قازاقستان رەسپۋبليكاسى ۇكىمەتىنىڭ قاۋلىسى №310

2014 جىلعى 2 ءساۋىر, استانا, ۇكىمەت ءۇيى «رەسپۋبليكالىق بيۋدجەتتىڭ قاراجاتى ەسەبىنەن جۇرگىزىلەتىن تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگىستىك ساپاسىن ساراپتاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 12 تامىزداعى №805 قاۋلىسىنا وزگەرىستەر ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «رەسپۋبليكالىق بيۋدجەتتىڭ قاراجاتى ەسەبىنەن جۇرگىزىلەتىن تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ, سورتتىق جانە ەگىستىك ساپاسىن ساراپتاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 12 تامىزداعى №805 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., №33, 327-قۇجات) مىناداي وزگەرىستەر ەنگىزىلسىن: تاقىرىبى مىناداي رەداكتسيادا جازىلسىن: «تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگىستىك ساپاسىنا ساراپتاما جۇرگىزۋ قاعيدالارىن بەكىتۋ تۋرالى»; كورسەتىلگەن قاۋلىمەن بەكىتىلگەن رەسپۋبليكالىق بيۋدجەتتىڭ قاراجاتى ەسەبىنەن جۇرگىزىلەتىن تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگۋ ساپاسىن ساراپتاۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن. 2. وسى قاۋلى 2014 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى س.احمەتوۆ. قازاقستان رەسپۋبليكاسى ۇكىمەتىنىڭ 2014 جىلعى 2 ساۋىردەگى № 310 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2003 جىلعى 12 تامىزداعى №805 قاۋلىسىمەن بەكىتىلگەن تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگىستىك ساپاسىنا ساراپتاما جۇرگىزۋ قاعيدالارى 1. جالپى ەرەجەلەر 1. وسى تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگىستىك ساپاسىنا ساراپتاما جۇرگىزۋ قاعيدالارى (بۇدان ءارى – قاعيدالار) «تۇقىم شارۋاشىلىعى تۋرالى» 2003 جىلعى 8 اقپانداعى №385 قازاقستان رەسپۋبليكاسىنىڭ زاڭى 5-بابىنىڭ 10) تارماقشاسىنا سايكەس ازىرلەندى جەنە «تۇقىمدىق جانە وتىرعىزۋ ماتەريالىنىڭ سورتتىق جانە سەبۋ ساپاسىن ايقىنداۋ» رەسپۋبليكالىق بيۋدجەتتىك باعدارلاماسى شەڭبەرىندە تۇقىمنىڭ, ونىڭ ىشىندە وتاندىق اۋىل شارۋاشىلىعى تاۋارىن وندىرۋشىلەردىڭ سەبۋىنە ارنالعان تۇقىمنىڭ سورتتىق جانە ەگىستىك ساپاسىنا ساراپتاما جۇرگىزۋ ءتارتىبىن ايقىندايدى. 2. تۇقىمنىڭ سورتتىق جانە ەگىستىك ساپاسىن ساراپتاۋ جونىندەگى كورسەتىلەتىن قىزمەتتى جەتكىزۋشىنى تاڭداۋ قازاقستان رەسپۋبليكاسىنىڭ تاۋارلاردى, جۇمىستاردى جانە كورسەتىلەتىن قىزمەتتەردى مەملەكەتتىك ساتىپ الۋ تۋرالى زاڭناماسىنا سايكەس جۇرگىزىلەدى. 3. اۋىل شارۋاشىلىعى داقىلدارى تۇقىمىنىڭ سورتتىق جانە ەگىستىك ساپاسىن تۇقىمدىق ساراپتاۋ (بۇدان ءارى - ساراپتاۋ) وتاندىق اۋىل شارۋاشىلىعى تاۋارىن وندىرۋشىلەر, ءبىرىنشى, ەكىنشى جانە ءۇشىنشى رەپرودۋكتسيالى بىرەگەي جانە ەليتالىق تۇقىم وندىرۋشىلەر, مەملەكەتتىك سورتسىناۋ ۋچاسكەلەرى مەن ستانتسيالارى, سونداي-اق مەملەكەتتىك تۇقىم رەسۋرستارى ءۇشىن مىندەتتى تۇردە جۇرگىزىلەدى. 4. تۇقىمداردى ساراپتاۋدى تۇقىم ساپاسىن ساراپتاۋ جونىندەگى اتتەستاتتالعان زەرتحانالار جۇزەگە اسىرادى. 2. تۇقىمنىڭ ساپاسىنا ساراپتاما جۇرگىزۋ ءتارتىبى 5. تۇقىمنىڭ ساپاسىن ساراپتاۋ قولدانىستاعى ستاندارتتارعا (بۇدان ءارى - ستاندارت) سايكەس ونگىشتىگى جانە (نەمەسە) ومىرشەڭدىگى, ىلعالدىلىعى, 1000 ءداننىڭ سالماعى, تازالىعى, اۋرۋعا شالدىعۋى, زيانكەستەرمەن زالالدانۋى (تولىق تالداۋ) كورسەتكىشتەرى نە كورسەتىلگەن كورسەتكىشتەردىڭ بىرەۋى نەمەسە بىرنەشەۋى (تولىق ەمەس تالداۋ) بويىنشا جۇرگىزىلەدى. ماقتا تۇقىمىنىڭ ساپاسىن ساراپتاۋ مىناداي كورسەتكىشتەر بويىنشا جۇرگىزىلەدى: ونگىشتىگى, ىلعالدىلىعى, جەتىلگەندىگى, مەحانيكالىق زاقىمدانۋى, 1000 ءداننىڭ سالماعى, ءارامشوپ ارالاسۋى, قامبالىق زيانكەستەرمەن زالالدانۋى, قىزىپ كەتۋى, تالشىق قالدىعى, تۇكتەنۋ قالدىعى. 6. اۋىل شارۋاشىلىعى تاۋارىن وندىرۋشىلەردىڭ, مەملەكەتتىك سورت سىناۋ ۋچاسكەلەرى مەن ستانتسيالارىنىڭ, سونداي-اق ساقتاۋىندا مەملەكەتتىك تۇقىم رەسۋرستارىن ساقتاپ وتىرعان استىق قابىلداۋ كاسىپورىندارىنىڭ ارقايسىسى بويىنشا اۋىل شارۋاشىلىعى وسىمدىكتەرىنىڭ تۇرلەرى بويىنشا تۇقىمنىڭ ساپاسىنا زەرتتەۋ جۇرگىزۋ سانىن جەرگىلىكتى اتقارۋشى ورگانداردىڭ اۋداندىق (قالالىق) اۋىل شارۋاشىلىعى ءبولىمى (بۇدان ءارى – ءبولىم) باسشىسىنىڭ بۇيرىعىمەن قۇرىلعان, كەمىندە بەس ادامنان تۇراتىن كوميسسيا ايقىندايدى. كوميسسيانىڭ قۇرامىنا ءبولىمنىڭ, جەر رەسۋرستارىن باسقارۋ جونىندەگى ورگانداردىڭ, قوعامدىق ۇيىمداردىڭ وكىلدەرى كىرەدى. 7. تۇقىمدى ساراپتاۋدى جۇرگىزۋ ءۇشىن ءبولىم مەن تۇقىم ساپاسىن ساراپتاۋ جونىندەگى اتتەستاتتالعان زەرتحانا اراسىندا قازاقستان رەسپۋبليكاسى اۋىل شارۋاششىعى مينيسترلىگى (بۇدان ءارى – مينيسترلىك) بەكىتكەن ۇلگىدە تۇقىمنىڭ سورتتىق جانە ەگىستىك ساپاسىن ايقىنداۋ بويىنشا كورسەتىلەتىن قىزمەتتەر تۋرالى ەكى دانادا شارت جاسالادى. 8. ساپانىڭ نورماتيۆتىك-تەحنيكالىق قۇجاتتامانىڭ تالاپتارىنا سايكەستىگىن تەكسەرۋ ءۇشىن قۇيۋعا, ساقتاۋعا جانە سەبۋگە دايىندالعان پارتيالاردان تۇقىم سىنامالارى الىنادى. تەك سەبۋ ءۇشىن عانا ارنالعان تۇقىم پارتيالارىنان سىنامالار الۋدى تۇقىم وندىرۋشىلەردىڭ ءوتىنىمى بويىنشا تۇقىم ساراپشىلارى جانە (نەمەسە) تۇقىم ساپاسىن ساراپتاۋ جونىندەگى اتتەستاتتالعان زەرتحانالاردا ءتيىستى دايىندىقتان وتكەن تۇقىم وندىرۋشىلەر (ولاردىڭ وكىلدەرى) جۇرگىزەدى. ساتۋعا جاتقىزىلعان تۇقىم پارتيالارىنان سىنامالار الۋدى تۇقىم ءوندىرۋشى وكىلدىڭ قاتىسۋىمەن ءبولىمنىڭ تۇقىم شارۋاشىلىعى جونىندەگى مەملەكەتتىك ينسپەكتورلارى جۇرگىزەدى. تۇقىمنىڭ پارتياسى اۋىل شارۋاشىلىعى وسىمدىكتەرىنىڭ سورتتىق ەگىستەرىن سىناۋدان وتكىزۋ اكتىسىمەن بىرگە جولدانادى. سىنامالاردى ىرىكتەۋ ستاندارتتارعا سايكەس جۇرگىزىلەدى جانە قازاقستان رەسپۋبليكاسى ۇكىمەتىنىڭ 2011 جىلعى 2 قاراشاداعى №1279 قاۋلىسىمەن بەكىتىلگەن تۇقىم ساپاسىنا ساراپتاما جاساۋدى جۇزەگە اسىرۋ قاعيدالارىنا (بۇدان ءارى – تۇقىم ساپاسىنا ساراپتاما جاساۋدى جۇزەگە اسىرۋ قاعيدالارى) سايكەس ايقىندالعان نىسان بويىنشا سىنامالاردى ىرىكتەۋ اكتىسىمەن ەكى دانادا رەسىمدەلەدى. اكتىنىڭ ءبىر داناسى سىناما الىنعان وتاندىق اۋىل شارۋاشىلىعى تاۋارىن وندىرۋشىسىنە قالدىرىلادى, ەكىنشى داناسى سىنامامەن بىرگە تۇقىم ساپاسىن ساراپتاۋ جونىندەگى اتتەستاتتالعان زەرتحاناعا جىبەرىلەدى. 9. تۇقىم ساپاسىن ساراپتاۋ جونىندەگى اتتەستاتتالعان زەرتحانا سىنامالاردى زەرتحانالىق تالداۋ ناتيجەلەرى نەگىزىندە وتاندىق اۋىل شارۋاشىلىعى تاۋارىن وندىرۋشىگە تۇقىم ساپاسىنا ساراپتاما جاساۋدى جۇزەگە اسىرۋ قاعيدالارىندا بەلگىلەنگەن نىساندار بويىنشا تۇقىمنىڭ ساپالىلىعى تۋرالى كۋالىك نەمەسە تۇقىمدى تالداۋ ناتيجەسىن بەرەدى. تۇقىمنىڭ ساپالىلىلىعى تۋرالى كۋالىك ەگىستىك ساپاسى وسى قاعيدالاردىڭ 5-تارماعىندا كورسەتىلگەن بارلىق كورسەتكىشتەر بويىنشا تەكسەرىلگەن (تولىق تالداۋ) جانە ستاندارت تالاپتارىنا ساي كەلەتىن تۇقىم پارتيالارىنا بەرىلەدى. تۇقىمنىڭ ساپاسى تۋرالى كۋالىكتى ونگىشتىگىنىڭ ورنىنا تۇقىمنىڭ ومىرشەڭدىگى نورماسىن ەسكەرە وتىرىپ جينالعان جىلى سەبۋگە پايدالانىلاتىن كۇزدىك داقىلداردىڭ تۇقىمىنا, ەگىسكە دەيىن ون بەس جانە ودان از كۇن بۇرىن ىلعالدىلىعى مەن زيانكەستەرمەن زالالدانعاندىعىن ايقىنداماي (ساتۋعا ارنالعان تۇقىمنان باسقا) تالداۋ جۇرگىزىلەتىن تۇقىمعا بەرۋگە رۇقسات ەتىلەدى. تۇقىمدى تالداۋ ناتيجەسى وسى قاعيدالاردىڭ 5-تارماعىندا كورسەتىلگەن كورسەتكىپگگەردىڭ ءبىرى بويىنشا ستاندارتتىڭ تالاپتارىنا (تولىق تالداۋ كەزىندە) ساي كەلمەيتىن تۇقىمعا, سونداي-اق ساپالىق كورسەتكىشتەرىنىڭ بارلىعى بويىنشا تەكسەرىلمەگەن تۇقىمدارعا دا (تولىق ەمەس تالداۋ) بەرىلەدى. 