ەگىن ەگۋ ناۋقانى ەلىمىزدىڭ استىق وسىرەتىن باستى وڭىرلەرىندە باستالدى

2014 جىلعى ەگىن ەگۋ ناۋقانى رەسپۋب­­­ليكانىڭ وڭتۇستىك وڭىرلەرىنەن سولتۇستىك ايماقتارعا جەتتى. وسى جىلدىڭ كوكتەمگى-ەگىس جۇمىستارىن قولداۋعا «قازاگرو» ۇلتتىق حولدينگى بار­­لىق قار­جىلاندىرۋ كوزدەرىنەن جالپى 61,2 ملرد. تەڭگە باعىتتاۋدى كوزدەپ وتىر, ونىڭ 40 ملرد. تەڭگەسى – بيۋدجەتتىك نەسيە. ساراپ­شى­لار­دىڭ با­عالاۋى بويىنشا حولدينگتەن ەگىن ناۋقا­نىنا بولىنگەن قاراجات 6,2 ملن.گا جەردە اگرو­تەح­نيكالىق شارالاردى وتكىزۋگە مۇمكىندىك بەرەدى. بۇگىنگى كۇنى «قازاگرو» كومپانياسىنا اۋىل شارۋاشىلىعى تاۋار وندىرۋشىلەرىنەن 3 مىڭنان استام ءوتىنىم كەلىپ ءتۇستى, وتىنىمدەردىڭ جيىنتىق سوماسى 28,9 ملرد.تەڭگەنى قۇرايدى. بۇل كورسەتكىشتىڭ 2,5 مىڭ ءوتىنىمى بۇگىندە ماقۇلداندى. 14,5 ملرد.تەڭگەنى قۇرايتىن 1,6 مىڭنان استام ءوتىنىم قارجىلاندىرىلدى. كوكتەمگى-ەگىس جۇمىستارىن نەسيە­لەن­دىرۋگە كەلىپ تۇسكەن ەڭ كوپ وتىنىمدەر كەلەسى ايماقتاردى قامتيدى – قوستاناي وبلىسى (962 ءوتىنىم), اقمولا وبلىسى (694), وڭتۇستىك قازاقستان وبلىسى (616), سولتۇستىك قازاقستان وبلىسى (357) جانە پاۆلودار وبلىسى (144). ەگىن ناۋقانىن قارجىلاندىرۋدى «قازاگرو» ۇلتتىق حولدينگىنىڭ قۇرامىن­داعى ءۇش دامۋ ينستيتۋتى جۇرگىزەدى, ولار – «اگرارلىق نەسيە كورپوراتسياسى» اق, «ازىق-ءتۇ­لىك كەلىسىمشارت كورپوراتسياسى» اق جانە «اۋىل شارۋاشىلىعىن قار­جىلاي قولداۋ قورى» اق. بۇدان ءبو­لەك اوك سۋبەكتىلەرىنىڭ نەسيە كوز­دەرىنە قولجەتىمدىلىگىن ارتتىرۋ ءۇشىن «قازاگرو» ۇلتتىق حولدينگى رەسپۋب­ليكانىڭ اگرارلىق سالاسىنداعى شارۋا­شىلىقتاردى قارجىلاندىرۋعا ءبىر­قاتار ەكىنشى دەڭگەيلى بانكتەردى قار­جىلاندىردى. بۇل ماقساتتارعا حولدينگ بيۋدجەتتىك نەسيەدەن 20 ملرد.تەڭگە ءبولدى. بۇگىنگى كۇنى ەگىن ناۋقانىنا بانك­تەر 16,2 ملرد.تەڭگەدەن استام سوماعا قارجىلاندىرۋ جۇمىستارىن جۇرگىزدى. نەسيەلەندىرۋ ستاندارتتى بانكتىك راسىمدەر بويىنشا جۇزەگە اسىرىلادى. قارجىلىق رەسۋرستاردان بولەك «قاز­اگرو» اۋىلدىقتاردىڭ ماشينا-تراكتور پاركىن جاڭالاۋ سۇراقتارىن شە­شۋدە. اگرارشىلارعا قاجەتتى اۋىل­شارۋا­شىلىق تەحنيكاسىنا قول جەتكىزۋدى «قاز­اگروقارجى» اق ليزينگ پەن نەسيەلەندىرۋ قۇرالدارى بويىنشا جۇزەگە اسىرۋدا. بۇگىندە كومپانيادا 11,6 ملرد.تەڭگەنى قۇرايتىن 1 334 بىرلىك تەحنيكاعا كەلىپ تۇسكەن وتىنىمدەر جۇمىس ۇستىندە. قارجىلىق ليزينگ مامىلەلەرى 7,1 ملرد.تەڭگە سوماسىنا 745 بىرلىك تەحنيكانى يەمدەنۋگە جاسالدى. ماقپال اۋەسباەۆا.