اتاپ ايتقاندا, قۇجات ەلوردا رامىزدەرىنىڭ سيپاتتاماسى مەن پايدالانۋ ءتارتىبىن بەكىتەدى.
قۇجاتقا سايكەس, استانا قالاسىنىڭ ەلتاڭباسى كوگىلدىر ءتۇس اياسىندا التىن ءتۇستى «بايتەرەك» پەن «شاڭىراق» بەينەلەنگەن ەكى نىشان ورنالاسقان دوڭگەلەكتى بىلدىرەدى. «بايتەرەك» بەلگىسى نەگىزىندە «قۇسقاناتى» ويۋى ورنالاسقان, ونىڭ تومەنگى جاعىندا ءستيلدى «ن» ءارپى ورنالاسقان, «قۇسقاناتى» ويۋى جانە «ن» ءارپى التىن تۇسكە بويالعان. «شاڭىراق» بەلگىسى مەن «قۇسقاناتى» ويۋىنىڭ سىرتقى جاعى جاسىلمەن كومكەرىلگەن. سىرتقى ساقينانىڭ كومكەرىلگەن جەرىندە سول جانە وڭ جاقتارىندا قىزىل ايادا التىن ءتۇستى «بورىكوز» ويۋى ورنالاسقان. ەلتاڭبانىڭ تومەنگى جاعىندا التىن تۇستەس ايادا قىزىل ءتۇستى «ASTANA» دەگەن جازۋى بار. «ASTANA» جازۋىنىڭ سول جانە وڭ جاعىندا التىن ءتۇستى ءۇش سيممەتريالى سىزىقتار ورنالاسقان.
استانا قالاسىنىڭ تۋى ەنى مەن ۇزىندىعى 1:2 قاتىناستاعى ورتاسىندا استانا قالاسىنىڭ ەلتاڭباسى ورنالاسقان تىك بۇرىشتى جايماتوسەمدى بىلدىرەدى, ودان جان-جاققا التىن تۇستەگى كۇن ساۋلەلەرى شاشىلىپ تۇرادى.
ءماسليحات شەشىمىنىڭ جوباسى 4 قازانعا دەيىن «اشىق نقا» سايتىنا ورنالاستىرىلعان.
