مەديتسينا • 21 قىركۇيەك، 2022

الماتىلىق حيرۋرگتەر كۇردەلى وپەراتسيا جاسادى

124 رەت كورسەتىلدى

كۇن سايىن مەگاپوليستىڭ مىڭداعان تۇرعىنى دارى­گەر­لەردىڭ قولىنان دەرتتەرىنە شيپا تاۋىپ، كەسەلىنەن ايى­عىپ، قۋانا ۇيلەرىنە ورا­لىپ جاتادى. دەگەنمەن الماتى سياقتى شاھاردىڭ اق جەلەڭدى ما­مان­دارىنىڭ وز­دە­رى دە ماق­تان تۇتاتىن وقيعالار بار.

مىسالى، الماتىداعى پرە­زي­دەنت ءىس باسقارماسى مەدي­تسينالىق ورتالىعى – ورتالىق كلينيكالىق اۋرۋحاناسىنىڭ (وكا) حيرۋرگتەرى بالزاليوما­نى الىپ تاستاۋ ءۇشىن سيرەك وپە­راتسيا جاسادى. بازالدى جاسۋشالىق كارتسينوما – وسىنداي ىسىكتەردىڭ 45-90%-ىن قۇ­راي­تىن ەڭ كوپ تارالعان تەرى ىسىگى. جالپى، ونكولوگيالىق كەسەلدەر قۇرىلىمىندا بۇل ىسىكتەردىڭ ستا­تيستيكاسى 86،8%-عا جەتىپ جى­عىلادى.

وكىنىشكە قاراي، ونىڭ ۇستىنە بۇل كورسەتكىش جىل سايىن ءوسىپ كەلەدى. بالزاليومانىڭ پايدا بولۋىنا قورشاعان ورتانىڭ لاستانۋى، وزون قاباتتارىنىڭ تەسىلۋى، كۇن ءوتۋ سياقتى فاك­تورلار سەبەپشى. كو­بى­نەسە اۋرۋ وتكىر كۇن ساۋلە­سى­نىڭ اسە­رىنەن، ياعني تەرى مەن كۇن­نىڭ ارەكەتتەسۋىنەن پايدا بولادى. بۇل كەسەل كوبىنەسە 50 جاس­تان اسقان ادامداردا كەزدە­سە­دى دەسەك تە، 20-49 جاس ارا­لى­عىن­داعى ادام­داردان دا تا­بى­لىپ جاتىر. بازالدى جاسۋ­شا­لىق كارتسينوما ەرلەر مەن ايەل­دەردە بىردەي ءجيى داميدى. ىسىكتىڭ ءورشۋى ادەتتە تەرىنىڭ كۇن تۇسەتىن اشىق جەرلەرىندە، ياعني مۇرىن، مۇرىن-ەرىن قات­پارلارى، پەريور­­بيتالدى جانە پەريوربيتالدى اي­ماقتاردا، قۇلاقتىڭ ىشىندە، باس تەرىسىندە، ماڭداي مەن مويىندا پايدا بولادى.

وكا حيرۋرگتەرى سيرەك وپەراتسيانى سەمەي قالاسىنىڭ تۇرعىنىنا جاسادى. ناۋقاستىڭ باسى تۇگەل زاقىمدالىپ اۋرۋى تىم اسقىنىپ كەتكەندىكتەن، باس­قا ەمحانالاردىڭ دارىگەرلەرى ونى ەمدەۋدەن باس تارتقان. حي­رۋرگ­تەر ناۋقاستىڭ باس تەرى­سى­نە ترانسپلانتاتسيا جاساۋ ار­قى­لى قالپىنا كەلتىردى.

– بۇل ءبىر جاعىنان تىم كۇر­دە­لى كوسمەتيكالىق وپەراتسيا بولعاندىقتان، ونى بارىنشا مۇقيات جاساۋ قاجەت بولدى. وپەراتسيا ءۇش ساعاتقا سوزىلىپ، ءبىز ونىڭ باس تەرىسىنىڭ ديامەترىن 8 سانتيمەترگە دەيىن وزگەرتتىك، شاش سىزىعىن ساقتاپ قالدىق. ساناۋلى كۇندەردەن سوڭ بۇل ايەل ۇيىنە قايتادى، – دەيدى مەديتسينا عىلىمدارىنىڭ كانديداتى، حيرۋرگ مارات احەتوۆ.

 

الماتى

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار