ايقىندىق باعىتىنداعى باستاما

پرەزيدەنت جانىنداعى ور­تالىق كوممۋنيكاتسيالار قىز­مە­تىندە ءداستۇرلى بريفينگ ءوتتى. ءوڭ­دەۋ­شى سالالاردىڭ ايقىندىعى باستا­ماسىنىڭ «قازاقستاندا قول جەت­كىزىلگەن ناتيجەلەرى مەن ونى ءارى قاراي جۇزەگە اسىرۋ جوسپارى» تاقىرىبىنا ارنالعان باسقوسۋعا يندۋستريا جانە جاڭا تەحنولوگيالار ۆيتسە-ءمينيسترى نۇرلان ساۋرانباەۆ, وڭدەۋشى سالالاردىڭ ايقىندىعى باستاماسىنىڭ ء(وساب) باسقارما توراعاسى كلەر شوت جانە پارلامەنت ءماجىلىسىنىڭ دە­­پۋ­تا­تى ايگۇل سولوۆەۆا ق­اتىس­تى. وڭدەۋشى سالالاردىڭ ايقىن­دى­عى باستاماسىنىڭ نەگىزگى ماق­ساتى وڭدەۋشى سەكتورداعى كومپا­نيا­لار تابىسىنىڭ حالىققا قولجە­تىمدىلىگىن قامتاماسىز ەتۋ بولىپ تابىلادى. ەلىمىز 2005 جىل­دان باستاپ بۇل باستاما بوي­ىن­شا مىندەتتەمەلەردى العا قوي­دى. وسىعان سايكەس, ۇلتتىق كەڭەس قۇ­رىلىپ, ارنايى ەسەپتى­لىكتى قالىپ­تاستىرۋدى قولعا الدى. اقپا­راتتار بارلىق جەردە جاريا­لانادى. ماسەلەن, كوم­پا­نيا­لار­دىڭ ءونىم كولەمىمەن ودان تۇسكەن پايدانى جۇمساۋ تەتىكتەرى مەن جولدارى, كولەمى كورسەتىلگەن. ازا­ماتتارىمىز ەلىمىزدەگى كومپا­نيا­لاردىڭ تابىس­تارى جونىندە وسىلايشا اقپاراتقا قول جەتكىزە الادى», دەدى يندۋستريا جانە جاڭا تەح­نولوگيالار ۆيتسە-ءمينيسترى ن.ساۋرانباەۆ. ءوساب قازاقستاندا جۇزەگە اسى­رۋدىڭ حالىقارالىق, ساياسي جانە سىبايلاس جەمقورلىققا قارسى سيپاتتاعى دارەجەسى بار, سو­نىمەن قاتار, ول كومپانيالار مەن ۇكىمەتتىڭ وڭدەيتىن سەك­تور­داعى تابىستارىنىڭ حالىققا قول­جەتىمدى ايقىندىعىنا باعىت­تالعان. 2013 جىلدىڭ قازان ايىندا ءوساب حالىقارالىق باسقارماسى قازاقستان ءوساب بارلىق تالاپتارىنا سايكەس كەلەدى دەپ جوعارى باعالاپ, ءوساب «ۇستانۋشى ەلدىڭ» مارتەبەسىن بەردى. ءوساب-تى 39 مەملەكەت ەنگىزسە, ونىڭ ىشىندە «ۇستانۋشى ەل» دەگەن ەڭ جوعارى مارتەبەنى 27 مەملەكەت يەلەنگەن. ولاردىڭ قاتارىندا قازاقستان, قىرعىزستان, ازەربايجان, موڭ­عوليا, پاكىستان, البانيا, سونداي-اق, افريكا قۇرىلىعىنان زامبيا, موزامبيك, نيگەريا, كامەرۋن, گانا, كونگو, ليبەريا سىندى كوپتەگەن مەملەكەتتەر مەن لاتىن امەريكاسىنىڭ پەرۋ, گۆاتەمالا ەلدەرى بار. ۇلتتىق كەڭەس وسىنداي جوعارى مارتەبەنى الۋ ءۇشىن باستامانى قازاقستاندا ەنگىزگەلى قىرۋار جۇمىستار اتقارىلعان. ونىڭ ىشىندە ۇلتتىق كەڭەستىڭ قۇرامى وزگەرتىلىپ, ونى پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ باسقارادى. سونداي-اق, ءوساب-تى جۇزەگە اسىرۋ جونىندەگى جۇمىس جوسپارى جاڭارتىلسا, ەندى ول 2015 جىلعا دەيىنگى شارالاردى قامتيدى. وتكەن جىلدىڭ 9 قازانىندا ءوساب بويىنشا V ۇلتتىق كونفەرەنتسيانىڭ بارىسىندا بارلىق تاراپتار قول قويعان ءوزارا تۇسىنىستىك تۋرالى مەموراندۋم قابىلدانعان. ءابدىراحمان قىدىربەك, «ەگەمەن قازاقستان».