پرەزيدەنت • 30 قىركۇيەك، 2022

پرەزيدەنت: مۇحتار اۋەزوۆ پەن قايىم مۇحامەدحانوۆتى بولە-جارىپ قاراۋ مۇمكىن ەمەس

118 رەت كورسەتىلدى

مەملەكەت باسشىسى سەمەيدەگى مۇحتار اۋەزوۆ پەن قايىم مۇحامەدحانوۆقا ارنالعان ەسكەرتكىشتىڭ اشىلۋ راسىمىنە قاتىستى، دەپ حابارلايدى Egemen.kz.

«بۇل – ۇستاز بەن شاكىرت، اعا مەن ءىنى اراسىنداعى رۋحاني بىرلىكتىڭ سيمۆولى. شىن مانىندە، قوس الىپتى بولە-جارىپ قاراۋ مۇمكىن ەمەس. ولار اباي مۇراسىن زەرتتەپ، دارىپتەۋگە ولشەۋسىز ەڭبەك ءسىڭىردى. ءتول ادەبيەتىمىزدى جاڭا بەلەسكە كوتەردى. مۇحتار اۋەزوۆ ابايدى، اباي ارقىلى قازاقتى بۇكىل الەمگە تانىتتى. ۇلى ويشىلدىڭ كوركەم بەينەسىن سومداپ، ونىڭ اسىل مۇراسىن ادامزاتتىڭ ورتاق قازىناسىنا قوستى. جازۋشىنىڭ ءار تۋىندىسى جۇرتىمىزدىڭ جۇرەگىنەن وشپەس ورىن الدى. مۇحتار اۋەزوۆ – الەم ادەبيەتىنىڭ شىڭىنا كوتەرىلگەن قالامگەر. ال قايىم مۇحامەدحانوۆ – ۇلى جازۋشىنىڭ جاقىن سەرىگى ءارى شاكىرتى. ول بۇكىل عۇمىرىن ابايتانۋ، شاكارىمتانۋ جانە الاشتانۋ عىلىمىنا ارنادى. قۋعىن-سۇرگىنگە ۇشىراسا دا، تاعدىردىڭ سىناعىنا قارسى تۇرىپ، ەلىنە ادال قىزمەت ەتتى»، دەدى قاسىم-جومارت توقاەۆ جۇرتشىلىق الدىندا.

ەسكە سالا كەتەيىك، بۇگىن مەملەكەت باسشىسى جۇمىس ساپارىمەن اباي وبلىسىنا باردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار