ايماقتار • 02 قازان، 2022

الامان بايگە قازاق جىلقىسىنىڭ توزىمدىلىگىن مەن جۇيرىكتىگىن دالەلدەدى

82 رەت كورسەتىلدى

« ۇلى دالا جورىعى» مارافون-بايگەسى مارەگە جەتتى. تۇركىستان جۇرت­شىلىعى 1200 شاقىرىمدى 11 كۇندە باعىندىرعان باتىرلاردى ۇلكەن قوشەمەتپەن قارسى الدى. بايگەنىڭ جەڭىمپازى اتانعان ماڭعىستاۋدىڭ «كوكمويناق» كومانداسىنا 24 ملن تەڭگەنىڭ سەرتيفيكاتى تاپسىرىلدى. ەكىنشى ورىن يەسى اتانعان جەتىسۋ ءوڭىرىنىڭ «جەتىسۋ» كومانداسىنا 12 ملن تەڭگە جۇلدە تارتۋ ەتىلcە، مارەگە ءۇشىنشى بولىپ جەتكەن تۇركىستان وبلىسىنىڭ «تەرىسكەي» كومانداسىنىڭ شاباندوزدارى 9 ملن تەڭگە سىياقىنى قانجىعالارىنا بايلادى.

مەملەكەت باسشىسى قاسىم-جومارت توقاەۆ جۋىردا تۇركىستان جۇرت­شى­لىعىمەن كەزدەسۋى كەزىندە « ۇلى دالا جورىعى» مارافون-بايگەسىنىڭ ءمان-ما­ڭىزىنا توقتالعان بولاتىن. «جاقىندا استانادان باستاۋ العان « ۇلى دالا جو­رىعى» ساناۋلى كۇننەن سوڭ تۇر­كىس­تاندا ءوز مارەسىنە جەتەدى. مۇنىڭ زور سيمۆولدىق ءمانى بار. وسى وڭىردە حال­قىمىزدىڭ سالت-ءداستۇرى، ادەت-عۇرپى ساق­تالعان. ءبىر سوزبەن ايتقاندا، تۇركىستان – حالقىمىزدىڭ قايماعى بۇزىلماعان قاسيەتتى مەكەنى»، دەدى پرەزيدەنت. قازاق حالقىنىڭ سالت-ءداستۇرىن جاڭعىرتاتىن، رۋحىن وياتاتىن، ەلىمىزدىڭ باي تابيعاتى مەن تاريحىن زەردەلەيتىن، جاڭا تۋريس­تىك باعىتتاردى قالىپتاستىراتىن تىڭ جوبا – ەلىمىزدىڭ 6 ايماعىن (استانا، اقمولا، قاراعاندى، ۇلىتاۋ، قىزىلوردا، تۇركىستان وبلىستارى) قامتىعان تۇڭعىش جالپىرەسپۋبليكالىق ات الامانى. بايگەگە قاتىسقان شاباندوزدار ۇلى دالانى 11 كۇن بويى كوكتەي ءوتىپ، قازاق تايپالارىنىڭ باسىن قوسىپ، تاڭباسىن بولىسكەن ۇلىتاۋ جەرىنەن ءوتتى. جوشى حان مەن الاشا حان كەسەنەلەرىنە تاعزىم ەتتى. قازاق حاندىعىنىڭ العاشقى استاناسى سوزاق قالاسى مەن قارت قاراتاۋدى بويلاي وتىرىپ، تۇركى رۋحانياتىنىڭ بەسىگى تۇر­كىستان قالاسىنا جەتتى. جەڭىمپازداردى ­مادە­نيەت جانە سپورت ءمينيسترى داۋرەن اباەۆ، Amanat پارتياسىنىڭ اتقارۋ­شى حاتشىسى اسحات ورالوۆ، تۇركىستان وبلىسىنىڭ اكىمى دارحان ساتىبال­دى، ۇلتتىق سپورت قاۋىمداستىعىنىڭ اتقا­رۋشى ديرەكتورى بولات ماحانالين، Sportqory ديرەكتورى اسحات سەيسەمبەكوۆ قۇتتىقتاپ، سەرتيفيكات پەن مەدالداردى تارتۋ ەتتى.

«تۇركىستان ارەنا» ستاديونىندا وتكەن بايگەنىڭ جابىلۋ سالتاناتىندا مينيستر داۋرەن اباەۆ جوبانىڭ ومىرشەڭ بولارىنا سەنىم ءبىلدىرىپ، شاباندوزداردىڭ ەرلىگىن جوعارى باعالادى. ال تۇركىستان وبلىسىنىڭ اكىمى دارحان ساتىبالدى ەلىمىزدە تۇڭعىش رەت ۇيىمداستىرىلعان مارافون-بايگەنىڭ قاسيەتتى تۇركىستاندا مارەسىنە جەتۋى ءوڭىر ءۇشىن ۇلكەن مارتەبە ەكەنىن اتاپ ءوتتى. «جالپى، سوڭعى ۋاقىتتا تۇركىستان قالاسى جاڭا قارقىنمەن دامىپ، جاڭا سپورتتىق نىساندار كوپتەپ بوي كوتەرۋدە. وسى ارقىلى وڭىردە سپورتشى جاستار، چەمپيوندار كوبەيەدى دەگەن سەنىم مول. ۇلتتىق قۇندىلىقتارىمىزدى دارىپتەپ، قازاقتى ات سپورتىنا جەتەلەيتىن وسىنداي جوبالار جالعاسىن تابا بەرسىن. ازاماتتارىمىز اتتان تۇسپەسىن! حالقىمىزدىڭ مارتەبەسى بيىكتەي بەرسىن!»، دەدى د.ساتىبالدى.

« ۇلى دالا جورىعى» مارافون-بايگەسىن ۇيىمداستىرۋشىلارىنىڭ ءبىرى ارمان ابدوللاەۆتىڭ ايتۋىنشا، بايگەدە قازاق جىلقىلارىنىڭ مارتەبەسى اسقاقتاي تۇسكەن. «بيىل تۇڭعىش رەت ءوتىپ وتىرعان بۇل بايگەنىڭ بالاماسى الەمدە جوق دەۋگە بولادى. جارىستى ۇيىمداستىرۋ بارىسىندا ءبىز جان-جاقتى زەرتتەپ كوردىك. 1200 شاقىرىمدى ءارى بىرنەشە ءوڭىردى قامتيتىن كوشپەلى بايگە الەمدە جوق. تاعى ءبىر ايتا كەتەرلىگى، وسى بايگەنى قاداعالاپ، زەرتتەپ جۇرگەن ماماندار قازاق تۇلپارلارى­نىڭ شىدامدىلىعىنا تاڭعالىپ وتىر. ء­بىز­دىڭ ماقسات تا – ۇلتتىق سپورتتى ۇلىق­تاۋ، قازاقتى ات سپورتىنا قىزىقتىرۋ ءارى ۇلى دالامىزدىڭ تۇلپارلارىن دارىپ­تەۋ. بىرنەشە وبلىستى باسىپ ءوتىپ، ۇلكەن قيىندىقتاردى جەڭە بىلگەن ءاربىر شاباندوز قۇرمەتكە لايىق. تۇركىستان وبلىسى تۇرعىندارىنا العىسىمىز مول. وسى مارافوندا ەڭ كوپ جانكۇيەر تۇركىستان وبلىسىندا جينالدى. بۇل – وڭىردە ۇلتتىق سپورت جاناشىرلارىنىڭ كوپتىگىنىڭ بەلگىسى»، دەيدى. ا.ابدوللاەۆ. ال شاباندوزدار قازاقى جىلقىنى سىنايتىن ءدال وسىنداي جارىستى كوپتەن كۇتكەندەرىن ايتادى. مۇنداي الامان دوداعا جىلقىنى ءبىر جىل باپتاۋ كەرەكتىگىن، كەلەسى جىلعا دايىندالاتىندارىن ايتۋشىلار دا بار. ياعني شاباندوزدار بۇل دودانىڭ اۋقىمى كەڭەيىپ، ءداستۇرلى تۇردە وتكىزىلەتىنىنەن ءۇمىتتى. ءوز ايماعىنداعى جىلقى تۇقىمىن دارىپتەپ جۇرگەن اتبەگىلەردىڭ ايتۋىنشا، مارافون-بايگەنىڭ ماقساتى – قازاق جىلقىسىنىڭ قاسيەتىن الەمگە تانىتۋ بولۋعا ءتيىس.

ايتا كەتەلىك، مادەنيەت جانە سپورت مينيسترلىگى جانە The Great Steppe tour قوعامدىق قورىنىڭ باستاماسىمەن، Amanat پارتياسىنىڭ قولداۋىمەن 18 قىركۇيەك كۇنى استانا قالاسىندا « ۇلى دالا جورىعى» مارافون-بايگەسى باستالعان بولاتىن. العاش رەت ۇيىمداستىرىلعان الامانعا ەلىمىزدىڭ 19 ايماعىنان 19 كوماندا، 200-گە جۋىق سايگ ۇلىك قاتىسۋعا نيەت بىلدىرگەن. ءار كوماندا مارافون-بايگەگە بەس اتتان قوسىپ، 600 شاقىرىم­نان كەيىن اتتاردى اۋىستىرىپ وتىردى. ولار كۇنىنە 100 شاقىرىمدى باعىندىر­دى. سايىستىڭ سوڭعى كۇنى 4 كوماندا – تۇركىستان، ماڭعىستاۋ، جەتىسۋ جانە جامبىل وبلىستارىنىڭ شاباندوزدارى عانا جارىس جولىن جالعاستىرىپ، تۇركىستانعا جەتتى.

 

تۇركىستان

سوڭعى جاڭالىقتار

كونستيتۋتسيالىق مارتەبە بەرىلدى

قازاقستان • بۇگىن، 01:05

بلوگەر جۋرناليست ەمەس!

قوعام • بۇگىن، 00:52

سوت جۇيەسىن جەتىلدىرۋ

ساياسات • بۇگىن، 00:06

ماقتاشىلاردىڭ مۇڭى

ەكونوميكا • كەشە

ۋاقىت تالابى

قوعام • كەشە

كۇرەسكەر گەينە

ادەبيەت • كەشە

اجالدى جەڭگەن اسپان

ادەبيەت • كەشە

اعاش كوشەتى ەگىلدى

ايماقتار • كەشە

ۇقساس جاڭالىقتار