وسىنداي جوعارى دەڭگەيدە ەلىمىزدە العاش رەت وتەتىن ايتۋلى دودادا ەڭ مىقتى ويىنشىلار باس قوسپاق.
بۇل ATP 500 سەرياسى بويىنشا 13-تۋرنير بولماق.
جەڭىمپاز قوماقتى جۇلدەگە قوسا, 500 رەيتينگىلىك ۇپايعا يە بولادى.
ازيادا ATP 500 سەرياسى بويىنشا وسىعان دەيىن ءىرى جارىس دۋبايدا وتسە, ەندى Astana Open دوداسىمەن ءبىر مەزگىلدە Rakuten Japan Open Tennis Championship بولادى.
ەلوردادا «ۇلكەن دۋلىعا» تۋرنيرلەرىندە ءار جىلدارى توپ جارعان الەمنىڭ 1-راكەتكاسى كارلوس الكاراس, دانيل مەدۆەدەۆ, مارين چيليچ, ستانيسلاس ۆاۆرينكا جانە ەندي ماررەي باق سىنايدى. الەمدەگى ۇزدىك 20 تەننيسشىنىڭ قاتارىنا كىرەتىن 10 ويىنشىنىڭ كەلۋى استانا جارىسىنىڭ دەڭگەيى ماستەرس تۋرنيرلەرىنەن كەم ەمەستىگىن كورسەتەدى.
سونداي-اق جۇپتىق سىندا دا «ۇلكەن دۋلىعا» دوداسىنىڭ بىرنەشە چەمپيونى وينايدى. جانكۇيەرلەر دۇنيەجۇزىلىك رەيتينگتە كوش باستاعان دجو سولسبەري, رادجيۆ رام, نيل سكۋپسكي, ۋەسلي كولحوف, جان-جۋلەن رويەر, مارسەلو ارەۆالدونىڭ ونەرىن تاماشالاي الادى.
