ۆەدومستۆو باسشىسىنىڭ ايتۋىنشا, پرەزيدەنت قاسىم-جومارت توقاەۆ حالىققا ارناعان جولداۋىندا مينيسترلىكتىڭ الدىنا بىرقاتار ماڭىزدى مىندەت قويعان. قازىرگى ۋاقىتتا ۆەدومستۆودا اتالعان مىندەتتەردى ىسكە اسىرۋدىڭ نەگىزگى تەتىكتەرى پىسىقتالدى.
– اتاپ ايتقاندا, قالا قۇرىلىسى كودەكسىن قابىلداۋ ءۇشىن جول كارتاسى ازىرلەنىپ, بەكىتىلدى. سونىمەن بىرگە قۇقىقتىق جانە تالدامالىق مونيتورينگ جۇرگىزۋ ءۇشىن جۇمىس توبى قۇرىلدى. ونىڭ قۇرامىنا قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى, تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى, «قازجولعزي», «اتامەكەن» ۇلتتىق كاسىپكەرلەر پالاتاسى جانە بيزنەس-قوعامداستىق وكىلدەرى كىردى, – دەدى ق.وسكەنباەۆ.
ءمينيستردىڭ ايتۋىنشا, مەملەكەتتىك قالا قۇرىلىسى كاداسترىنىڭ اقپاراتتىق جۇيەسى بازاسىندا ءاربىر ءىرى قالا بويىنشا جەر ۋچاسكەلەرىنىڭ فۋنكتسيونالدىق ينتەراكتيۆتى كارتالارىن جانە كوممۋنالدىق جەلىلەردىڭ سحەمالارىن قۇرۋ جوسپارلانىپ جاتىر. ونەركاسىپتىك ماقساتتاعى ۋچاسكەلەردىڭ كارتالارى كولىك جانە كوممۋنالدىق ينفراقۇرىلىمنىڭ وزەكتى سحەمالارىمەن تولىقتىرىلادى.
جۇيە جەرگىلىكتى اتقارۋشى ورگاندار بەرگەن مالىمەتتەردى ەسكەرە وتىرىپ, 514 مىڭ گەكتار اۋماقتان ينفراقۇرىلىمدىق دەرەكتەردىڭ 65 پايىزىن قامتيدى. بازاعا 191 باس جوسپار جانە 661 ەگجەي-تەگجەيلى جوسپارلاۋ جوباسى تسيفرلاندىرىلىپ, ەنگىزىلگەن. جەلىلەردىڭ قالعان 35 پايىزىن 2024 جىلعا دەيىن تسيفرلاندىرۋ جوسپارلانىپ وتىر.
– جولداۋدا اۆتوموبيل جولدارىنىڭ قۇرىلىسى, ونىڭ ىشىندە جەرگىلىكتى ماڭىزى بار اۆتوموبيل جولدارىن سالۋ ساپاسىنا قاتىستى ماسەلە ايتىلدى. وسىعان بايلانىستى ەڭ الدىمەن جوسپارلاۋ تيىمدىلىگى ارتتى. اتاپ ايتقاندا, اۆتوجول سالاسىنىڭ بارلىق جوباسىندا «FIDIC» حالىقارالىق ەرەجەلەرىنىڭ ەرسم شارتتارىن كەلىسىمشارتقا ەنگىزۋ ۇسىنىلادى. بۇل شارا جۇمىستاردىڭ ساپاسىن قامتاماسىز ەتىپ, ماتەريالدار قۇنىنىڭ قىمباتتاپ كەتۋ تاۋەكەلدەرىن ازايتۋعا مۇمكىندىك بەرەدى, – دەپ ناقتىلادى مينيستر.
سونداي-اق قۇرىلىس پروتسەسى مەن ساپانى باقىلاۋدىڭ بارلىق قاتىسۋشىسىنىڭ دەربەس جاۋاپكەرشىلىگى ارتىپ, تەحنيكالىق جانە اۆتورلىق قاداعالاۋ فۋنكتسيالارىن بىرىكتىرۋ بويىنشا زاڭنامالىق اكتىلەرگە تۇزەتۋلەر ازىرلەنگەن. سونىمەن بىرگە نورماتيۆتىك بازانى جەتىلدىرۋ جانە جول-قۇرىلىس ماتەريالدارى مەن جاڭا تەحنولوگيالاردىڭ ەلەكتروندىق بازاسىن ەنگىزۋ جولداردىڭ ساپاسىن باقىلاۋدىڭ بىرىڭعاي رەسپۋبليكالىق جۇيەسىن ەنگىزۋ ۇسىنىلادى. جوبالاردىڭ تەحنيكالىق جاعى ۇلتتىق ساپا ورتالىعىمەن كەلىسىلەدى. جول ينستيتۋتى جوبانى ازىرلەۋ كەزەڭىندە جاڭا تەحنولوگيالار مەن ماتەريالداردىڭ قولدانىلۋىنا ساراپتاما جۇرگىزەدى. بۇدان باسقا, اۆتوجولداردى سالۋ پروتسەسى ە-قۇرىلىس پلاتفورماسىندا تولىق اۆتوماتتاندىرىلماق.
ۆەدومستۆو باسشىسىنىڭ ايتۋىنشا, يندۋستريالىق سەكتوردىڭ ينۆەستيتسيالىق تارتىمدىلىعىن ارتتىرۋ ءۇشىن جەر قويناۋىن يگەرۋگە ينۆەستيتسيالار تارتۋدىڭ زاڭناماسى مەن راسىمدەرىن وڭايلاتۋ, ونىڭ ىشىندە بيزنەس-پروتسەستەردى رەينجينيرينگ جانە اۆتوماتتاندىرۋ جونىندەگى شارالار ۇسىنىلادى.
– وسى ايدا «Kaz-Nedra» اقپاراتتىق جۇيەسى شەڭبەرىندە قاناتقاقتى جوبادا قاتتى پايدالى قازبالاردى بارلاۋعا ليتسەنزيالار بەرۋدى ىسكە قوسۋدى جوسپارلاپ وتىرمىز. تسيفرلاندىرۋدى ەسكەرە وتىرىپ, ينۆەستورلار ءۇشىن بارلىق بيزنەس-پروتسەسس پەن نورماتيۆتىك تالاپتار قايتا قارالىپ, جەڭىلدەتىلەدى, – دەدى ق.وسكەنباەۆ.
يندۋستريالىق سەكتوردىڭ ينۆەستيتسيالىق تارتىمدىلىعىن ارتتىرۋ ءۇشىن ۆەدومستۆو سونداي-اق ارنايى ەكونوميكالىق ايماقتاردىڭ قىزمەتىن جەتىلدىرۋ, جۇمىس ىستەپ تۇرعان كاسىپورىندار تاۋارلارىنىڭ ءوندىرىسى مەن نومەنكلاتۋراسىن كەڭەيتۋ, جاڭا تاۋارلار ءوندىرىسىن ىسكە قوسۋ جونىندەگى شارالاردى جوسپارلايدى.
– ارنايى ەكونوميكالىق ايماق قىزمەتىنىڭ تيىمدىلىگىن ارتتىرۋ ءۇشىن مىناداي جاڭا شارالار ەنگىزىلەدى: بارلىق ينۆەستيتسيالىق مىندەتتەمەنى ادال ورىنداعاننان كەيىن جەڭىلدىكتەر بەرۋدىڭ سارالانعان ءتاسىلىن, ارالاس رەجىمدى جانە جەر ۋچاسكەسىن ساتىپ الۋ مۇمكىندىگىن ەنگىزۋ قاراستىرىلعان, – دەدى مينيسترلىك باسشىسى.
ايتا كەتەرلىگى, ەلدىڭ ترانزيتتىك الەۋەتىن نىعايتۋ ءۇشىن اقتاۋدا كونتەينەرلىك حاب قۇرۋ جانە ترانسكاسپي ءدالىزىن دامىتۋ سياقتى ءىرى جوبالاردى ىسكە اسىرۋ باستالدى. جوبالار 2025 جىلعا دەيىن «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى شەڭبەرىندە PSA, Abu Dhabi Ports, Adani Group, CMA CGM, Maersk سىندى الەۋەتتى ينۆەستورلارمەن بىرلەسكەن كاسىپورىن فورماتىندا ىسكە اسىرىلادى.
سونداي-اق قازىرگى تاڭدا «قازاقستان تەمىر جولى» ۇلتتىق كومپانياسىن تولىققاندى كولىك-لوگيستيكالىق كورپوراتسياعا اينالدىرۋ مودەلىن قالىپتاستىرۋ بويىنشا جۇمىس جۇرگىزىلىپ جاتىر.
– «قازاقستان تەمىر جولى» ۇلتتىق كومپانياسىنىڭ ترانسفورماتسياسىن PSA, DBShenker, CoscoShipping, DPWorld سەكىلدى الەمدىك كولىك-لوگيستيكالىق كومپانيالارمەن كووپەراتسيا, كولىك دالىزدەرىن تسيفرلاندىرۋ جانە سىرتقى تەرمينالدىق جەلىلەردى قۇرۋ سياقتى باعىتتار بويىنشا جۇزەگە اسىرۋ ۇسىنىلادى, – دەپ مالىمدەدى مينيستر.
