الەم • 24 قىركۇيەك، 2022

يراندا نارازىلىق اكتسيالارى جالعاسىپ جاتىر

108 رەت كورسەتىلدى

يراندا حيدجابتى دۇرىس كيمەگەنى ءۇشىن پوليتسيا ۇستاپ اكەتكەن، كەيىن ۋاقىتشا ۇستاۋ يزولياتورىندا قايتىس بولعان 22 جاستاعى ماحسا ءامينيدىڭ ولىمىنە قاتىستى نارازىلىق باسىلار ەمەس، دەپ حابارلايدى Egemen.kz.

پوليتسەيلەر ماحسا ءامينيدى 13 قىركۇيەكتە ۇستاعان. ءتارتىپ ساقشىلارىنىڭ ايتۋىنشا، جۇرەك اۋرۋىنا بايلانىستى ونى اۋرۋحاناعا جەتكىزۋگە تۋرا كەلگەن. ول 16 قىركۇيەكتە سول جەردە قايتىس بولدى. ونى سىرقاتىنان قايتىس بولدى دەگەنگە تۋىستارى مەن جەرگىلىكتى حالىقتىڭ ءبىر بولىگى سەنبەيدى. سول سەبەپتى تۇرعىندار حيدجابتى دۇرىس كيمەگەنى ءۇشىن قامالىپ، ارتىنشا اجال قۇشقان قىزدىڭ تاعدىرىنا بەي-جاي قاراماۋ كەرەك دەپ ەسەپتەيدى. 

22 قىركۇيەكتە تۇندە اياقتالعان نارازىلىق شارالارى جۇما كۇنى كەشكە قايتا جالعاسقان.

تەگەران استاناسىنىڭ مۋتاحارري، ساتتارحان جانە سادىق اۋداندارىندا كوپتەگەن اكتسيالار ءوتتى. 

قاۋىپسىزدىك كۇشتەرى مەن شەرۋشىلەر اراسىندا ارا-تۇرا قاقتىعىستار دا بولعان. شەرۋشىلەر قوقىس كونتەينەرلەرىن ورتەپ، كەدەرگىلەر ورناتقان، ال قاۋىپسىزدىك كۇشتەرى كوزدەن جاس اعىزاتىن گاز بەن تاياقتاردى قولدانعان. 

يران ستۋدەنتتەر كەڭەستەرىنىڭ مالىمەتى بويىنشا، تەگەران ۋنيۆەرسيتەتىنىڭ ۇستالعان ستۋدەنتتەرىنىڭ سانى 30-عا جەتكەن. 

سونىمەن قاتار، جۇما كۇنى ەلدە ينتەرنەت ءوشىرىلدى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار