىعى اتاپ وتىلۋدە. «استانا وپەرانىڭ» كرەمل سارا­يى ساح­­نا­­سىنداعى بۇل گاسترو­لىن ەكى ەل­دىڭ تابىستى دامىپ كەلە جات­قان ما­دەنيەتارالىق ديالوگى دەپ باعالاۋعا ابدەن لايىق.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار