ءتيىمدى ساياسات الدىن الۋ ادىستەرىنە نەگىزدەلۋى ءتيىس

«نۇر وتان» پارتياسىنىڭ 2015-2025 جىلدارعا ارنالعان جەمقورلىققا قارسى جاڭا ءىس-قيمىل باعدارلاماسىنىڭ جوباسى قالىڭ بۇقارانىڭ تالقىسىنا ۇسىنىلماق «نۇر وتان» پارتياسى ورتالىق اپ­پا­راتىندا پارتيا توراعاسىنىڭ ءبىرىن­شى ورىنباسارى باۋىرجان بايبەكتىڭ قاتىسۋىمەن «نۇر وتان» پارتياسىنىڭ جەمقورلىققا قارسى ءىس-قيمىل باع­دار­لاماسىن ازىرلەۋ جونىندەگى جۇمىس توبىنىڭ وتىرىسى بولىپ ءوتتى. «نۇر وتان» 2015-2025 جىلدارعا ارنالعان جەمقورلىققا قارسى جاڭا ءىس-قيمىل باعدارلاماسىن ازىرلەۋدە. جەمقورلىققا قارسى جاڭا ءىس-قيمىل باعدارلاماسىنىڭ جاڭا جوباسى زاڭنامانى جەتىلدىرۋ, جەمقورلىق ارەكەتتەردىڭ الدىن الۋ, قوعامدا جەمقورلىققا قارسى مادەنيەت پەن جەمقورلىققا توزبەۋشىلىكتى قالىپتاستىرۋ, جەمقورلىقپەن كۇرەسكە ازاماتتىق قوعام ينستيتۋتتارىنىڭ قاتىسۋى مۇمكىندىگى مەن قازاقستاننىڭ كوپشىلىك ماقۇلداعان حالىقارالىق اكتىلەرگە قوسىلۋىن زاڭنامالىق قامتاماسىز ەتۋ سالالارىنداعى جۇمىستاردى قامتيدى. باعدارلامانىڭ جاڭا جوباسىندا مەملەكەت پەن ازاماتتاردىڭ تەڭ ارىپتەس رەتىندە ساپالىق تۇرعىدان جاڭا سيپاتتاعى ءوزارا قارىم-قا­تىناستى قالىپتاستىرۋ بويىنشا قوعاممەن, ازاماتتىق سەكتورمەن ىنتىماقتاستىعىنا ەرەكشە نازار اۋدارىلىپ وتىر. باعدارلاما شەڭ­بەرىندە «نۇر وتان» پارتياسىنىڭ «جەمقورلىققا قارسى ءىس-قيمىل تۋرالى» جىل سايىنعى باياندامالارى, سونىمەن قاتار, ناقتى ناتيجەلەر بويىنشا ەسەپتەرى ءتاجى­ريبەسىن ەنگىزۋ ويلاستىرىلعان. ولار قوعام, ۇەۇ مەن مەملەكەتتىك قۇرى­لىمداردىڭ وكىلدەرىمەن ءبىر­لەسىپ ازىرلەنەدى. اتالمىش قۇجات­تار جەمقورلىقپەن كۇرەس سالا­سىن­داعى جاعدايدى تولىق كورسە­تىپ, جەمقورلىق قۇقىق بۇزۋشى­لىقتاردىڭ سانى تۋرالى, جەمقور­لىقتىڭ دەڭگەيىن باعالاۋ بويىن­شا, سونداي-اق, جەمقورلىققا قارسى ءىس-قي­مىل­دا قولدانىلاتىن شارالار تۋ­رالى اقپارات ۇسىنىپ تۇراتىن بولادى. «قولىمىزدا قاجەتتى ءمۇم­كىن­دىكتەردىڭ بارلىعىن, كادرلىق, ۇيىم­داستىرۋشىلىق رەسۋرستاردىڭ جەتكىلىكتى ەكەندىگىن اتاپ وتكەن ءجون. مەملەكەتتە, قوعامدا قاجەتتىلىك تۋىپ وتىرعاندا كوررۋپتسياعا ىمى­راسىزدىقتىڭ قوعامدىق ساناعا دەندەۋى ءۇشىن ۇزاق مەرزىمدى جانە بەلگىلى ءبىر ماقساتقا نەگىزدەلگەن ناقتى باعدارلاما بويىنشا جۇيەلى تۇردە جۇمىس جاساۋىمىز كەرەك», دەپ اتاپ ءوتتى جۇمىس توبىنىڭ وتىرىسى بارىسىندا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك. جەمقورلىق جايتتارىنىڭ بوي كورسەتۋلەرىمەن عانا ەمەس, سونداي-اق, ونىڭ سەبەپتەرىمەن كۇرەسۋگە باعىتتالاتىن جۇيەلىلىك – جاڭا باعدارلامانىڭ باستى قاعيداسىنا اينالادى. ۇلىبريتانيا, فران­تسيا, سينگاپۋر, مالايزيا جانە گون­كونگ سەكىلدى بىرقاتار ەلدەردىڭ ءتاجى­ري­بەسىنە جۇرگىزىلگەن تالداۋ كورسەتىپ وتىرعانداي, جەمقورلىققا قارسى كۇرەستەگى ءتيىمدى ساياسات مىندەتتى تۇردە الدىن الۋ ادىستەرىنە نەگىز­دەلۋى كەرەك. «جەمقورلىققا قارسى ءىس-قيمىل ماسەلەسى مەملەكەتتىك ساياساتتاعى ستراتەگيالىق باعىت بولىپ تابىلادى. بۇل تۋرالى مەملەكەت باسشىسى, پارتيا توراعاسى ن.ءا. نازارباەۆ تالاي مارتە ايتتى. الەۋمەتتىك كەسەلمەن كۇرەستىڭ جاڭا ادىستەرىن ۋاقىتتىڭ ءوزى ايقىنداپ بەرۋدە, ەندى اتالمىش باعدارلامانى جاساۋ قاجەتتىلىگى تۋدى, ءارى ونىڭ ماڭىزدىلىعىن شەتەلدەردىڭ وڭ تاجىريبەسىنەن كورىنىپ وتىر», – دەپ اتاپ ءوتتى جۇمىس توبىنىڭ وتىرىسىندا قوعامدىق كەڭەستىڭ توراعاسى قايىربەك سۇلەيمەنوۆ. «بۇل قۇجات ەلىمىزدە, ەڭ الدى­مەن, مەملەكەتتىك قىزمەتتە بار­لىق جەم­قورلىق كورىنىستەردى ازايتۋعا جۇيەلى تۇردە قاراۋعا مۇمكىن­دىك بەرەدى. باستى تىرەك ازامات­تىق قوعام ينستيتۋتتارىنا جاسالىپ, سونداي-اق, جەمقورلىق ارەكەت­تەر قوعامنىڭ قۇقىقتىق مادەنيە­تىنە, ناقتى تۇلعالاردىڭ قۇقىق­تىق مادەنيەتىنە قاتىستى بولعاندىقتان, باعدارلامادا قوعام مەن مەملە­كەتتە جەمقورلىققا قارسى مادە­نيەتتى دامىتۋعا ۇلكەن ءمان بەرىل­مەك», – دەدى قازگزۋ قىلمىس­تىق-پروتسەسسۋالدىق زەرتتەۋلەر مەن جەمقورلىققا قارسى ءىس-قيمىل عزي ديرەكتورى مارات قوعاموۆ. 2015-2025 جىلدارعا ارنالعان جەمقورلىققا قارسى جاڭا ءىس-قيمىل باعدارلاماسىنىڭ جوباسى قوعام, ينتەرنەت پايدالانۋشىلار, ساراپشىلار, ۇكىمەتتىك ەمەس ۇيىمدار مەن پارتيا مۇشەلەرى تاراپىنان تالقىلانىپ, ۇسىنىستار ەنگىزۋ ءۇشىن پارتيانىڭ رەسمي سايتىندا جاريالاناتىن بولادى. «ەگەمەن-اقپارات».