10. تۇقىم ساپاسىن ساراپتاۋ جونىندەگى اتتەستاتتالعان زەرتحانا تۇقىمنىڭ ساپاسى تۋرالى كۋالىكتى نەمەسە تۇقىمدى تالداۋ ناتيجەسىن ونگىشتىگى ايقىندالعان كۇننەن باستاپ كۇنتىزبەلىك جەتى كۇن ىشىندە بەرەدى. تۇقىمدارعا جۇرگىزىلگەن زەرتتەۋ قورىتىندىسى بويىنشا تۇقىمنىڭ ساپاسىن ساراپتاۋ جونىندەگى اتتەستاتتالعان زەرتحانا تۇقىمداردىڭ سورتتىق جانە ەگىستىك ساپاسىن انىقتاۋ ءۇشىن كورسەتىلگەن قىزمەت تۋرالى اكتىلەرىن مينيسترلىك بەكىتكەن نىسان بويىنشا ءۇش دانادا جاسايدى, ءبىر داناسى تۇقىم ساپاسىن ساراپتاۋ جونىندەگى اتتەستاتتالعان زەرتحانادا قالادى, ەكىنشى دانا وتاندىق اۋىل شارۋاشىلىعى تاۋارىن وندىرۋشىلەرگە, ءۇشىنشى دانا بولىمگە بەرىلەدى. 11. سىنامانىڭ تالداۋدان قالعان بولىگى اۋداندا وسى داقىلدىڭ ەگىسى اياقتالعاننان كەيىن (اۋداندىق ستاتەسەپتىلىككە سايكەس) ءبىر اي ىشىندە تۇقىم ساپاسىن ساراپتاۋ جونىندەگى اتتەستاتتالعان زەرتحانادا ساقتالادى. كورسەتىلگەن مەرزىم وتكەننەن كەيىن نەمەسە تۇقىم سىناماسىن قايتالاپ تالداۋعا العان كەزدە سىنامانىڭ قالعان بولىگى وتاندىق اۋىل شارۋاشىلىعى تاۋارىن وندىرۋشىلەرگە قايتارىلىپ بەرىلەدى. 12. تۇقىمنىڭ سورتتىق جانە ەگىستىك ساپاسىن ايقىنداۋ جونىندەگى قىزمەتتەر كورسەتۋ تۋرالى اكتى نەگىزىندە ءبولىم مينيسترلىك بەكىتكەن نىساندا اۋدان بويىنشا كورسەتىلگەن قىزمەتتەردى باعالاۋ اكتىسىن ەكى دانادا جاسايدى, ەكىنشى داناسى جەرگىلىكتى اتقارۋشى ورگاننىڭ وبلىستىق اۋىل شارۋاشىلىعى باسقارماسىنا (بۇدان ءارى – باسقارما) جىبەرىلەدى. باسقارما ءبولىم ۇسىنعان كورسەتىلگەن قىزمەتتەردى باعالاۋ اكتىلەرىن تەكسەرەدى, مينيسترلىك بەكىتكەن نىساندا وبلىس بويىنشا كورسەتىلگەن قىزمەتتەردىڭ جيىنتىق اكتىسىن جاسايدى جانە ونى بەكىتەدى. وبلىس بويىنشا كورسەتىلگەن قىزمەتتەردىڭ جيىنتىق اكتىسىنىڭ نەگىزىندە تۇقىمنىڭ سورتتىق جانە ەگىستىك ساپاسىن ايقىنداۋ جونىندەگى كورسەتىلگەن قىزمەتتەر ءۇشىن بەلگىلەنگەن تارتىپپەن قارجىلاندىرۋ جۇرگىزىلەدى. توقسان سايىن, ەسەپتى توقساننان كەيىنگى ايدىڭ 5-كۇنىنە ء(تورتىنشى توقساندا ءتيىستى جىلدىڭ 25 جەلتوقسانىنان كەشىكتىرمەي) باسقارما تىكەلەي جانە سوڭعى ناتيجەلەردىڭ ناقتى جەتىستىكتەرىن كورسەتە وتىرىپ, بيۋدجەتتىك باعدارلامانىڭ ورىندالۋى تۋرالى ەسەپتى, ال قورىتىندى ەسەپتى كەلەسى قارجى جىلىنىڭ 1 اقپانىنان كەشىكتىرمەي مينيسترلىككە ۇسىنادى.