ايماقتار • 04 قازان، 2022

تۇركىستان قاۋىپسىز قالاعا اينالادى

117 رەت كورسەتىلدى

تۇركىستان قالاسىنىڭ پوليتسيا باسقارماسىندا 500-دەن اسا قىزمەتكەر ەڭبەك ەتەدى. ونىڭ ىشىندە 103 ۋچاسكەلىك پوليتسيا جانە 214 پاترۋلدىك ينسپەكتور قوعام تىنىشتىعىنا ۇلەس قوسىپ كەلەدى. قالادا قىلمىستىڭ ازايۋىنا سوڭعى جىلدارى جۇزەگە اسىرىلىپ كەلە جاتقان «تۇركىستان – قاۋىپسىز قالا» باعدارلاماسى دا ءوز سەپتىگىن تيگىزۋدە. سونداي-اق بۇگىندە ءتارتىپ ساقشىلارى ءوز قىزمەتىندە كيەلى قالانى قاۋىپسىز ءارى ىشىمدىكسىز، رۋحاني قالا ەتۋ باعىتىنا باسىمدىق بەرۋدە.

بۇل جونىندە تۇركىستانداعى «كونگرەسس حولل» كوپسالالى كە­شەنىندە «تۇركىستان – رۋحاني قا­ۋىپسىز قالا» تاقىرىبىندا وتكەن فورۋمدا ايتىلدى. اتالعان فو­رۋم وبلىستىق پوليتسيا دەپار­تامەنتىنىڭ باسشىسى، پوليتسيا گەنەرال-مايورى مۇرات قاب­دەنوۆتىڭ باستاماسىمەن، قو­عامدىق دامۋ باسقارماسىنىڭ قول­داۋىمەن ۇيىمداستىرىلىپ وتىر. تۇركىستان قالالىق پولي­تسيا باسقارماسىنىڭ باسشىسى باۋىرجان جاناەۆتىڭ مالىم­دەۋىنشە، جىل باسىنان بەرى وت­باسىنداعى جانجال بويىنشا 580 شاقىرتۋ تۇسسە، ونىڭ 360-ى ىشىمدىك ءىشىپ الىپ، شاڭىراعىندا شۋ شىعارعان. ماس بولىپ، جانجال شىعارعاندارعا قاتىستى 11 قىلمىستىق ءىس تىركەلسە، 153 دەرەك كولىك تىزگىندەۋگە بايلانىس­تى. دەمەك قىلمىستاردىڭ كوپ تىركەلۋىنە ىشىمدىك ەداۋىر اسەر ەتۋدە. بۇل ورايدا قالانىڭ رۋحاني بولمىسى مەن تۇرعىنداردىڭ تۇلعالىق ەرەكشەلىگىن ايشىقتاۋ ماقساتىندا «ىشىمدىكسىز قالا» مارتەبەسىنە جەتۋ پوليتسيا قىز­مەتكەرلەرى ءۇشىن دە ماڭىزدى ءىس. سونداي-اق باسقارما باس­شى­سى «كەرۋەن ساراي» ساۋدا ءارى ويىن-ساۋىق كەشەنىنىڭ باس­شى­لى­عى جانە «بىرلىك» شاعىن اۋدا­نىنداعى كافە يەلەرىمەن قا­ۋىپ­سىزدىكتى ساقتاۋ بويىنشا بىر­لەسە جۇمىس ىستەۋ جو­نىن­­­دە كەلىسىم جاسالعانىن ايتىپ ءوتتى. سەرۆيستىك پوليتسيا مو­­­دە­لىن قالىپتاستىرۋ ماق­سا­تىندا «قاۋىپسىز قالا»، «قا­ۋىپ­­سىز جول» ءىس-شارالارىن تۇ­راق­تى تۇردە وتكىزىپ، رەيدتەر ۇيىمداستىرىلعان. بۇل جۇ­مىستار ءوز جەمىسىن بەرۋدە. «تۇر­كىستان شاھارىندا تۇرعىندار­مەن اشىق ءارى تىعىز بايلا­نىس ورناتۋ، «سەرۆيستىك پوليتسيا» تۇجىرىمداماسىن جۇزەگە اسىرۋ باعىتىندا جۇيەلى جۇمىس اتقارىلۋدا. وبلىستىق پولي­تسيا دەپارتامەنتى باسشىلىعى­نىڭ تاپسىرماسىنا سايكەس، تۇر­عىنداردىڭ قاۋىپسىزدىگى مەن قۇ­قىقتارىن قورعاۋ جۇمىستا­رى كۇشەيتىلە ءتۇستى. قوعامدىق ءتار­تىپتى ساقتاۋ، تۇراقتىلىقتى تۋ ەتۋ باستى ورىنعا شىقتى. شا­ھاردا «ازاماتتارعا ار­نال­عان قابىلداۋ» فرونت-كەڭ­سەسى جۇمىس ىستەپ تۇر. جاڭا ورتا­لىقتىڭ اشىلۋى ارقىلى پوليتسيا قىزمەتكەرلەرى حالىقپەن تىعىز قارىم-قاتىناس ورناتۋدى كوزدەيدى. كەڭەس بەرىپ، جاڭا فورماتتا جۇمىس ىستەۋدە. سونىڭ ءبىرى – ارىز-شاعىمداردى بەينەجازۋ ارقىلى قابىلداۋ. ارنايى تەحنيكامەن جاراقتالعان بولمە بار، سول جەردە شاعىمدانۋشى­نىڭ ءسوزىن، ايعاق زاتتارىن تاسپاعا باسىپ الۋعا بولادى. بۇل ءوز كە­­زە­گىندە ءىس قاعازدارىنىڭ بۇر­مالانباۋىنا اسەر ەتەتىن بىر­­دەن-ءبىر فاكتور»، دەدى با­ۋىر­جان جاناەۆ. سونداي-اق پو­لي­تسيا باسقارماسىنىڭ باس­شى­سى تۇرعىنداردى قو­عام تىنىش­تى­عىن بىرلەسە قام­تا­ماسىز ەتۋگە شاقىردى.

ايتا كەتەلىك، اتالعان فو­رۋمعا سپورتشى، ەرەجەسىز جەكپە-جەكتەن الەمنىڭ ءۇش دۇركىن چەمپيونى ارداق نازاروۆ، مەدياساراپشى، جۋرناليست وركەن كەنجەبەك، ساراپشى، جۋرناليست ءنۇردىلدا وراز، كاسىپكەر، مەملەكەتتىك «دارىن» جاستار سىيلىعىنىڭ لاۋرەاتى ولجاس سۇلەيمەنوۆ، ءانشى، سپورتشى ەسكەندىر يبراگيم ارنايى سپيكەر رەتىندە قاتىستى. ولار رۋحاني استانا اتانىپ كەلە جات­قان وبلىس ورتالىعىن قاۋىپسىز قالا ەتۋ توڭىرەگىندە وزدەرىنىڭ پىكىرلەرىن جەتكىزىپ، كوپشىلىكپەن پىكىر الماستى.

 

تۇركىستان

سوڭعى جاڭالىقتار

پرەزيدەنت جامبىل وبلىسىنا باردى

قازاقستان • بۇگىن، 11:43

جەر داۋى زاڭمەن شەشىلەدى

ايماقتار • بۇگىن، 08:55

نامىس قۇربانى

تاريح • بۇگىن، 08:50

ۇقساس جاڭالىقتار