قوعام • 01 قازان، 2022

قاراعاندى ​​وبلىسىنىڭ بىرقاتار اۋدانىندا پروكۋرورلار تاعايىندالدى

132 رەت كورسەتىلدى

قاراعاندى ​​وبلىسىنىڭ قالالارى مەن اۋداندارىندا قر باس پروكۋرورىنىڭ بۇيرىعىمەن پروكۋرورلار تاعايىندالدى، دەپ حابارلايدى Egemen.kz.

قاراعاندى ​​وبلىسىنىڭ پروكۋراتۋراسى حابارلانعانداي، كادرلىق وزگەرىستەر ساران قالاسى، بۇقار جىراۋ جانە نۇرا اۋداندارى مەن قاراعاندى ​​وبلىسىنىڭ مەكەمەلەرىندەگى قىلمىستىق جازالاردىڭ ورىندالۋ زاڭدىلىعىن قاداعالاۋ جونىندەگى مامانداندىرىلعان پروكۋراتۋراسىندا بولدى.

ساران قالاسىنىڭ پروكۋرورى ادىلەت كەڭەسشىسى ناكيشەۆ جانقوزى ولجاباي ۇلى بولدى. ەڭبەك جولىن 2001 جىلى جەزقازعان قالاسى پروكۋرورىنىڭ كومەكشىسى مىندەتىن اتقارۋشى بولىپ باستاعان.

جەزقازعان قالاسى پروكۋرورىنىڭ اعا كومەكشىسى، بالقاش قالاسى پروكۋرورىنىڭ ورىنباسارى، تەمىرتاۋ قالاسى پروكۋرورىنىڭ ورىنباسارى، ساتباەۆ قالاسىنىڭ پروكۋرورى قىزمەتتەرىن اتقارعان.

2017 جىلدان بەرى بۇقار جىراۋ اۋدانىنىڭ پروكۋرورى. پروكۋراتۋرا ورگاندارىندا 20 جىلدان استام ەڭبەك ءوتىلى.

بۇقار جىراۋ اۋدانىنىڭ پروكۋرورى بولىپ اعا ادىلەت كەڭەسشىسى كەرۆەنوۆ ناريمان بەك ۇلى تاعايىندالدى.

ەڭبەك جولىن 1996 جىلى قر مەملەكەتتىك تەرگەۋ كوميتەتىنىڭ قاراعاندى ​​قالاسى وكتيابر اۋدانى بويىنشا بولىمىندە تەرگەۋشى بولىپ باستادى.

قاراجال قالاسىنىڭ پروكۋرورى، وبلىس پروكۋراتۋراسى باسقارماسىنىڭ ءبولىم باستىعى قىزمەتتەرىن اتقارعان.

2018 جىلدان باستاپ قاراعاندى ​​وبلىسىنىڭ مەكەمەلەرىندە قىلمىستىق جازالاردىڭ ورىندالۋ زاڭدىلىعىن قاداعالاۋ جونىندەگى مامانداندىرىلعان پروكۋرور قىزمەتىن اتقاردى. پروكۋراتۋرا ورگاندارىندا 25 جىلدان استام ەڭبەك ەتتى.

نۇرا اۋدانىنىڭ پروكۋرورى بولىپ اعا ادىلەت كەڭەسشىسى قالياكپاروۆ مارعۇلان كليم ۇلى تاعايىندالدى.

ەڭبەك جولىن 1999 جىلى قاراعاندى ​​وبلىسى بۇقار جىراۋ اۋداندىق ىشكى ىستەر ءبولىمى انىقتاۋ ءبولىمىنىڭ مىندەتىن اتقارۋشى بولىپ باستاعان.

بۇقار جىراۋ وبلىسى پروكۋرورىنىڭ مىندەتىن اتقارۋشى بولىپ قىزمەت اتقارعان. 2017 جىلدان باستاپ ساران قالاسىنىڭ پروكۋرورى. پروكۋراتۋرا ورگاندارىندا 25 جىلدان استام ەڭبەك ءوتىلى بار.

قاراعاندى ​​وبلىسىنىڭ مەكەمەلەرىندە قىلمىستىق جازالاردىڭ ورىندالۋ زاڭدىلىعىن قاداعالاۋ جونىندەگى مامانداندىرىلعان پروكۋراتۋراعا ادىلەت كەڭەسشىسى ساتتىباەۆ داۋلەت قايىر ۇلى تاعايىندالدى.

ەڭبەك جولىن 2007 جىلى پاۆلودار وبلىسى ىشكى ىستەر دەپارتامەنتى قالالىق ءبولىمىنىڭ تەرگەۋشىسى بولىپ باستادى. وبلىس پروكۋراتۋراسىنىڭ تۇزەۋ مەكەمەلەرىندەگى زاڭدىلىقتى قاداعالاۋ بويىنشا پاۆلودار مامانداندىرىلعان پروكۋرورىنىڭ كومەكشىسى مىندەتىن اتقارۋشى، پاۆلودار قالاسى پروكۋرورىنىڭ اعا كومەكشىسى بولىپ قىزمەت اتقاردى.

2017 جىلدان باستاپ نۇرا اۋدانىنىڭ پروكۋرورى بولعان. پروكۋراتۋرا ورگاندارىندا 15 جىلدان استام ەڭبەك ءوتىلى بار.

 

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار