تاتۋ كورشىلىك پەن دوستىقتى نىعايتۋ جولىندا

استانادا قورعانىس مي­نيس­ترلىگىنىڭ, سىرتقى ىستەر مي­نيسترلىگىنىڭ, ۇقك شە­كارا قىزمەتىنىڭ باس­شى­لىعى بىرلەسكەن باقىلاۋ توبى­نىڭ (ببت) 30 سەسسياسىنا قا­تىسۋشى قازاقستان, قى­تاي, قىر­عىزستان, رەسەي جانە تاجىكستان دەلەگا­تسيا­لارىنىڭ باسشىلارىمەن كەزدەستى. سەسسيانىڭ كۇن تارتىبىنە قا­زاق­ستان رەسپۋبليكاسى, قىرعىز رەس­پۋبليكاسى, رەسەي فەدەراتسياسى, تاجىكستان رەسپۋبليكاسى, قىتاي حالىق رەسپۋبليكاسى اراسىنداعى 1996 جىلعى 26 ساۋىردەگى شەكارا اۋدانىندا اسكەري سالاداعى سەنىمدى نىعايتۋ تۋرالى (شانحاي كەلىسىمى )جانە 1997 جىلعى 24 ساۋىردەگى شەكارا اۋدانىندا قارۋلى كۇشتەردى ءوزارا ءتيىمدى قىسقارتۋ تۋرالى (ماسكەۋ كەلىسىمى) كەلىسىمدەردى ورىنداۋ ماسەلەلەرى شىعارىلدى. سەسسيا بارىسىندا 2013 جىل­عى ينسپەكتسيالىق قىزمەتتىڭ قورى­تىن­دىسى شىعارىلىپ, اعىمداعى جىلى ءوزارا ءتيىمدى ينسپەكتسيا جۇرگىزۋ ءما­سەلەلەرى انىقتالاتىن بولادى. ءبىر­لەسكەن باقىلاۋ توبى 30 سەسسياسىنىڭ جۇمىس قو­رى­تىندىسى بويىنشا ءتيىستى حاتتاماعا قول قويۋ جوسپارلانۋدا. ببت سەسسياسى 1999 جىلدان بەرى تۇراق­تى نەگىزدە وتكىزىلىپ كەلەدى. ول بىرلەسكەن تاراپتار دەلەگاتسياسى (قازاقستان, قىر­عىزستان, رەسەي, تاجىكستان) جوعارى لاۋازىمدى تۇلعا سىرتقى ساياسي قورعانىس ۆەدومستۆولارى ساراپشىلارى دەڭ­گەي­ىن­دەگى قحر دەلەگاتسيالارىنان تۇرادى. ببت قىزمەتى 15 جىل ىشىندە بار­لىق قاتىسۋشى مەملەكەتتەر شان­حاي جانە ماسكەۋ كەلىسىمدەرىنىڭ ەرە­جەلەرىن ءساتتى ىسكە اسىرىپ كەلە جاتقانىن دالەلدەيدى. بىرلەسكەن باقىلاۋ توبى شەڭبەرىندە تۇراقتى نەگىزدە ينسپەكتسيالىق جانە مالىمدەۋ قىزمەتتەرىن جۇرگىزىپ, كەزدەسۋلەر وتكىزىپ تۇرادى. ببت مەحانيزمى بەس مەملەكەتتىڭ اراسىنداعى تاتۋ كورشىلىك پەن دوس­تىقتىڭ دامۋىندا, شەكارا اۋداندارىندا قاۋىپسىزدىك پەن تۇراقتىلىقتى نىعايتۋدا ماڭىزدى ورىن الادى. «ەگەمەن-اقپارات».