سال اۋرۋىنا شالدىققان بالالاردى ساۋىقتىرۋعا ارنالعان وڭالتۋ ورتالىعى اشىلدى

استانادا «قاسيەتتى جول» قوعامدىق قورى «سامۇرىق-قازىنا» ۇلتتىق ءال-اۋقات قورىنىڭ قولداۋىمەن «دەنى ساۋ بالا – ۇلت بولاشاعى» جوباسى اياسىندا سال اۋرۋىنا شالدىققان بالالاردى ساۋىقتىرۋعا ارنالعان وڭالتۋ ورتالىعىنىڭ تۇساۋىن كەستى. بۇگىندە قازاقستان بويىنشا سال اۋرۋىمەن اۋراتىن 10 مىڭنان استام بالا تىركەلگەن. الەۋمەتتىك ماڭىزى زور جوبانى جۇزەگە اسىرۋعا «نۇر وتان» پارتياسى دا قولعابىس تيگىزۋدە. وڭالتۋ ورتالىعىن «سامۇ­رىق-قازىنا» ۇلتتىق ءال-اۋقات قورىنىڭ جۇرتشىلىقپەن بايلانىس جونىندەگى دەپارتامەنت ديرەكتورى ايدار ماحمەتوۆ سالتاناتتى تۇردە اشتى. ورتالىق قوناقتارىنا ەمدەۋدەن ءوتىپ جاتقان بالالار شاعىن كونتسەرت كورسەتتى. ورتالىق جۇمىسىمەن «قاسيەتتى جول» قايىرىمدىلىق قورىنىڭ پرەزيدەنتى گۇلميرا عاليموۆا تانىستىردى. «سامۇرىق-قازىنا» ۇلتتىق ءال-اۋقات قورىنىڭ قولداۋى ارقا­سىندا بيىل «قاسيەتتى جول» قوعامدىق قايىرىمدىلىق قورى­نىڭ وڭالتۋ ورتالىعى استانا جانە ءار الۋان ايماقتار­دان كەلگەن, سال اۋرۋىنا شالدىققان 250-دەن استام سىرقات بالانى قابىلدايدى. ورتالىقتا قىزمەت ەتۋ ءۇشىن وسى سالادا ۇلكەن تاجىريبەسى بار ءوڭىردىڭ ۇزدىك دارىگەرلەرى مەن ۇستازدارى تارتىلعان. مۇندا بالا­لار تولىق مەديتسينالىق تەكسە­رۋدەن ءوتىپ, وڭالتۋ بويىن­شا تەگىن كومەك الادى. 2014 جىلدىڭ اياعىنا دەيىن ارقايسىسى 21 كۇننەن تۇراتىن 10 وڭالتۋ كۋرسىن وتكىزۋ جوسپارلانعان. «قاسيەتتى جول» قوعامدىق قورى جۇمىسىنىڭ نەگىزگى باعىتى – قايىرىمدىلىق. قور ءوز الدى­نا جەتىم, سىرقات بالالارعا, از قام­سىزداندىرىلعان وتباسى مۇشە­لەرىنە, قارتتارعا قولۇشىن بەرۋ­دى مىندەت ەتىپ قويعان. بۇل رەتتە, مەكە­مەلەر مەن كومەككە ءزا­رۋ جاندارعا ماتەريالدىق قول­داۋ كورسەتۋ, ءارى مەتسەناتتىق پەن في­لان­­تروپيانى دامىتۋ باس­تى نازاردا. «ەگەمەن-اقپارات».