اتالعان ۇيىمنىڭ باسشىسى نۇربەك قارابالانىڭ ايتۋىنشا, كۇنى كەشە عانا جارتىلاي فينالدىق سايىستا سىنعا تۇسەتىن ءتورت مىقتى سپورتشى ىرىكتەپ الىندى. بۇل باسەكەلەر جۇمان جۇمابەكوۆ (11-5) پەن ەلجان الياسقار (9-3) جانە داستان امانكەلدى (3:0) مەن ەلامان شەرتاەۆتىڭ (6-1) اراسىندا وتەدى. وسى سىناقتان سۇرىنبەگەندەرى فينالدا ايقاسادى. جارىس جەڭىمپازى 5 ميلليون تەڭگە كولەمىندە سىياقى الۋمەن قاتار, وسى ليگانىڭ التىن بەلبەۋى ءۇشىن تالاسادى. ءدال قازىرگى كەزدە چەمپيوندىق اتاق وڭتۇستىك كورەيانىڭ وعلانى سۋ ەن يۋگە تيەسىلى. وتكەن اپتادا ول الماتىدا جالاۋى جەلبىرگەن جارىستا قازاقتىڭ ۇلى ايدىن كودەكتى ءتورتىنشى راۋندتا «قىلقىندىرۋ» ادىسىمەن جەڭگەن بولاتىن.
