الەم • 03 قازان، 2022

كابۋلداعى جارىلىستا قازا تاپقاندار سانى ارتتى

36 رەت كورسەتىلدى

جۇما كۇنى كابۋلدىڭ باتىسىنداعى ءبىلىم بەرۋ ورتالىعىندا بولعان جارىلىستان زارداپ شەككەندەردىڭ سانى 43-كە جەتتى، تاعى 83 ادام جاراقات الدى. بۇل تۋرالى دۇيسەنبىدە بۇۇ-نىڭ اۋعانستانعا جاردەمدەسۋ جونىندەگى ميسسياسى حابارلادى، دەپ جازادى Egemen.kz تاسس-قا سىلتەمە جاساپ.

«جارىلىستان قىزدار مەن جاس ايەلدەر كوپ زارداپ شەككەنى حابارلاندى. قۇربانداردىڭ سانى ودان دا ارتۋى مۇمكىن. كابۋلداعى بۇۇ-نىڭ ادام قۇقىقتارى جونىندەگى كوماندالارى تەكسەرۋ پروتسەسىن جالعاستىرۋدا»، دەلىنگەن ميسسيانىڭ Twitter پاراقشاسىندا.

بۇعان دەيىن بۇۇ 35 ادام قازا تاۋىپ، 82 ادام جارىلىستان زارداپ شەككەنىن حابارلانعان ەدى.

30 قىركۇيەكتە Ariana News تەلەارناسى قالانىڭ باتىسىنداعى داشت-ە بارچي اۋدانىنداعى «كادج» ءبىلىم بەرۋ ورتالىعىندا جارىلىس بولعانىن حابارلادى. ءىىم-ءنىڭ تاليبان ۇكىمەتىندەگى وكىلى ابدۋل نافي تاحورا جارىلىس تۋرالى اقپاراتتى راستادى.

سوڭعى ايلاردا اۋعانستاننىڭ كەيبىر پروۆينتسيالارىندا، سونىڭ ىشىندە استانالىق ايماقتا بىرقاتار جارىلىستار، قارۋلى شابۋىلدار مەن اتىستار ورىن الدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار