تەحنولوگيا • 28 قىركۇيەك، 2022

Digital Bridge: تۇركى ەلدەرىنىڭ 6 تەحنوپاركى مەموراندۋمعا قول قويدى

72 رەت كورسەتىلدى

بۇگىن تۇركى مەملەكەتتەر ۇيىمىنا مۇشە ەلدەردىڭ تەحنوپاركتەرى اراسىندا ىنتىماقتاستىق تۋرالى مەموراندۋمعا قول قويۋ سالتاناتى ءوتتى، دەپ حابارلايدى Egemen.kz.

سونىڭ ىشىندە Sabah Lab (ازەربايجان)، جتپ (قىرعىزستان)، Bilisim Vadisi (تۇركيا)، Bilkent Cyberpark (تۇركيا)، وزبەكستان IT پاركى (وزبەكستان) جانە ءبىزدىڭ ەلدەن Astana Hub IT-ستارتاپتار تەحنوپاركى ورتاق كەلىسىم جاساستى. 

ايماقتاعى اكت جانە يننوۆاتسيالىق ەكوجۇيەنى بىرلەسىپ دامىتۋعا باعىتتالعان بۇل مەموراندۋم قازاقستان پرەزيدەنتى قاسىم-جومارت توقاەۆتىڭ باستاماسى اياسىندا جاسالعان. تۇركىتىلدەس مەملەكەتتەردىڭ ىنتىماقتاستىق كەڭە­سى­نىڭ VIII سامميتىندە تۇركى ەلدەرىنىڭ زاماناۋي تەحنوپاركتەرى ورتالىعىن اشۋدى ۇسىنعان بولاتىن.

ء«بىز زاماناۋي تەحنوپاركتەر اسسوتسياتسياسىن قۇرۋ جانە تمۇ ەلدەرىنىڭ نەگىزگى ءىت-تەحنوپاركتەرىنىڭ پلاتفورمالارىن ينتەگراتسيالاۋ مۇمكىندىگىن قاراستىرامىز. سونداي-اق ءىت ستارتاپتاردىڭ موبيلدىلىگىن ارتتىرۋ ءۇشىن «Digital Nomad» ءىت-رەزيدەنتتىك باعدارلاماسىن جۇزەگە اسىرۋ ماسەلەسىن تالقىلاماقپىز»، دەدى استانا حابتىڭ باس ديرەكتورى ماعجان ماديەۆ.

«مەنىڭ ويىمشا، بۇل فورۋم - ورتالىق ازيا ەلدەرىنىڭ باسىن قوساتىن كەرەمەت باستامالاردىڭ ءبىرى. جاھاندىق تۇرعىدا ءبىزدىڭ ەلدەر تىم شاعىن بولۋى مۇمكىن، الايدا تۇركىتىلدەس ەلدەرى بىرىكسەك، جوعارى دەڭگەيگە شىعا الامىز. ماركەتينگ جاعىنان الساق، بۇل ءبارىمىز ءۇشىن ءتيىمدى بولماق. ءبىز باسەكەلەس ەمەسپىز، قايتا ءبىر-ءبىرىمىزدى قولداپ، تولىقتىرعىمىز كەلەدى»، دەدى چۋباك تەمىروۆ، قىرعىزستان رەسپۋبليكاسى جوعارى تەحنولوگيالار پاركىنىڭ ديرەكتورى.

فورۋم الاڭىندا  ءوتىپ جاتقان كورمەگە  تۇركيا، ازەربايجان، وزبەكستان، قىرعىزستان، تۇركىمەنستان، تاجىكستان، پالەستينا  جانە قازاقستاننىڭ 13 تەحنوپاركى قاتىسىپ جاتىر. سونىمەن قاتار ەرتەڭ، 29 قىركۇيەكتە تەحنوپاركتەردىڭ باسشىلارى پانەلدىك پىكىرتالاستار وتكىزىپ، ءوز مەملەكەتتەرىندەگى يننوۆاتسيالىق ەكوجۇيەنى دامىتۋ باعىتىنداعى باستامالار مەن جوبالار جايلى ايتادى. جانە تمۇ-نا مۇشە مەملەكەتتەردىڭ كاسىپكەرلەرى مەن IT-ماماندارى ءۇشىن قولايلى جاعداي جاساۋ جولدارىن تالقىلايدى.

Digital Bridge حالىقارالىق فورۋمى استانا قالاسىندا 2018 جىلدان بەرى وتكىزىلىپ كەلەدى. بيىل فورۋمنىڭ باعدارلاماسى اياسىندا 45 پانەلدىك سەسسيا،  تەحنوپاركتەر كورمەسى، ءىT-ستارتاپتار اللەياسى، IT-مەكتەپتەر كورمەسى، IT-ۆاكانسيالار جارمەڭكەسى،  Astana Hub Battle جارىسى قاراستىرىلعان.

ۇيىمداستىرۋشىلار - تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، استانا قالاسى اكىمدىگى مەن Astana hub IT-ستارتاپتار حالىقارالىق تەحنوپاركى. 

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار