جاپونيا ەلشىسىمەن كەزدەستى

ءماجىلىس توراعاسى قابيبوللا جاقىپوۆ پەن جاپونيا ەلشىسى ماساەسي كاموحارا ەكى ەلدىڭ قارىم-قاتىناسى تۋرالى ماسەلەلەردى تالقىعا سالدى, دەپ حابارلادى وسى پالاتانىڭ ءباسپاسوز قىزمەتى. تاراپتار قازاقستان پرە­زيدەنتىنىڭ جاپونيا پرەمەر-مينيسترىمەن كەزدەسۋلەرى قازاقستاندىق-جاپوندىق ءوزارا ءىس-قيمىلدى ودان ءارى نىعايتۋعا جول اشاتىنىن ايتا كەلىپ, قوس مەملەكەت ىنتىماقتاستىعىنىڭ ستراتەگيالىق سيپاتىنا نازار اۋداردى. سونداي-اق, كەزدەسۋ يە­لەرى يادرولىق قارۋسىزداندىرۋ جانە تاراتپاۋ تاقىرىبىنا دا ايرىقشا كوڭىل ءبولدى. ءماجىلىس توراعاسى قازاقستان پرە­زيدەنتى نۇرسۇلتان نازار­باەۆتىڭ بارلىق حالىق­ارا­لىق باستامالارىنىڭ ماڭىز­دى­لىعىنا توقتالدى. ق.جاقى­پوۆ­تىڭ اتاپ وتكەنىندەي, ورتالىق ازيادا يادرولىق قارۋدان ازات ايماق تۋرالى كەلىسىمگە, اعىم­داعى جىلى 6 مامىردا بۇۇ شتاب-پاتەرىندە قول قويىلعان حات­تاما – حالىقارالىق جانە اي­ماقتىق قاۋىپسىزدىكتى نىعايتۋ جولىنداعى ماڭىزدى قادام. ءوز كەزەگىندە ماساەسي كا­موحارا قازاقستان ايماقتاعى جول­باسشى مەملەكەت بولىپ وتىر­عانىن اتاپ ءوتتى. سونى­مەن بىرگە, جاپون ديپلوماتى جاپونيانىڭ ءبىزدىڭ ەلىمىزبەن ءارتۇرلى سالاداعى ىنتىماقتاستىققا, اسىرەسە, يادرولىق قارۋسىزدانۋ سالا­سىن­د­اعى ىنتىماقتاستىققا ءمۇد­دەلى ەكەندىگىن ءبىلدىردى. ەكى ەل باس­شىلارىنىڭ گااگاداعى كەزدە­سۋ­لەرى وسىنىڭ دالەلى بولاتىنىن كورسەتتى. ساۋدا-ەكونوميكالىق ىق­پال­­داستىقتى كەڭەيتۋ تۋرالى ءسوز بولعاندا, ءماجىلىس توراعاسى قا­­زاقستاننىڭ جاپوندىق جە­تەك­­شى ترانسۇلتتىق كومپانيا­لا­رىنان ين­ۆەس­تيتسيا تارتۋعا جانە قا­زاق­ستاندا سەرۆيستىك جيناقتاۋ ءون­­دى­­رىسىن قۇرۋعا نيەتتى ەكەنىن ءتىل­گە تيەك ەتتى. قابيبوللا جاقى­پوۆ: – جاپوندىق ءوندىرىس ورىن­دارىنىڭ يننوۆاتسيالىق سيپاتىن ەسكەرە وتىرىپ, ءبىز جاپوندىق بيز­نەس وكىلدەرىن قازاقستاندا يندۋس­تريالىق باعدارلامالاردى جۇزەگە اسىرۋعا, سونداي-اق, ەكسپو-2017 كورمەسىنە قاتى­سۋ­عا شاقىرامىز, – دەدى. كەزدەسۋ يەلەرى پار­لا­مەنت­ارالىق قاتىناستى تەرەڭدەتۋدىڭ وزەكتىلىگىن ەسكەرە كەلىپ, وسى جول­دا بەيىندى كوميتەتتەرمەن ىن­تىماقتاستىق جونىندەگى توپ­تار اراسىنداعى ءوزارا ءىس-قي­مىل­دى كەڭەيتۋ كەرەكتىگىن جەتكىزدى.