ءبىلىم • 21 قىركۇيەك، 2022

قوش كەلدىڭ، ءبىرىنشى كۋرس!

93 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتى «ستۋدەنتتەر قاتارىنا قابىلداۋ» كەشىن وتكىزىپ، جاستار قالاشىعىن كەرەمەت كوڭىل كۇيگە بولەدى. بيىلعى سالتاناتىنا سونى جەتىستىكتەرمەن كەلگەن ۋنيۆەرسيتەت QS WUR الەمدىك رەيتينگىندە 150-ورىنعا كوتەرىلگەنىن ايتا كەتكەن ءلازىم. وعان قوسا جاقىندا ۇكىمەت قاۋلىسىمەن قازۇۋ-عا زەرتتەۋ ۋنيۆەرسيتەتى مارتەبەسى بەرىلدى.

سالتاناتتى كەشكە قالا اكىمى ەربولات دوساەۆ، بەلگىلى عا­لىم­دار، جازۋشىلار، ەسترادا جۇل­دىز­دارى، بلوگەرلەر، ۋنيۆەرسيتەت وقىتۋشىلارى مەن ستۋدەنت­تەر قاتىستى. ءداستۇرلى مەرەكە ءبىرىنشى كۋرس ستۋدەنتتەرى شە­رۋىنەن باستالىپ، سالتاناتتى ءىس-شاراعا جينالعان 5 مىڭ ادام ءان­ۇران­دى بىرگە ورىندادى.

ءال-فارابي اتىنداعى قازۇۋ باسقارما توراعاسى – رەكتورى جانسەيىت تۇيمەباەۆ ءبىرىنشى كۋرس ستۋدەنتتەرىن ايتۋلى كۇن­مەن قۇتتىقتاي وتىرىپ، ۋني­ۆەرسيتەتتىڭ قازىرگى جە­تىس­­تىك­تە­رى تۋرالى باياندادى. الەم­دىك رەيتينگتەگى كوش­باس­­شى وقۋ ورىن­دا­رىنىڭ قاتا­رى­نا قو­سىلعان ۋني­ۆەرسيتەتكە پرەزيدەنت قاسىم-جومارت توقاەۆ بيىل ال­عاش رەت كەلىپ، جاس­تار­مەن كەز­دەسىپ، ۋنيۆەرسيتەتتى دامىتۋ جونىندە بىرقاتار تاپسىرما بەرگەنى بەلگىلى. مەملەكەت باس­شى­سىنىڭ قولداۋىمەن بيىل تۇركيانىڭ ىستانبۇل قالاسى مەن قىرعىز رەسپۋبليكاسىنىڭ استاناسى بىشكەكتە قازۇۋ فيليالدارى اشىلدى. سونىمەن قاتار قازۇۋ-دا عىلىم جانە جوعارى ءبىلىم ءمينيسترى ساياسات نۇربەكتىڭ قاتىسۋىمەن رەسەيدىڭ ميفي ۇلتتىق يادرولىق زەرتتەۋ ۋنيۆەرسيتەتىنىڭ فيليالى اشىلدى.

بۇگىندە ۋنيۆەرسيتەتتە 25 مىڭ­عا جۋىق ستۋدەنت وقيدى، ولار­­دىڭ 2،5 مىڭعا جۋىعى – الەم­نىڭ 50 ەلىنەن كەلگەن شەتەل­دىك ستۋدەنتتەر. جاڭا وقۋ جىلىندا قازۇۋ-عا 7 690 ستۋدەنت قابىلداندى. مەملەكەتتىك گرانت­تى 5 156 تالاپكەر ۇتىپ السا، اقىلى بولىمگە 2 534 ستۋدەنت ءتۇستى. ولاردىڭ ىشىندە 672 التىن بەلگى يەگەرى، 619 ۇزدىك اتتەس­تات يە­گەرى، 12 عىلىمي جوبا جەڭىم­پازى، 69 حالىقارالىق جانە رەس­پۋب­ليكالىق وليمپيادا جۇلدە­گە­رى بار.

جوو باسشىسى ءوز سوزىندە ۋني­­ۆەرسيتەتتەگى فاكۋلتەتتەر، كا­فەد­­رالار، عىلىمي-زەرتتەۋ ينس­تيتۋتتارى، يننوۆاتسيالىق زەرتحانالار مەن عىلىمي ورتالىق­تار­دىڭ بارلىعى تولىققاندى ءبىلىم الۋعا قىزمەت ەتەتىنىن جەتكىزدى. «بىلتىردان بەرى جاتاقحانالار مەن وقۋ كورپۋستارى كۇردەلى جون­دەۋدەن ءوتتى. بۇل جۇمىستار بيىل دا جالعاسىپ جاتىر. الداعى ۋاقىتتا جاڭا جاتاقحانا سالۋ جوس­­پاردا بار. وسى يگىلىكتى دۇرىس پاي­دالانىڭىزدار. عىلىم­دى يگە­رىپ، بىلىكتى مامان بولى­ڭىز­دار»، دەپ ستۋدەنتتەرگە ۇندەۋ تاستادى رەكتور.

بيىل سالتاناتتى ءراسىم فورماتى ءداستۇرلى كىلت بەرۋدەن وز­گەشە، جاڭا تەحنولوگيالاردى پايدالانا وتىرىپ جۇزەگە استى. ءبىرىنشى كۋرس ستۋدەنتتەرى ساحنادان دەربەس QR-كودىن سكانەرلەپ، ەرەكشە ساتكە بارشاسى اتسالىستى. سالتاناتتى وقيعا كون­تسەرتتىك باعدارلاماعا ۇلاسىپ، ساحنادا « ۇلىتاۋ» ەتنو-روك-توبى، تانىمال ءانشى گۇلنۇر ورا­زىمبەتوۆا، MALIKA YES، «مەلومەن» توبى جانە وزگە دە ەسترادا جۇلدىزدارى اننەن شاشۋ شاشتى.

مەرەكەدە قازۇۋ-دىڭ تالانت­تى، كرەاتيۆتى جاستارى ءوز ونەر­­لەرىن كورسەتتى. حيميا جانە حي­ميالىق تەحنولوگيالار، بيو­لو­گيا جانە بيوتەحنولو­گيالار فا­كۋل­تەت­تەرىنىڭ ستۋدەنتتەرى ۋنيۆەرسيتەت عالىمدارىنىڭ عى­لى­مي جا­ڭالىقتارىنىڭ تۇساۋ­كە­سەرىن وتكىزدى. كورەر­مەندەر «قازۇۋ ستۋ­دەنتتەرىنىڭ سپورتتىق جەتىس­تىك­تەرى» كومپوزيتسياسىن جانە «چەمپيون» ءانىن قوشەمەتپەن قارسى الدى، ونىڭ اياسىندا جوو سپورتشىلارىنا – حالىقارالىق جانە ۇلتتىق جارىستاردىڭ جە­ڭىم­پازدارىنا كۋبوكتار تابىس ەتىلدى. قىزدار كۆارتەتى «قازاق، قىرعىز ءبىر تۋعان» ءانىن اۋەلەتە شىرقادى. سونداي-اق «فارابي قىزدارى»، RAIM توبى دا ساحنادا ءان شىرقاپ، كورەرمەندەردىڭ قوشەمەتىنە بولەندى.

جاستار ۇيىمدارىنىڭ كومي­تەتى دايىنداعان ءتۇرلى ءتۇستى فلەش­­موب مەرەكەنىڭ ءسانىن كەل­تىر­دى. ستۋ­­دەنتتەر مەرەكەسى لازەرلىك شوۋ مەن بي كەشىنە ۇلاستى.

 

الماتى

سوڭعى جاڭالىقتار

ايتىپ كەلگەن اپات

ايماقتار • كەشە

«مىڭ بالا» جەڭىمپازدارى

رۋحانيات • كەشە

اقيقاتتىڭ اي ديدارى – ءباسپاسوز

ەگەمەن قازاقستان • كەشە

ىنتىماقتاستىق ىقپالى

ەكونوميكا • كەشە

جاڭا فورماتتاعى ساۋدا

ەكونوميكا • كەشە

جوتەلگە جەڭىل قاراماڭىز

مەديتسينا • كەشە

بىتىمگەرشىلىك ساردارلارى

قازاقستان • كەشە

جىپ-جىلى جۇرەك بۋىنداي

ادەبيەت • كەشە

داۋىستىڭ دا ءتۇسى بار

ادەبيەت • كەشە

ۇقساس جاڭالىقتار