وتىز جىلدان استام ۋاقىت الەۋمەتتىك سالانىڭ تۇراقتى دامۋ ستراتەگياسىن جۇزەگە اسىرىپ كەلە جاتقان Anadolu Efes Group الەمدىك مادەنيەت پەن ونەردىڭ دە جاناشىرى. ول ءاردايىم قولداۋدان, شابىت بەرۋدەن, جاڭا مۇمكىندىكتەر ىزدەۋ جولىنان جاڭىلعان ەمەس, سەبەبى مادەنيەتتى قولداۋ نەگىزىندە قوعامدى اعارتۋ مىندەتىن دە ارقالاپ, ونىڭ الەۋمەتتىك سالاعا اسەرىن ارتتىرۋعا تىرىسىپ كەلەدى. سول سەبەپتى Art & creative Solutions قوعامدىق قورىمەن بىرلەسە وتىرىپ, كەسكىندەمە مادەنيەتىن قولدايتىن جانە بارلىق تىلەك بىلدىرۋشىلەر ءۇشىن مۇلدە جاڭا ارت-ەكسپيريەنس ۇسىناتىن جوبانى ۇيىمداستىرۋدى قولعا الدى.
جاعىمدى جاڭالىقتان ەرتەرەك قۇلاعدار بولىپ, الماتى قالاسىنىڭ ورتالىعىندا جەكە كورمەسىن وتكىزگىسى كەلگەن سۋرەتشىلەر مەن تالانتتى ونەر قايراتكەرلەرى ءبىر اي بويى ءوز وتىنىمدەرىن جىبەرىپ, قاتىسۋعا نيەت ءبىلدىردى. مۇقيات ىرىكتەۋدەن كەيىن كاسىبي قازىلار القاسى الەۋمەتتىك, تەحنيكالىق, تۇجىرىمدامالىق جانە ەستەتيكالىق تالاپ نەگىزىندە ءتورت جوبانى تاڭداپ الدى.
جاڭا اشىلعان ارت-گالەرەيادا زاماناۋي سۋرەتشى ستانيسلاۆ اگاپيتوۆ, Hvoya ارت-قوعامداستىعىنىڭ وكىلدەرى ەكاتەرينا دميتريەۆا مەن الەكساندرا شامسۋتدينوۆا, ونەر قايراتكەرى دياس-ءالي قاسىموۆ جانە مۇمكىندىگى شەكتەۋلى جاندار ۇيىمدارىنىڭ وكىلدەرى, پسيحولوگ, سۋرەتشى ەلەنا سەرەجەچكينا مەن «دەيستۆيە بۋكۆالنو» تەاترىنىڭ سۋرەتشىسى ءارى اكتريساسى رەناتا ماشەكەنوۆا ءوز تۋىندىلارىمەن تانىستىرۋدىڭ مۇمكىندىگىن تاپتى.
باستامانىڭ ماقساتى – ونەر سالاسىنداعى قىزىقتى يدەيالارعا قولداۋ كورسەتۋ جانە جاس تالانتتاردىڭ ءوزىن, ونەرىن دالەلدەۋىنە مۇمكىندىك بەرۋ.
ارت-گالەرەيا العاشقى جوباسىن «I need the night» دەگەن اتاۋمەن ستاس اگاپيتوۆتىڭ جۇمىستارىن تانىستىرۋدان باستادى. «الماتىدا كورمە ۇيىمداستىرۋدى بۇرىننان ارماندايتىن ەدىم, تاعدىر مەنى ەفەس-پەن جولىقتىردى. ءار سۋرەتشى ءۇشىن ءوزىن جانە ونەرىن كورسەتۋ ماڭىزدى. Efes art space بىزگە جاڭا جول, جاڭا مۇمكىندىكتەر اشادى جانە قولداۋ كورسەتەدى», دەدى ستاس اگاپيتوۆ كورمەنىڭ اشىلۋ راسىمىندە.
ۇيىمداستىرۋشىلاردىڭ پىكىرىنشە, ارت-كەڭىستىك ەلىمىزدە جاڭا ەسىم, جاس تالانتتاردى تانىستىرۋدا تاپتىرماس ورىنعا اينالادى. كورمەنىڭ ەسىگى ارقاشان اشىق جانە تاماشالاۋعا كەلگەن ءار ادامنىڭ ەستەتيكالىق ءنار الۋى ءۇشىن قولايلى احۋال قالىپتاستىرا الادى.
«Efes Art Space ۇيىمىنىڭ يدەياسى – بۇل كوپشىلىكتى قازاقستاندا جاسالعان رۋحاني ونىممەن ماقتان ەتۋگە ىنتالاندىرۋدىڭ تاعى ءبىر ءتاسىلى. ءبىز ءۇشىن دارىندى جاستاردى بىرىكتىرۋ ءداستۇرىن جالعاستىرۋ وتە ماڭىزدى. ءبىز مۇندا شىعارماشىلىق كەزدەسۋلەر, تۇساۋكەسەرلەر, كونفەرەنتسيالار, سۋرەتشىلەر باسقوسۋى جانە باسقا دا ءىس-شارالار وتكىزۋدى جوسپارلاپ وتىرمىز. كومپانيا تۇراقتى دامۋ ستراتەگياسى اياسىندا ونەردى قولداي وتىرىپ, سۇيىكتى قالامىزعا شىعارماشىلىقپەن, جاسامپازدىقپەن تاڭداندىراتىن جانە شابىت سىيلايتىن ەرەكشە تارتۋ جاساۋ تۋرالى وسىنداي شەشىم قابىلداندى», دەيدى ماركەتينگ دەپارتامەنتىنىڭ ديرەكتورى زەينەپ ەركان الپ.
سونداي-اق Efes Kazakhstan كومپانياسى ونەرمەن جانە شىعارماشىلىقپەن بايلانىسىن ارتتىرۋدا التىن كوپىر ىسپەتتى Efes Art Space Award سىيلىعىن تاعايىنداۋ تۋرالى دا شەشىم قابىلدادى. كورمەلەر جىل سوڭىنا دەيىن وتكىزۋ جوسپارلانعان, سوڭىرا حالىقتىق داۋىس بەرۋ نەگىزىندە ەڭ جاقسى كورمە تاڭدالىپ, اۆتورى باعالى سىيلىقپەن ماراپاتتالادى.
Efes Kazakhstan كومپانياسىنىڭ بۇل تاجىريبەسى تالانتتى بولا تۇرا, تار شەڭبەردە تانىلا الماي جۇرگەن كوركەم, مۋزىكا جانە تەاتر ونەرىندەگى جارقىن ەسىمدەر مەن جوبالاردى قولداۋدا وزگە حالىقارالىق كومپانيالارعا دا ۇلگى كورسەتىپ وتىر.
الماتى
