ANTIKOR • 03 قازان، 2022

ANTIKOR قىزمەتكەرىنە قاۋىپ توندىرگەن پوليتسيا مايورى قاماۋعا الىندى

63 رەت كورسەتىلدى

الەۋمەتتىك جەلىلەردە ازاماتتىق كيىم كيگەن ادام سىبايلاس جەمقورلىققا قارسى قىزمەت قىزمەتكەرىنە شابۋىل جاساعانى تۋرالى ۆيدەو تارادى، دەپ حابارلايدى Egemen.kz.

ANTIKOR ءباسپاسوز قىزمەتى اتالعان فاكت بويىنشا حابارلاما جاريالادى.

«الماتى وبلىسى بويىنشا سىبايلاس جەمقورلىققا قارسى قىزمەت قاراساي اۋدانى پوليتسيا باسقارماسىنىڭ لاۋازىمدى تۇلعالارىنا قاتىستى قىلمىستىق جاۋاپتىلىقتان الشاقتاتقانى ءۇشىن 500 مىڭ تەڭگە سوماسىندا اقشالاي قاراجات الۋ (پارا) فاكتىسى بويىنشا سوتقا دەيىنگى تەرگەۋ جۇرگىزۋدە. سىبايلاس جەمقورلىققا قارسى قىزمەت قىزمەتكەرلەرى ءتىنتۋ جۇرگىزگەن كەزدە پوليتسيا مايورى زاڭدى تالاپتارعا باعىنباي، اتىس قارۋىن قولدانامىن دەپ قورقىتقان»، دەلىنگەن حابارلامادا.

اتالعان فاكت بويىنشا وسى جىلدىڭ 22 قىركۇيەگىندە قىلمىستىق كودەكستىڭ 380-بابى (بيلىك وكىلىنە قاتىستى قاۋىپ) بويىنشا قىلمىستىق ءىس تىركەلدى.

29 قىركۇيەكتە كۇدىكتى سوتتىڭ سانكتسياسىمەن قاماۋعا الىندى.

قازىرگى ۋاقىتتا تەرگەۋ جۇمىستارى جۇرگىزىلۋدە.

«وزگە اقپارات تەرگەۋ مۇددەسىنە وراي جاريا ەتۋگە جاتپايدى»، دەلىنگەن حابارلامادا.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار