تەننيس • 30 قىركۇيەك، 2022

بەيبىت جۋكاەۆ ەكى مارتە ەل چەمپيونى اتاندى

108 رەت كورسەتىلدى

«داۋلەت» تەننيس ورتالىعىندا وتكەن ەرلەر مەن ايەلدەر اراسىنداعى قازاقستان چەمپيوناتى مارەسىنە جەتتى، دەپ حابارلايدى Egemen.kz قتف-عا سىلتەمە جاساپ.

ەرلەر اراسىندا فينالدا قىسقى چەمپيوناتتاعىداي، بەيبىت جۋكاەۆ پەن دەنيس ەۆسەەۆ ءوزارا كەزدەستى. بەيبىت 7:6 (7:4)، 6:4 ەسەبىمەن جەڭىسكە جەتىپ، ەكىنشى رەت قازاقستان چەمپيونى اتاندى.

اقتاۋ تەننيس مەكتەبىنىڭ تۇلەگى قازاقستان تەننيس فەدەراتسياسىنىڭ پرەزيدەنتى بولات وتەمۇراتوۆتىڭ شەشىمىمەن Astana Open ATP 500 تۋرنيرىندە جەكەلەي سىندا ونەر كورسەتۋگە جولداما الدى. بۇل جۋكاەۆتىڭ ەڭ العاشقى ءىرى جارىسى بولماق. سونداي-اق، ول جۇپتىق سىندا الەكساندر بۋبليكپەن بىرگە باق سىنايدى. دەنيس ەۆسەەۆ پەن گريگوري لوماكين دە جۇپتىق سىندا باسەكەگە تۇسەدى.

دوستانبەك تاشبولاتوۆتى 6:4، 6:4 ەسەبىمەن جەڭگەن قاراعاندىلىق ارىسلانبەك ايتقۇلوۆ العاش رەت قولا جۇلدەگە يە بولدى. ايەلدەر اراسىندا گوزال اينيتدينوۆا قازاقستاننىڭ الدەنەشە دۇركىن جەڭىمپازى جىبەك قۇلامباەۆانى 6:2، 6:1 ەسەبىمەن تىزە بۇكتىرىپ، التىننان القا تاقتى.

جانەل رۇستەموۆانى 7:5، 6:4 ەسەبىمەن سۇرىندىرگەن ماريا سينيتسىنا ۇزدىك ۇشتىككە ىلىكتى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار